ဘန်ကောက်မြို့ ပေါက်ကွဲမှု လူ ၄ ဦး ဒဏ်ရာရ

ဘန်ကောက်မြို့ ရဲကားများ လူထူထပ်ရာ နေရာများတွေ တွေ့ရစဉ် (ဓာတ်ပုံ-AFP)
အာဆီယံနိုင်ငံခြားရေးဝန်ကြီးအစည်းအဝေးကျင်းပနေတဲ့ ထိုင်းနိုင်ငံဘန်ကောက်မြို့မှာ ဒီကနေ့ ဗုံးပေါက်ကွဲမှုတွေဖြစ်ပွားခဲ့ပြီး လူ ၄ ဦးထက်မနည်း ဒဏ်ရာရသွားခဲ့ပါတယ်။ ဗုံးပေါက်ကွဲမှု နဲ့ ဆက်စပ်ပြီး မသင်္ကာသူ ၂ ဦးကို ထိုင်းအာဏာပိုင်တွေက ဖမ်းဆီးထားပြီး စုံစမ်းစစ်ဆေးမှုတွေကို ဆက်လက်လုပ်ဆောင်နေတယ်လို့ ထိုင်းဝန်ကြီးချုပ် ပရာရွတ်ချန်အိုချာက ပြောပါတယ်။ ဒီအကြောင်းနဲ့ ပတ်သက်ပြီး AFP သတင်းဆောင်းပါးကို အခြေခံပြီး ကိုရန်နိုင်ကပြောပြပေးမှာဖြစ်ပါတယ်။

ထိုင်းနိုင်ငံ ဘန်ကောက်မြို့မှာတော့ အရှေ့တောင်အာရှနိုင်ငံများအဖွဲ့ အာဆီယံနိုင်ငံခြားရေးဝန်ကြီးတွေရဲ့ ဒေသတွင်းအစည်းအဝေး ကျင်းပနေချိန်မှာပဲ ဒီကနေ့ မနက်ပိုင်းကစပြီး ဗုံးပေါက်ကွဲမှုတွေဖြစ်ပွားခဲ့ပါတယ်။ အသေးစား ဗုံးပေါက်ကွဲမှု ၆ ကြိမ် ဖြစ်ပွားခဲ့ပြီး၊ အဲဒီ ဗုံးပေါက်ကွဲမှုတွေကြောင့် လူ ၄ ယောက်ထက်မနည်းဒဏ်ရာရသွားခဲ့တယ်လို့ ထိုင်းအာဏာပိုင်တွေက ပြောပါတယ်။ ဘန်ကောက်မြို့မှာ ဒီကနေ့ဖြစ်သွားတဲ့ ဗုံးပေါက်ကွဲမှုတွေနဲ့ ပတ်သက်ပြီး ထိုင်းဝန်ကြိးချုပ် ပရာရွတ်ချန်အိုချာကတော့ အခုလို ပြောပါတယ်။

“နေရာ ၅ ခုမှာ ၊ ဗုံး ၉ လုံးတွေ့ပါတယ်။ တချို့လည်း ပေါက်ကွဲခဲ့ပြီး ၊ တချို့လည်း မပေါက်ကွဲခဲ့ပါဘူး။ အဲဒီဗုံးပေါက်ကွဲမှုတွေကြောင့် လူတချို့ဒဏ်ရာရသွားပါတယ်။ ဒဏ်ရာရတဲ့သူတွေက သိပ်မများဘူးဆိုပေမယ့်လည်း ၊ တစ်ယောက်ပဲဖြစ်ဖြစ် ဘယ်နှစ်ယောက်ပဲဖြစ်ဖြစ် ကျနော်အနေနဲ့ လက်မခံနိုင်ပါဘူး။ ရဲတပ်ဖွဲ့အနေနဲ့ ဒဏ်ရာရတဲ့သူတွေကို ကုသစောင့်ရှောက်ဖို့ ကျနော်အမိန့်ပေးထားပါတယ်။”

မနေ့ကြာသပတေးနေ့နှောင်းပိုင်းကတော့ ထိုင်းရဲဌာနချုပ်အပြင်ဘက်မှာ မပေါက်ကွဲသေးတဲ့ ဗုံး ၁ လုံးကို တွေ့ရှိခဲ့ပြီးတဲ့နောက် ဒါနဲ့ ဆက်စပ်ပြီး လူ ၂ ယောက်ကို ရဲတပ်ဖွဲ့က ဖမ်းဆီးလိုက်တယ်လို့ ထိုင်းဝန်ကြီးချုပ်က ပရာရွတ်က ပြောပါတယ်။

“မနေ့ညက ရဲတပ်ဖွဲ့က ဆက်လက်စုံစမ်းခဲ့ပြီးတဲ့နောက်၊ ကျနော်တို့ လူ ၂ ယောက်ကို ၂၄ နာရီအတွင်း ဖမ်းဆီးနိုင်ခဲ့ပါတယ်။ လူတိုင်းက သူတို့လုပ်နိုင်သလောက် အကောင်းဆုံးလုပ်ဆောင်နေကြတယ်ဆိုတာကို ဒါကပြနေပြီး၊ အဲဒီလူတွေကိုလည်း စုံစမ်းစစ်ဆေးနေပါတယ်။”

အဲဒီဖမ်းဆီးလိုက်တဲ့သူ ၂ ယောက်ဟာ မလေးရှားနိုင်ငံနဲ့ နယ်နိမိတ်ချင်းထိစပ်နေတဲ့ ထိုင်းနိုင်ငံ တောင်ပိုင်း မွတ်စလင်အများစုနေထိုင်ရာ ပြည်နယ်တွေဖြစ်တယ်လို့လည်း ထိုင်းရဲတပ်ဖွဲ့အကြီးအကဲ Jakthip Chaijinda က အတည်ပြုပါတယ်။ ထိုင်းနိုင်ငံတောင်ပိုင်းက အဲဒီပြည်နယ်တွေမှာ လွန်ခဲ့တဲ့ ၁၅ နှစ်လောက်ကတည်းက မွတ်စလင်ခွဲထွက်ရေးအဖွဲ့တွေက သူပုန်ထခဲ့ကြတာဖြစ်ပါတယ်။

ဘန်ကောက်မြို့မှာ ပေါက်ကွဲမှုတွေဖြစ်ပွားခဲ့တာဟာ ၊ ဒေသတွင်းမှာ အာဆီယံနိုင်ငံခြားရေးဝန်ကြီးတွေရဲ့ ဒေသတွင်းအစည်းအဝေး နဲ့ တခြားဆက်စပ်တဲ့ အစည်းအဝေးကျင်းပချိန်နဲ့လည်းတိုက်ဆိုင်နေတာဖြစ်ပါတယ်။ ဒီအစည်းအဝေးတွေကို အာဆီယံနိုင်ငံခြားရေးဝန်ကြီးတွေ အပြင် အမေရိကန်နိုင်ငံခြားရေးဝန်ကြီး Mike Pompeo ၊ တောင်ကိုရီးယား နိုင်ငံခြားရေးဝန်ကြီး Kang Kyung-hwa, သြစတြေးလျ နိုင်ငံခြားရေးဝန်ကြီး Marise Payne နဲ့ တရုတ်နိုင်ငံခြားရေးဝန်ကြီး ၀မ်ရီတို့လည်း တက်ရောက်ဆွေးနွေးခဲ့ကြပါတယ်။ ဒါပေမဲ့လည်း ဒီဗုံးကွဲမှုတွေကြောင့်တော့ အာဆီယံနဲ့ ဒေသတွင်းခေါင်းဆောင်တွေရဲ့ အစည်းအဝေးကို တစုံတရာထိခိုက်ခြင်းတော့မရှိခဲ့ဘူးလို့ ထိုင်းအာဏာပိုင်ကပြောပါတယ်။ ဒါပေမဲ့လည်း ဒီလိုဗုံးခွဲတိုက်ခိုက်မှုတွေက ဘယ်လိုမှလက်ခံနိုင်စရာမရှိတဲ့အတွက် တာဝန်ရှိတဲ့သူတွေကို ဆက်လက် စုံစမ်းစစ်ဆေးနေတယ်လို့ ထိုင်းဝန်ကြီးချုပ်က ပြောပါတယ်။

“လွန်ခဲ့တဲ့ ၅ နှစ်အတွင်းမှာ ဒီလိုမျိုး ဗုံးပေါက်ကွဲမှုတွေဟာ လုံးဝကို မရှိသလောက်အထိ လျော့သွားခဲ့ပြီးမှ၊ အခုကျမှ ဘာကြောင့်ဖြစ်လာရတာလဲ။ ဒီကနေ့ ဘာတွေဖြစ်နေသလဲဆိုတာကို ခင်ဗျားတို့ကြည့်ဖို့လိုပါတယ်။ ကျနော်တို့ဆီမှာ အာဆီယံနဲ့ နိုင်ငံခြားရေးဝန်ကြီးတွေရဲ့ အစည်းအဝေကို ကျင်းပနေပြီး၊ ဒါက ကျနော်တို့ရဲ့ တခြားမိတ်ဆွေနိုင်ငံတွေနဲ့ ဆွေးနွေးဖို့အတွက် အရေးပါတဲ့ဆွေးနွေးမှုဖြစ်ပါတယ်။ အရင်တုန်းက ဒါမျိုးမဖြစ်ဘဲ အခုမှ ဘာဖြစ်လို့ဒါမျိုး ဖြစ်တာလဲ။ ကျနော်တို့အနေနဲ့ ဒီကိစ္စဆက်စပ်တဲ့သူမှန်သမျှကိုဖော်ထုတ်နိုင်ဖို့အတွက် စုံစမ်းစစ်ဆေးဖို့လိုပါတယ်။”

အာဆီယံအစည်းအဝေးကို ထိုင်းနိုင်ငံမှာ နောက်ဆုံးအကြိမ်ကျင်းပခဲ့တာက ၂၀၀၉ ခုနှစ်ကဖြစ်ပါတယ်။ အဲဒီတုန်းကလည်း ထိုင်းနိုင်ငံမှာ နိုင်ငံရေးတင်းမာမှုတွေဖြစ်ပွားနေပြီး အင်္ကျီအနီဝတ် ဆန္ဒပြတဲ့သူတွေက အာဆီယံအစည်းအဝေးကျင်းပနေတဲ့ ပတ္တရားမြို့က ညီလာခံကျင်းပရာ အဆောက်အအုံတွေအတွင်းကို ၀င်ရောက်ပြီး ဆန္ဒပြတာတွေနဲ့ ကြုံခဲ့ရတာဖြစ်ပါတယ်။

ကိုရန်နိုင်  / ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ