တိုက်ပွဲကြောင့် ၃ ရက်အတွင်း တန့်ယန်းသို့ စစ်ရှောင် ၅၀၀ ခန့်ရောက်ရှိ

ဩရုတ်လ ၉ ရက် ၂၀၁၉

သျှမ်းပြည်မြောက်ပိုင်း တန့်ယန်းမြို့နယ်အတွင်း တိုက်ပွဲကြောင့် စစ်ဘေးရှောင် ၅၀၀ နီးပါးရှိပြီဖြစ်ရာ ကျေးရွာအတွင်း လက်နက်ကိုင်တပ်များရွာအတွင်းရှိနေသေးဖြင့် နေရပ်မပြန်ရဲကြသေးကြောင်း သိရသည်။

“၃ ရက်အတွက်စစ်ဘေးရှောင် ၄၉၀ ရောက်နေတယ်တန့်ယန်းကို ”- ဟု စစ်ရှောင်ကူညီရေးအဖွဲ့ တန့်ယန်းလူငယ်ခေါင်းဆောင် စိုင်းစိုင်း ကပြောသည်။
ဩဂုတ်လ ၆ ရက်နေ့ကတည်းကစပြီး တန့်ယန်းမြို့ နမ့်ပင်ဘုန်းကြီးကျောင်းသို့ စစ်ဘေးရှောင် ၁၇၄ ဦး၊ လုံမု ဘုန်းကြီးကျောင်း ၁၄၃ ဦး၊ တော်လောက်ကျောင်းတွင် ၉၇ ဦးနှင့် ဟိုမန်းဘုန်းကြီးကျောင်းတွင် ၇၆ ဦး ရောက်ရှိခိုလှုံနေကြကြောင်း သိရသည်။

ဟိုမန်းဘုန်းကြီးကျောင်းတိုက်တွင် ရောက်ရှိခိုလှုံနေသော စစ်ဘေးရှောင် စိုင်းကမ် က- အစိုးရစစ်တပ်က ရွာထဲမှာနေနေတယ်။ တကယ်လို့ စစ်ကြောင်းက ရွာကထွက်သွားရင်တော့ ကျနော်တို့ရွာပြန်နိုင်ကြမှာပေါ့။ ခုက လက်နက်ကိုင် ၂ ဖွဲ့လုံးက တဖွဲ့က ရွာထဲမှာတဖွဲ့ကရွာပြင်မှာဆိုတော့ တိုက်ပွဲကအချိန်မရွေးပြန်ဖြစ်နိုင်တာကြောင့် ကျနော်တို့ ရှောင်ထားနှင့်တာပါ”- ဟု သျှမ်းသံတော်ဆင့်အားပြောသည်။

ဩဂုတ်လ ၇ ရက်နေ့က စစ်ဘေးရှောင်များအား မေတ္တာဖောင်ဒေးရှင်း၊ ကျားခေါင်းပါတီ SNLD ၊ တန့်ယန်းလူငယ်အဖွဲ့၊ ဟွေကျိန်၊ မိုင်းကောဝ်လူငယ်အဖွဲ့တို့မှ ခြင်ထောင်၊ ဖျာ၊ ဖုံ စောင်၊ ပန်းကန်တို့အပြင် စားသောက်ဖွယ်ရာများဖြစ်သော ဆန်၊ ဆီ၊ ဆားတို့ကို ကူညီထောက်ပံ့မှုပေးကြကြောင်းသိရသည်။

လုံမုဘုန်းကြီးကျောင်းရှိစစ်ဘေးရှောင်များအားကူညီမှုပေးနေသည့် တန့်ယန်းလူငယ် စိုင်းအေးက - ခုလောလောဆယ်တော့ နေရာထိုင်ခင်းအတွက်စိတ်မပူရဘူး။ ဒါမယ့်တိုက်ပွဲက ကြာရှည်ဖြစ်မယ်ဆိုရင်တော့ စစ်ဘေးရှောင်တွေအတွက် အစားအသောက်တွေ စိတ်ပူရတာပေါ့။ လောလောဆယ်တော့ ထမင်းထုတ် ဟင်းထုတ်တွေကို ဒီရွာသားတွေက လာပို့ပေးတယ်။ ရိက္ခာကြမ်းတွေတော့ လူငယ်အဖွဲ့တွေလာပေးတယ်အဲလောက်ဘဲရှိသေးတယ်။- ဟု သျှမ်းသံတော်ဆင့်အားပြောသည်။

တန့်ယန်းဘုန်းကြီးကျောင်းရောက်စစ်ဘေးရှောင်ရွာသားများမှာ နားပိန်း၊ ပိန်းစန်း၊ ကွန်ဝက်၊ နမ့်ပတ်၊ လုံကျိန်၊ နမ့်ပန်၊ တုန့်ဟုန်းနှင့် နမ့်ပင် ရွာများမှ ရွာသားများဖြစ်ကြသည်။

တန့်ယန်းမြို့နယ်အတွင်း SSPP/SSA မှ ရွာသားများအား ဆီးစစ်မှုပြုရာတွင် ဆေးသုံးစွဲသူ ၂၉ ဦးအား ဆေးဖြတ်ပေးရန် ဆေးဖြတ်စခန်းသို့ခေါ်ဆောင်သွားကြောင်း၊ ထိုအတွက် လူသစ်စုဆောင်းသည်ဟုဆိုကာ တန့်ယန်းဗျူဟာလက်အောက်ခံ ခလရ ၁၂၇ နှင့် ခမရ ၅၂၃ တို့မှ အင်အား သုံးကာ SSPP စခန်းအား ဩဂုတ်လ ၆ ရက်နေ့က တိုက်ခိုက်ခဲ့သည်။

သျှမ်းလူ့အခွင့်အရေးဖောင်ဒေးရှင်းက ပြောခွင့်ရ စိုင်းဟော်ရှဲန်က - အစိုးရတပ်မတော်ရဲ့လုပ်ရပ်က မဟုတ်သေးဘူး။ တဖက်ကလည်းအပစ်ရပ်ထားကြောင်းကြေငြာထားတယ်။ အပစ်ရပ်တယ်ဆိုကတည်းက စစ်ရေးဘာမှ မလှုပ်ရှားရဘူးလေ။ ဒါမယ့်သူတို့က စစ်ရေးလှုပ်ရှားနေသေးတယ်။ အပစ်ရပ်ကြေငြာကတည်းက လူထုကပျော်နေပြီလေ စစ်ဘေးရှောင်စရာမလိုတော့ဘူးဆိုပြီးတော့ ။ ရွာသားတွေရဲ့ဖြစ်ရပ်က စိတ်မကောင်းစရာဖြစ်ရပါတယ်။ - ဟု သျှမ်းသံတော်ဆင့်အားပြောသည်။

တန့်ယန်းတိုက်ပွဲနှင့်ပတ်သက်ပြီး တပ်မတော်သတင်းမှန်ဘက်မှ သတင်းထုတ်ပြန်ခြင်းမရှိသေးပေ။

အစိုးရတပ်မတော်သည် စစ်တိုင်း ၅ တိုင်းတွင် တဖက်သတ်အပစ်ရပ်ရေးကို ဩဂုတ်လကုန်အထိ တတိယအကြိမ်သက်တမ်းတိုးကြေငြာထားသည်။

Panglong(Burmese)
https://www.facebook.com/ShanNewsBurmese