ေျမနုကၽြန္း ပဋိပကၡမွာ ဒဏ္ရာနဲ႔ ေသဆုံးသူေတြကိစၥ အမႈဖြင့္တုိင္ၾကား

နစ္ျမဳပ္ေနတဲ့စက္ေလွကို ၂၀၁၉ ဇူလိုင္ ၂၄ ရက္ေန႔က ရွာေဖြကယ္ဆယ္ေရးလုပ္ေနတာကို ေတြ႕ရစဥ္
မေကြးတုိင္း ေရနံေခ်ာင္းၿမိဳ႕နယ္က ေျမနုကၽြန္းကိစၥ ဖရဲကၽြန္းေက်းရြာနဲ႔ ကံသာေက်းရြာသားေတြရဲ႕ ပဋိပကၡေၾကာင့္ ဒဏ္ရာနဲ႔ ေရနစ္ေသဆုံးခဲ့သူေတြကိစၥကုိ အမႈဖြင့္တုိင္ၾကားဖုိ႔ ရဲစခန္းက မိသားစုဝင္ေတြကုိ မေန႔က အေၾကာင္းၾကား ခဲ့တယ္လို႔ သိရပါတယ္။

ေသဆုံးသူေတြနဲ႔ ပတ္သက္ၿပီး ေဆးရုံက ေဆးစာထြက္လာၿပီျဖစ္ေၾကာင္းနဲ႔ အမႈဖြင့္ဖုိ႔ စခန္းမွဴးက လာေရာက္ အေၾကာင္းၾကားလာတာေၾကာင့္ သက္ဆုိင္ရာမိသားစုဝင္ေတြက ဒီေန႔သြားေရာက္အမႈဖြင့္ေနတဲ႔အေၾကာင္း ဖရဲကၽြန္းေက်းရြာ အုပ္ခ်ဳပ္ေရးမွဴး ဦးေဇာ္မ်ိဳးသန္းက RFA ကုိ ေျပာပါတယ္။

ၿပီးခဲ့တဲ့ ဇူလုိင္လ ၂၃ ရက္ေန႔က ျဖစ္ပြားခဲ့တဲ့ ေျမနုကၽြန္းကိစၥ ပဋိပကၡေၾကာင့္ ဖရဲကၽြန္းေက်းရြာက ေဒသခံ ၂၈ ေယာက္ေသဆုံးခဲ့ၿပီး ၁၀ ေယာက္ ေပ်ာက္ဆုံးေနပါတယ္။ သိပ္မၾကာခင္က ထြက္လာတဲ့ ေဆးစာအရ ေသဆုံး သူေတြထဲက သံုးေယာက္ဟာ ဒဏ္ရာေတြ ရွိေနတာေၾကာင့္ ရဲစခန္းက အမႈဖြင့္ဖုိ႔ အေၾကာင္းၾကားခဲ့တာျဖစ္ပါတယ္။

ဒါ့အျပင္ မေသပဲ ဒဏ္ရာရရွိခဲ့သူ ႏွစ္ေယာက္လည္းရွိတာေၾကာင့္ သူတို႔အေနနဲ႔ အမႈထပ္ဖြင့္မလားဆုိတာ အတိအက် ေျပာလို႔မရေသးေၾကာင္း ဦးေဇာ္မ်ိဳးသန္း က ေျပာပါတယ္။

ဖရဲကၽြန္းေက်းရြာနဲ႔ ကံသာေက်းရြာ ပဋိပကၡနဲ႔ ပတ္သက္ၿပီး ဖရဲကၽြန္းေက်းရြာဘက္က လူသတ္မႈ၊ အေလာင္းေဖ်ာက္မႈ၊ ပုိင္နက္က်ဴးလြန္မႈေတြနဲ႔ ဇူလုိင္လ ၂၇ ရက္ေန႔မွာ အမႈဖြင့္ထားပါတယ္။ ဒီကိစၥနဲ႔ပတ္သက္ၿပီး ကံသာေက်းရြာ အုပ္ခ်ဳပ္ေရးမွဴး အပါအဝင္ လူ ေလးေယာက္ကုိ ေရနံေခ်ာင္းၿမိဳ႕နယ္ ရဲတပ္ဖြဲ႕က ဖမ္းဆီးထားပါတယ္။

RFA Burmese
https://www.rfa.org/burmese

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ