ဆဲဗင်းဇူလိုင်နေ့ ချီတက်သူကျောင်းသား နှစ်ဦး ထောင် ၇ ရက်ကျ

ကိုဇင်မင်းဖြိုးနဲ့ ကိုမင်းဟန်ထက် တို့ကို ၂၀၁၉ သြဂုတ် ၂၀ ရက်နေ့က လှိုင်မြို့နယ်တရားရုံးမှာ ရုံးထုတ်ခဲ့စဉ်
ဆဲဗင်းဇူလိုင်အထိမ်းအမှတ် လမ်းလျှောက်ချီတက်ခဲ့တာကြောင့် ကျောင်းသား နှစ်ဦးကို ငြိမ်းစုစီ ဥပဒေ ပုဒ်မ ၁၉ နဲ့ ရန်ကုန်၊ လှိုင်မြို့နယ်တရားရုံးက ထောင်ဒဏ် ၇ ရက် ချလိုက်ပါတယ်။

ပြီးခဲ့တဲ့ ဇူလိုင်လ ၇ ရက်နေ့က ရန်ကုန်တက္ကသိုလ်ဝင်းထဲက ကျောင်းသားသမဂ္ဂ အဆောက်အဦးဟောင်းနေရာအထိ လမ်းလျှောက်ချီတက်ခဲ့တဲ့ တက္ကသိုလ်ကျောင်းသား ကိုမင်းဟန်ထက်နဲ့ ကိုဇင်မင်းဖြိုးတို့ကို လှိုင်မြို့နယ် တရားရုံးက ထောင်ဒဏ် ချမှတ်လိုက်တာဖြစ်ပါတယ်။

ကျောင်းသား နှစ်ဦးဟာ တရားစွဲခံရချိန်ကစပြီး အာမခံမယူခဲ့ ဖမ်းဆီးခံပြီး အမှုရင်ဆိုင်ခဲ့သူတွေဖြစ်ပါတယ်။

ဒီနေ့ တရားရုံးက ပြစ်ဒဏ်ချမှတ်ရာမှာ ချုပ်ရက်ခံစားခွင့်ပေးခဲ့တာကြောင့် ဒီနေ့ပဲ တက္ကသိုလ်ကျောင်းသားသမဂ္ဂ အဖွဲ့ဝင် ကျောင်းသား နှစ်ဦး ပြန်လည်လွတ်မြောက်မှာ ဖြစ်ပါတယ်။

တကသ ကျောင်းသားတွေနည်းတူ 7 July အခမ်းအနားတွေ ကျင်းပခဲ့တဲ့ ဗကသ ကျောင်းသား ခြောက်ဦးကိုလည်း ကမာရွတ်မြို့နယ် တရားရုံးမှာ ငြိမ်းစုစီ ဥပဒေ ပုဒ်မ ၁၉ နဲ့ တရားစွဲဆိုထားတာရှိပါတယ်။ အဲဒီအမှုကိုတော့ ဘယ်နေ့မှာ အမိန့်ချမယ်ဆိုတာ မသိရသေးပါဘူး။

ဗိုလ်ချုပ်ကြီးနေ၀င်း ဦးဆောင်ပြီး စစ်တပ်က ၁၉၆၂ ခုနှစ်မှာ အာဏာသိမ်းပြီးတဲ့နောက် ဆန္ဒပြကန့်ကွက်တဲ့ ကျောင်းသားတွေကို အကြမ်းဖက် နှိမ်နင်းခဲ့ပြီး ဇူလိုင်လ ၇ ရက်နေ့မှာ လွတ်လပ်ရေး သမိုင်းဝင် ကျောင်းသားသမဂ္ဂ အဆောက်အဦးကို ဗုံးခွဲဖျက်ဆီးခဲ့တဲ့နေ့ကို ကျောင်းသားသမဂ္ဂအဖွဲ့ဝင်တွေက နှစ်စဉ်နှစ်တိုင်း ကျင်းပနေ တာဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ