သျှမ်းမြောက်တိုက်ပွဲ အရပ်သား ၁၁ ဦး သေဆုံး ၂၅ ဦး ဒဏ်ရာရ


သြဂုတ် ၂၈ ရက် ၂၀၁၉

သျှမ်းပြည်နယ်မြောက်ပိုင်း တိုက်ပွဲအတွင်း အရပ်သားသေဆုံးမှု ၁၁ ဦးအထိရှိပြီး ဒဏ်ရာရရှိသူ ၂၅ ဦးရှိသွားပြီး ဟု ရှမ်းမြောက် လူမှု အဖွဲ့အစည်း ပြောကြားချက် အရ သိရသည်။

အရပ်သား ၁၁ ဦး သေဆုံး နှင့် ဒဏ်ရာရရှိသူ ၂၅ ဦးသည် သျှမ်းပြည်နယ် မြောက်ပိုင်း တိုက်ပွဲအတွင်း လက်နက်ကြီး ဒဏ် နှင့် မြေမြှပ်မိုင်း ဒဏ်တို့ကြောင့်ဖြစ်ကြောင်း သျှမ်းပြည်နယ် မြောက်ပိုင်း လူသားချင်းစာနာ ထောက်ထားမှု ပူးပါင်းဆောင်ရွက်ရေး အဖွဲ့ ပြောရေးဆိုခွင့်ရှိသူ ဦးဟောင်းဒေါင် က သျှမ်းသံတော်ဆင့်သို့ပြောသည်။

“ ၁၃ ရက်အတွင်း မှာ အရပ်သား ၁၁ ယောက်သေဆုံးပြီ။ ဒဏ်ရာရသူကတော့ ၂၅ ယောက်ရှိပြီ။ ဒါကတော့ ကျနော်တို့ လက်လှမ်းမှီတာပေါ့။ လက်လှမ်းမမှီတာတွေလည်းရှိနိုင်တယ်။ ဒီထက် ရှိကောင်းရှိနိုင်သေးတယ်” ဟု ဦးဟောင်းဒေါင် က ဆိုသည်။

တိုက်ပွဲကြောင့် သေဆုံးသူ ၁၁ ဦးမှာ အမျိုးသားများသာဖြစ်ပြီး ဒဏ်ရာရရှိသူ ၂၅ဦးမှာ အမျိုးသမီး ထက်ဝက်ကျော် ပါကြောင်းလည်း ဦးဟောင်းဒေါင်က ပြောသည်။

“ ဒီသေဆုံးသူနဲ့ ဒဏ်ရာရရှိသူကတော့လက်နက်ကြီးဒဏ်ကြောင့်ပိုများတယ်။ မိုင်းနင်းမိတာ က နည်းပါတယ်” ဟုလည်း ဦးဟောင်းဒေါင် က ထပ်လောင်းပြောသည်။

သျှမ်းပြည်နယ် မြောက်ပိုင်း အတွင်း မြောက်ပိုင်း မဟာမိတ် အဖွဲ့ နှင့် မြန်မာ့တပ်မတော်တို့ ဖြစ်ပွားသည့် တိုက်ပွဲ အမြန်ရပ်တန့်ပေးရန် ၊ တိုက်ပွဲများ မရပ်တန့် နိုင်သေးပါက အရပ်သား ထိခိုက်မှု အနည်း ဆုံး ဖြစ်အောင် ဆောင်ရွက်ပေးရန် သျှမ်းပြည်နယ် မြောက်ပိုင်း လူသားချင်းစာနာ ထောက်ထားမှု ပူးပါင်းဆောင်ရွက်ရေး အဖွဲ့ဝင် က တောင်းဆိုလိုက်သည်။

တိုက်ပွဲ ကာလ ၁၃ရက် အတွင်း တရက်လျှင် အရပ်သား ၂ ဦး၊ ၃ ဦး ခန့် ထိခိုက် သေဆုံးမှု ဖြစ်နေကြောင်း ထိုကဲ့သို့ အချိန်တို အတွင်း အရပ်သားများ ကို ထိခိုက်နေခြင်းကြောင်း သျှမ်းပြည်နယ် မြောက်ပိုင်း လူသားချင်းစာနာ ထောက်ထားမှု ပူးပါင်းဆောင်ရွက်ရေး အဖွဲ့ဝင် ပြောဆိုလိုက်သည်။

ပဋိပက္ခကြောင့် ကုန်သွယ်ရေး စီးဆင်မှု ပြတ်တောက်လာခြင်း အပေါ် ကုန်သည်ကြီးများ၊ လုပ်ငန်းရှင်များ ကုန်ဈေးနှုန်းများ အဆမတန် မြင့်တက် ကာ ကုန်ဈေးနှုန်း မတည်ငြိမ် မှု ဖြစ်ပေါ် စေခြင်း ကိစ္စရပ်များအား သက်ဆိုင်ရာ အစိုးရ ဝန်ကြီးဌာန များမှ ထိရောက်စွာထိန်းကျောင်းပေးရန်လည်းသျှမ်းပြည်နယ် မြောက်ပိုင်း လူသားချင်းစာနာ ထောက်ထားမှု ပူးပါင်းဆောင်ရွက်ရေး အဖွဲ့ဝင် ပြောဆိုလိုက်သည်။

Panglong(Burmese)
https://www.facebook.com/ShanNewsBurmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ