ဖွဲ့စည်းပုံပြင်ဆင်ရေးဥပဒေကြမ်း လွှတ်တော်ကိုတင်မည်

ဖွဲ့စည်းပုံအခြေခံဥပဒေ ပြင်ဆင်ရေးပူးပေါင်းကော်မတီ အစည်းအဝေးကို ၂၀၁၉၊ သြဂုတ် ၁၉ ရက်နေ့က ကျင်းပစဉ်
ဖွဲ့စည်းပုံ အခြေခံဥပဒေ ပြင်ဆင်ရေး ဥပဒေကြမ်းတစ်ရပ်ကို လွှတ်တော်ကိုယ်စားလှယ် ၂၀ ရာခိုင်နှုန်းရဲ့ လက်မှတ်နဲ့ ပြည်ထောင်စုလွှတ်တော်ကို တင်ပြမယ်လို့ ပြင်ဆင်ရေးပူးပေါင်းကော်မတီ ဥက္ကဋ္ဌ ဦးထွန်းထွန်းဟိန်က ပြောလိုက်ပါတယ်။

အင်န်အယ်လ်ဒီပါတီ ကိုယ်စားလှယ် ဦးအောင်ကြည်ညွှန့် တင်သွင်းတဲ့အဆိုအရ ဖွဲ့စည်းထားတဲ့ ၄၅ ဦးကော်မတီရဲ့ အစည်းအဝေးမှာ အဲဒီကော်မတီရဲ့ ဥက္ကဋ္ဌဖြစ်သူ ဦးထွန်းထွန်းဟိန်က ပြောကြားတာပါ။

ဖွဲ့စည်းပုံအခြေခံဥပဒေ အခန်း ၁၂ အရ ပြင်ဆင်လိုသူ ကိုယ်စားလှယ်ဟာ ပြည်ထောင်စုလွှတ်တော် ကိုယ်စားလှယ် ၂၀ ရာခိုင်နှုန်းရဲ့ လက်မှတ်နဲ့ ပြင်ဆင်လိုတဲ့ ပုဒ်မတွေကို ဥပဒေကြမ်းအဖြစ် တင်သွင်းရမယ်လို့ ပြဌာန်းထားတာပါ။

ကြံ့ခိုင်ဖွံ့ဖြိုးရေးပါတီ ကျောင်းကုန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းထွန်းကတော့ ရေးဆွဲမယ့် ဥပဒေကြမ်းဟာ ၂၀၂၀ နဲ့မပြီးနိုင်ဘူးလို့ထင်တဲ့အကြောင်း ပြောပါတယ်။

ရခိုင်အမျိုးသားပါတီ၊ မြေပုံမြို့နယ်၊ ပြည်သူ့လွှတ်တော် ကိုယ်စားလှယ် ဦးဖေသန်းကတော့ ဖွဲ့စည်းပုံကိစ္စအငြင်းပွားရင် အချိန်ကုန်မှာစိုးရိမ်တယ်လို့ ပြောပါတယ်။

အဲဒီပူးပေါင်းကော်မတီက ဖွဲ့စည်းပုံအခြေခံဥပဒေကို ပြင်ဆင်၊ ဖြည့်စွက်၊ ပယ်ဖျက်ဖို့ အချက်ပေါင်း ၃၇၆၅ ချက် တင်သွင်းထားပြီး ဥပဒေကြမ်းတစ်ရပ်ကို မကြာခင် စတင်ရေးဆွဲတော့မှာဖြစ်ပေမယ့် ဘယ်အချိန်မှာ ပြီးစီးမယ် မခန့်မှန်းနိုင်သေးဘူးလို့ ဦးထွန်းထွန်းဟိန်က မကြာသေးခင်က ပြောထားတာရှိပါတယ်။

ဥပဒေမှုကြမ်းကို ရေးဆွဲဖို့ ဆောင်ရွက်ရာမှာလည်း ပြည်ထောင်စုအစိုးရအဖွဲ့ ကိုယ်စားလှယ်၊ တရားစီရင်ရေးကဏ္ဍက ကိုယ်စားလှယ်တွေ၊ တိုင်းနဲ့ပြည်နယ် ၀န်ကြီးချုပ်တွေနဲ့ လွှတ်တော် ဥက္ကဋ္ဌတွေ၊ တိုင်းရင်းသားရေးရာ ၀န်ကြီးတွေ၊ တိုင်းရင်းသားလူမျိုးစု ကိုယ်စားလှယ်တွေ၊ နိုင်ငံရေးပါတီတွေက ကိုယ်စားလှယ်တွေ၊ ဥပဒေပညာရှင်တွေနဲ့ ထပ်မံဆွေးနွေးပြီး အဲဒီပေါ် အခြေခံပြီး ဖွဲ့စည်းပုံဥပဒေကို ပြင်ဆင်တဲ့ မူကြမ်းတစ်ရပ် ပြုစုမယ်လို့ သိရပါတယ်။

ဒါ့အပြင် ဗဟိုဘဏ်၊ အမျိုးသားလူ့အခွင့်အရေးကော်မရှင်၊ အဂတိလိုက်စားမှုတိုက်ဖျက်ရေးကော်မရှင် စတဲ့ လွတ်လပ်တဲ့အဖွဲ့အစည်းတွေကလည်း ဖွဲ့စည်းပုံပြင်ဆင်ရေးကို ပူးပေါင်းဆောင်ရွက်ချင်တယ်လို့ တင်ပြထားတာရှိတယ်လို့ သိရပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ