ေဒါင္းတို႔မ်ိဳးဆက္အမႈ တရားလိုဘက္က ေနာက္တုိးသက္ေသတင္သြင္း



Share/Bookmark
ေဒါင္းတို႔မ်ိဳးဆက္ သံခ်ပ္အဖြဲ႔ကို ရန္ကုန္ၿမိဳ႕၊ မရမ္းကုန္းတရားရံုးမွာ ၂၀၁၉၊ ဇူလိုင္ ၃၁ ရက္ေန႔က ရံုးထုတ္ခဲ့စဥ္
တရားစြဲဆိုခံထားရတဲ့ ေဒါင္းတို႔မ်ိဳးဆက္ သံခ်ပ္အဖြဲ႔ကို ရန္ကုန္ၿမိဳ႕၊ မရမ္းကုန္းတရားရံုးမွာ ဒီေန႔ ဇူလိုင္လ ၃၁ ရက္ေန႔မွာ ရံုးထုတ္ခဲ့ၿပီး ေနာက္ထပ္ရံုးခ်ိန္းကိုေတာ့ လာမယ့္ ႏွစ္ပတ္ကို ထပ္မံခ်ိန္းဆိုလိုက္ပါတယ္။

ဒီေန႔ရံုးခ်ိန္မွာ အမႈစစ္ေဆးႏိုင္ျခင္းမရိွဘဲ တရားလိုဘက္က ေနာက္တိုးသက္ေသအျဖစ္ ႏွစ္ဦးကို ထပ္မံတင္သြင္းခဲ့ရာမွာ တရားစြဲဆိုခံထားရတဲ့ ေဒါင္းတို႔မ်ိဳးဆက္အဖြဲ႕ဝင္ေတြကေတာ့ ကန္႔ကြက္ခဲ့ေပမယ့္ တရားရံုးက လက္ခံလိုက္ပါတယ္။

မူလက တရားလိုဘက္က သက္ေသ ငါးဦးတင္သြင္းထားၿပီး တရားရံုးက သက္ေသ ႏွစ္ဦးကို ပယ္ဖ်က္ခဲ့ရာ ဒီေန႔ရံုးခ်ိန္းမွာ တရားလိုဘက္က ေနာက္တိုးသက္ေသအျဖစ္ ႏွစ္ဦးကို ထပ္မံတင္သြင္းခဲ့တာပါ။

ပံုမွန္ဆိုရင္ ရံုးခ်ိန္းကို တစ္ပတ္တစ္ခါ ခ်ိန္းဆိုတယ္ဆိုေပမယ့္ လာမယ့္ရံုးခ်ိန္းကိုေတာ့ တရားသူႀကီးအေျပာင္းအလဲနဲ႔ တျခားကိစၥေတြေၾကာင့္ ေနာက္နွစ္ပတ္ကို ထပ္မံခ်ိန္းဆိုလိုက္တာျဖစ္ပါတယ္။

ေဒါင္းတို႔မ်ိဳးဆက္သံခ်ပ္အဖြဲ႕ရဲ႕ သၾကၤန္ကာလအတြင္း ေဖ်ာ္ေျဖမႈေတြမွာ တပ္မေတာ္သားဝတ္စံု ဝတ္ဆင္ကာ သရုပ္ျပခဲ့တဲ့ ျပကြက္တခ်ိဳ႕ဟာ တပ္မေတာ္ကို အမ်ားျပည္သူ အထင္အျမင္ လြဲမွားေစနိုင္တယ္ဆိုၿပီး ကိုေဇယ်ာလြင္၊ ကိုပိုင္ရဲသူ၊ ကိုပိုင္ၿဖိဳးမင္း၊ ကိုဖိုးသားနဲ႔ မေကခိုင္ထြန္းတို႔ ငါးေယာက္ကို ရန္ကုန္တိုင္းစစ္ဌာနခ်ဳပ္က ဒုတိယဗိုလ္မွဴးႀကီး သန္းထြန္းျမင့္က နိုင္ငံေတာ္ အၾကည္ညိဳပ်က္ေစမႈ ရာဇသတ္ႀကီးဥပေဒပုဒ္မ ၅၀၅(က)နဲ႔ တရားစြဲဆိုခဲ့တာျဖစ္ပါတယ္။

RFA Burmese
https://www.rfa.org

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ