ဒေါင်းတို့မျိုးဆက်သံချပ်အဖွဲ့ဝင် လေးဦးကို ပုဒ်မ ၆၆(ဃ) နဲ့ ထပ်မံတရားစွဲ

ဒေါင်းတို့မျိုးဆက်သံချပ်အဖွဲ့ဝင်တွေကို ၂၀၁၉၊ ဇူလိုင် ၂၉ ရက်နေ့က ဗိုလ်တထောင်တရားရုံးမှာ ရုံးထုတ်စဉ်
နိုင်ငံတော်အကြည်ညို ပျက်စေမှု ပုဒ်မ ၅၀၅ (က)နဲ့ တရားစွဲဆိုခံထားရတဲ့ ဒေါင်းတို့မျိုးဆက် သံချပ်အဖွဲ့ဝင် လေးဦးကို ဆက်သွယ်ရေး ဥပဒေပုဒ်မ ၆၆(ဃ)နဲ့ တပ်မတော်က ထပ်မံတရားစွဲဆိုလိုက်ပါတယ်။

ရန်ကုန်တိုင်းစစ်ဌာနချုပ် ဒုတိယ ဗိုလ်မှူးကြီး သန်းထွန်းမြင့်က တရားလိုလုပ်ပြီး စွဲဆိုလိုက်တာဖြစ်ကြောင်း ဒီနေ့ မရမ်းကုန်းမြို့နယ် တရားရုံးထုတ်မှာ တရားသူကြီးက ပြောလိုက်တာ ဖြစ်ပါတယ်။

သံချပ် ဖျော်ဖြေမှုတွေကို လူမှုကွန်ယက်မှာ တင်ခဲ့တာတွေဟာ တပ်မတော်ကို ထိခိုက်စော်ကားတာ ဖြစ်တဲ့အတွက် ပုဒ်မ ၆၆(ဃ) အမှုနဲ့ တရားစွဲဆိုတာဖြစ်တယ်လို့ သိရကြောင်း တရားစွဲဆို ခံရသူတွေထဲက ဒေါင်းတို့မျိုးဆက် သံချပ်အဖွဲ့ဝင် တစ်ဦးဖြစ်တဲ့ ကိုပိုင်ရဲသူက ပြောပါတယ်။

ဒီလို တရားစွဲဆိုတာဟာ တရားမျှတမှု မရှိဘူးလို့ သံချပ်အဖွဲ့ဝင်တွေရဲ့ ရှေ့နေတစ်ဦးဖြစ်တဲ့ ဒေါ်စန်းစန်းမြင့်က ပြောပါတယ်။

ပုဒ်မ ၅၀၅(က) အမှုနဲ့ ပတ်သက်ပြီး လာမယ့် သြဂုတ်လ ၂၈ ရက်နေ့မှာ စွဲချက်တင်သင့်၊ မတင်သင့် နှစ်ဖက် လျှောက်လဲချက် တင်သွားမှာလည်းဖြစ်ပါတယ်။ ဒါကြောင့် လက်ရှိအမှု ပြီးပြတ်ခါနီးအချိန်မှာ နောက်ထပ်အမှု ထပ်တိုးစွဲလိုက်တာနဲ့ ပတ်သက်လို့ လွှတ်တော်နဲ့ အခြား အစိုးရအဖွဲ့အစည်းတွေဆီကို အကြောင်းကြားသွားဖို့ရှိတယ်လို့ ရှေ့နေ ဒေါ်စန်းစန်းမြင့် က ပြောပါတယ်။

ဒီနေ့တရားရုံးထုတ်မှာ နောက်တိုး တရားလိုပြသက်သေ ဗိုလ်ကြီး ဝေဖြိုးကျော်ဟာ ဒေါင်းတို့မျိုးဆက် သံချပ် အဖွဲ့တွေရဲ့ သံချပ်စာသားတွေနဲ့ ပတ်သက်ပြီးမခံချင်လို့ တရားစွဲဆိုကြောင်း ဖြေခဲ့တဲ့ကိစ္စနဲ့ ပတ်သက်ပြီး ၅၀၅(က) မှာမခံချင်လို့ တရားစွဲဆိုတယ်ဆိုတဲ့ အဓိပ္ပယ်ဖွင့်ဆိုချက် မရှိဘူးလို့ ပြောပါတယ်။

ဒေါင်းတို့မျိုးဆက် သံချပ်အဖွဲ့ဝင်တွေကို တပ်မတော်က တရားစွဲဆိုထားတဲ့ ပုဒ်မ ၅၀၅(က)နဲ့ သြဂုတ်လ ၂၃ ရက်နေ့မှာ ထပ်မံ တရားရုံးထုတ်သွားမှာ ဖြစ်ပြီး မရမ်းကုန်းတရားရုံးထုတ်ကို သြဂုတ်လ ၂၈ ရက်နေ့မှာ ရုံးထုတ်သွားမှာ ဖြစ်ပါတယ်။

RFA Burmese
https://www.rfa.org
ဒေါင်းတို့မျိုးဆက်သံချပ်အဖွဲ့ဝင် လေးဦးကို ပုဒ်မ ၆၆(ဃ) နဲ့ ထပ်မံတရားစွဲ ဒေါင်းတို့မျိုးဆက်သံချပ်အဖွဲ့ဝင် လေးဦးကို ပုဒ်မ ၆၆(ဃ) နဲ့ ထပ်မံတရားစွဲ Reviewed by THITHTOOLWIN on 23:53 Rating: 5
Powered by Blogger.