ေျမၿပိဳမႈ ေသဆုံးသူ ၂၉ ဦးထိ ရွိလာ


ၾသဂုတ္လ ၉ ရက္ေန႔က မြန္ျပည္နယ္ ေပါင္ၿမိဳ႕နယ္၊ ရန္ကုန္-ေမာ္လၿမိဳင္ အေဝးေျပးလမ္းမႀကီးေပၚရွိ သဲျဖဴကုန္းေက်း႐ြာ ေတာင္ၿပိဳမႈမွာ ၾသဂုတ္လ ၁၀ ရက္ နံနက္ ၁၀း၄၅ နာရီ အခ်ိန္ အထိ ေသဆုံးသူ (၇) ဦး ရဲ႕ ႐ုပ္အေလာင္းေတြကို ထပ္မံရွာေဖြေတြ႕ရွိခဲ့လို႔ ေသဆုံးသူ အေရအတြက္ဟာ (၂၉) ဦး အထိ တိုးလာခဲ့တယ္လို႔ ျမန္မာႏိုင္ငံ မီးသတ္တပ္ဖြဲ႕က သတင္းထုတ္ျပန္ထားပါတယ္။

ေတာင္ေျမၿပိဳမႈမွာ အသက္ရွင္ရက္ ျပန္ေတြ႕သူ ၂၉ ဦး ရွိၿပီး ကယ္ဆယ္ေရး လုပ္ငန္းေတြကို ဆက္လက္ေဆာင္႐ြက္ေနတယ္လို႔ သက္ဆိုင္ရာ တာဝန္ရွိသူေတြက ေျပာပါတယ္။

 ၾသဂုတ္လ ၉ ရက္ ည ၉ နာရီအခ်ိန္မွာ သုံးဘီးကား တစ္စီး ေျမေအာက္ နစ္ျမဳပ္ေနတာကို ကယ္ဆယ္ေနတဲ့ ျမင္ကြင္း
ၾသဂုတ္လ ၉ ရက္ေန႔မနက္ ၆နာရီခြဲခန္႔က စတင္ကာ ေတာင္ေျမၿပိဳက်မႈေၾကာင့္ ရန္ကုန္ -ေမာ္လၿမိဳင္ ကားလမ္း ေဘးရွိ ဥတၱရာ ရာမ ဘုန္းႀကီးေက်ာင္း၊ လူေနအိမ္အခ်ိဳ႕၊ ခရီးသည္တင္ ေမာ္ေတာ္ယာဥ္၊ ကုန္တင္ယာဥ္နဲ႔ အိမ္စီး ေမာ္ေတာ္ယာဥ္တို႔ လြင့္စင္ ေမ်ာပါသြားၿပီး ေတာင္ေျမသားမ်ား ဖုံးဖိသြားခဲ့တာျဖစ္ပါတယ္။

အိမ္ေျခ ၁၁ လုံးနဲ႔ ဘုန္းႀကီးေက်ာင္းတစ္ေက်ာင္း ေျမႀကီးေတြ ပိမိသြားတာ ျဖစ္တယ္လို႔ မြန္ျပည္နယ္ အစိုးရအဖြဲ႕ ၫြန္ၾကားေရးမႉး ဦးျမင့္သန္းဝင္းက ဘီဘီစီကို ေျပာပါတယ္။

ေျမၿပိဳမႈကို ၾသဂုတ္လ ၉ ရက္ေန႔နဲ႔ တညလုံး ေျမတူးစက္ေတြ ေျမသယ္ကားေတြ အသုံးျပဳၿပီး ရွာေဖြကယ္ဆယ္ေရး ေတြလုပ္ေဆာင္ေနရတယ္လို႔ ကူညီကယ္ဆယ္ေရး ေဆာင္႐ြက္သူေတြက ေျပာပါတယ္။

BBC Burmese
https://www.bbc.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ