ရွမ္းပရဟိတ ေက်ာင္းဆရာႏွစ္ဦးကို ေခၚယူစစ္ေဆး



Share/Bookmark
 ဂုတ္တြင္းတံတားကို မိုင္းနဲ႔ ေဖာက္ခြဲ
ၾသဂုတ္လ ၁၅ ရက္ေန႔မွာ မႏၲေလးတိုင္း ျပင္ဦးလြင္ၿမိဳ႕မွာရွိတဲ့ တပ္မေတာ္ နည္းပညာ တကၠသိုလ္ တိုက္ခိုက္ခံရမႈမွာ ပတ္သက္မႈရွိတယ္ဆိုၿပီး ရွမ္းပရဟိတ ေက်ာင္းဆရာ ႏွစ္ေယာက္ျဖစ္တဲ့ စိုင္းခြန္မိုင္းနဲ႔ စိုင္းလွ်ိန္းစင္း တို႔ကို ဖမ္းဆီးေခၚေဆာင္သြားတယ္လို႔ သူတို႔ရဲ႕ ဖခင္ျဖစ္သူက ဘီဘီစီကို အတည္ျပဳေျပာပါတယ္။

"အိမ္ကိုလာတယ္ ။ ရွာမယ္ဆိုၿပီး တအိမ္လုံးရွာတယ္ ဘာမွမေတြ႕ပါဘူး။ အဲ့ေန႔က စိုင္းလွ်ိန္းစင္းကလည္း သင္တန္းတက္ဖို႔ ျပန္ေရာက္ေနေတာ့ အိပ္ရာလိပ္ေတြ႕တယ္ဆိုၿပီး စစ္ဖို႔ ေခၚသြားၾကတယ္ " လို႔ သူတို႔ဖခင္က ေျပာပါတယ္။

ျပင္ဦးလြင္ၿမိဳ႕ ေဖာင္ေတာ္ရပ္ကြက္မွာ ေနထိုင္ၾကတဲ့ အဲဒီ ညီအစ္ကို ႏွစ္ေယာက္ အနက္ စိုင္းခြန္မိုင္းဟာ အရင္က ကြန္ဟိန္းၿမိဳ႕က ရွမ္းပရဟိတေက်ာင္းမွာ ဆရာလုပ္ခဲ့ၿပီး ညီျဖစ္သူ စိုင္းလွ်ိန္းစင္းကေတာ့ အခု လက္ရွိအခ်ိန္အထိ ဆရာအျဖစ္ လုပ္ကိုင္ေနပါတယ္။

အခုလို အၾကမ္းဖက္လုပ္ရပ္ေတြနဲ႔ ပတ္သက္လို႔ သူတို႔ညီ အစ္ကိုႏွစ္ေယာက္စလုံး ပါဝင္ပတ္သက္တာ မရွိဘူးလို႔ ယုံၾကည္ေၾကာင္း ညီအစ္ကိုႏွစ္ဦးရဲ႕ အေဖက ဆိုပါတယ္။

အခုျပင္ဦးလြင္ၿမိဳ႕မ ရဲစခန္းမွာ ခ်ဳပ္ေႏွာင္ထားၿပီး မိသားစုနဲ႔ ေတြ႕ခြင့္ေတာင္းတဲ့အခါ ေတြ႕ခြင့္ရွိတယ္လို႔ ဖခင္ျဖစ္သူက ေျပာပါတယ္။

BBC Burmese
https://www.bbc.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ