ကိုဟိန်းဇော်ရဲ့ မိခင် (ဇူလိုင် ၂၆၊ ၂၀၁၉) |
သြဂုတ်လ ၉ ရက်နေ့မှာ ချုပ်ရက် ရမန် သီတင်း ၂ ပတ်ပြည့်တော့မှာ ဖြစ်ပြီး ရဲတပ်ဖွဲ့ကို အစိုးရဘက်က အခြေအနေ မေးမြန်းကြောင်းလည်း ပြောခွင့်ရ ဦးဇော်ဌေးက ပြောဆိုသွားပါတယ်။ ငွေကြေးလွှဲပြောင်းမှုတွေ တွေ့တယ်ဆိုပေမယ့် ဘယ်လို ငွေကြေးလွှဲပြောင်းမှု ဆိုတာကိုတော့ အသေးစိတ် မပြောပါဘူး။ ဖမ်းဆီးထားသူတွေကိုတော့ အကြမ်းဖက်တိုက်ဖျက်ရေး ဥပဒေနဲ့ စွဲထားပြီး တရားရုံမတင်သေးဘဲ ရဲတပ်ဖွဲ့က စစ်ချက် ရယူနေဆဲ ဖြစ်ပါတယ်။
စကာင်္ပူ ပြည်ထဲရေး ဌာနက စကာင်္ပူ ရခိုင်အသင်း ခေါင်းဆောင်တွေကို ပြည်နှင်ဒဏ် ပေးပြီးနောက် မြန်မာပြည် ဆိုက်ရောက်လာချိန်မှာ မြန်မာ အစိုးရက ဖမ်းဆီးခဲ့တာပါ။ အခုအချိန်ထိ မိသားစုနဲ့ တွေ့ခွင့် မရသေးသလို ဘယ်မှာ ထိန်းသိမ်းထားသလဲ ဆိုတာကိုလည်း မသိရသေးပါဘူး။ ထိန်းသိမ်းခံထားရသူတွေရဲ့ ကျန်းမာရေး အခြေအနေကိုလည်း မသိရပါဘူး။ ရဲတပ်ဖွဲ့က သူတို့ကို တရားစွဲဖို့ ဆောင်ရွက်နေတယ်လို့လည်း ပြောခွင့်ရ ဦးဇော်ဌေးက ပြောပါတယ်။ ဖမ်းဆီးခံထားရသူတွေကတော့ ကိုအောင်မြတ်ကျော်၊ ကိုထွန်းအေး၊ ကိုဟိန်းဇော်၊ ကိုရဲကျော်ထက်၊ မအေးမြတ်မွန်၊ ကိုတင်လှိုင်ဦး၊ ကိုအောင်မျိုးဝင်း၊ ကိုရွှေသန်းလှိုင်နဲ့ ကိုမြတ်လင်းဦးတို့ ဖြစ်ပါတယ်။
ဗွီအိုအေ (မြန်မာပိုင်း)
https://burmese.voanews.com
စင်္ကာပူရခိုင်အသင်းဝင်တေ စွစ်ဆေးမှု ဦးဇော်ဌေးရှင်းလင်း
Reviewed by THITHTOOLWIN
on
02:49
Rating: