တရုတ်သွင်းကုန်တွေအပေါ် အခွန်သစ်စည်းကြပ်မှု ကန်ရွှေ့ဆိုင်း


တရုတ်က အဓိက တင်ပို့မယ့် လူသုံးကုန်ပစ္စည်းတွေအပေါ် အကောက်ခွန်အသစ် ၁၀% စည်းကြပ်မှုကို ဆိုင်းငံ့မှာဖြစ်ကြောင်း အမေရိကန်ပြည်ထောင်စုက အင်္ဂါနေ့က ကြေညာခဲ့ပါတယ်။ စက်တင်ဘာလ (၁)ရက်နေ့က စတင် အခွန်စည်းကြပ်ဖို့ သမ္မတ Donald Trump က ရက်သတ်မှတ်ခဲ့တာကို အခုလို ရွှေ့ဆိုင်းလိုက်တာဖြစ်ပါတယ်။

အမေရိကန် ကုန်သွယ်ရေး ကိုယ်စားလှယ်အဖွဲ့ရုံးရဲ့ ထုတ်ပြန်ချက်အရ အခွန်စည်းကြပ်မယ့် ကုန်ပစ္စည်းတွေဟာ laptop ကွန်ပြူတာတွေ၊ ကွန်ပြူတာ မော်နီတာတွေ၊ ဆဲလ်ဖုန်းတွေ၊ ဗွီဒီယိုဂိမ်း ကစားတဲ့ စက်တွေ၊ တချို့ ကလေးကစားစရာ အရုပ်တွေ၊ ဖိနပ်တွေနဲ့ အ၀တ်အထည်တွေအပေါ် အခွန်စည်းကြပ်မှုကို ဒီဇင်ဘာလ ၁၅ ရက်နေ့ထိ ရွှေ့ဆိုင်းထားတယ်လို့ ဖေါ်ပြထားပါတယ်။

ဒါအပြင် တရုတ်ကနေ အမေရိကန်ကို တင်ပို့ကုန်တွေဖြစ်တဲ့ ကျန်းမာရေး၊ အမျိုးသားလုံခြုံရေးနဲ့ အခြား အချက်အလက်တွေအပေါ်မှာ မူတည်ပြီး သီးခြားကုန်စည်တွေအပေါ် အခွန်ကင်းလွတ်ခွင့် လုံးဝ ပေးထားတယ်လို့လည်း အမေရိကန်ရဲ့ ကြေညာချက်မှာ ဖေါ်ပြထားပါတယ်။

ဒါပေမဲ့ တရုတ်တင်ပို့ကုန် အတော်များများအပေါ် အခွန်အသစ်တွေ စည်းကြပ်ဖို့ရှိပြီး ဒီကုန်စည်တွေနဲ့ ပတ်သက်တဲ့ စာရင်းကို မကြာမှီ ကြေညာဖို့ရှိတယ်လို့လည်း အမေရိကုန်သွယ်ရေး ကိုယ်စားလှယ် အဖွဲ့ရုံးက ပြောပါတယ်။ အခုလို အခွန်စည်းကြပ်မှု ဆိုင်းငံလိုက်တာကြောင့် ရက်ပိုင်းများစွာ ကျဆင်းနေတဲ့ stock ဈေးနှုန်းတွေ ထိုးတက်လာပြီး နယူးရောက် stock ဈေးကွက်တွေမှာ ၁.၅% ဒါမှမဟုတ် ဒီထက်ပိုပြီး မြင့်တက်ခဲ့ပါတယ်။

နယူးဂျာစီမှာ အမေရိကန်သမ္မတ Trupm အပန်းဖြေနေစဉ် အခုလို အခွန်ငွေ စည်းကြပ်မှုနဲ့ ပတ်သက်လို့ အပြောင်းအလဲတွေကို ထုတ်ပြန်ကြေညာခဲ့တာဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ