ေကာ့ေသာင္းတြင္ စားေသာက္ဆိုင္အလုပ္သမား အမ်ိဳးသမီးႏွစ္ဦး ႏွိပ္စက္ခံရမႈ အတြက္ အမႈဖြင့္



Share/Bookmark

20.8.2019

တနသၤာရီတိုင္း၊ ေကာ့ေသာင္းၿမိဳ႔ ၊ ေအးရိပ္ၿငိမ္ရပ္ကြက္ တြင္ ဖြင္လွစ္ထားတဲ့ စားေသာက္ဆိုင္တစ္ဆိုင္မွ အလုပ္သမား ၂ ဦးကို ဆိုင္ရွင္မွ အခန္းတြင္းပိတ္ေလွာင္ ညွင္းပမ္းနွိပ္စက္ခဲ့တာေၾကာင့္ ၾသဂုတ္လ ၂၀ ရက္ေန႔တြင္ ေကာ့ေသာင္းၿမိဳ႕မရဲစခန္းသို႔ လာေရာက္ အမႈဖြင့္ ထားေၾကာင္းသိရပါတယ္။

ေကာ့ေသာင္းၿမိဳ႕၊ ေအးရိပ္ၿငိမ္းရပ္ကြက္၊ ရန္ႀကီးေအာင္လမ္းတြင္ ဖြင့္လွစ္ထားသည့္ စားေသာက္ဆိုင္ တစ္ခုမွ ဆိုင္အလုပ္သမားအမ်ိဳးသမီး ၂ ဦးျဖစ္တဲ့ မစန္းစန္းဝင္းႏွင့္ မျမတ္ျမတ္မိုးတို႔ကို ဆိုင္ရွင္ျဖစ္သူက ေနအိမ္ အိပ္ခန္းအတြင္း ညွင္းပမ္းႏွိပ္စက္ခဲ့တာပါ။


အဆိုပါ အလုပ္သမားႏွစ္ဦးကို ဆိုင္ရွင္ ေဒၚေအးဆိုသူက ေနအိမ္၌အလုပ္မ်ားကို ခိုင္းေစခဲ့ၿပီး ခ်ဳပ္ေႏွာင္ရိုက္ႏွက္ျခင္း၊ ကန္ေက်ာက္ျခင္း၊ ေရေႏြးပူျဖင့္ေလာင္းျခင္း ထြက္ေျပးပါက သတ္ပစ္မည္ဟု အႀကိမ္ႀကိမ္ ၿခိမ္းေျခာက္ ေျပာဆိုျခင္းမ်ား ျပဳလုပ္ခဲ့ေသာေၾကာင့္ ၾသဂုတ္လ ၁၂ ႏွင့္ ၁၉ ရက္တို႔တြင္ေနအိမ္မွ ထြက္ေျပးတိမ္းေရွာင္ၿပီး ၄င္းတို႔ႏွစ္ဦးက ရဲစခန္းတြင္တိုင္ၾကားထားေၾကာင္းသိရပါတယ္။

ညွင္းပမ္းႏွိပ္စက္ခံရမႈေၾကာင့္ မစန္းစန္းဝင္း အသက္ (၃၂) ႏွစ္၊တြင္ ဦးေခါင္း၊ ေျခလက္ နာက်င္၊ အမာ႐ြတ္မ်ား၊ ဒူးေခါင္း ေရာင္ကိုင္း ဒဏ္ရာမ်ားရရွိခဲ့ၿပီး မျမတ္ျမတ္မိုး အသက္ (၃၈) ႏွစ္၊ တြင္ ဝဲပါးေစာင္ နာက်င္ ေရာင္ကိုင္း၊ ေက်ာျပင္ ေရေႏြးပူေလာင္၊ ဒူးႏွစ္ဖက္ နာက်င္ေယာင္ရမ္း၊ ဦးေခါင္းဒဏ္ရာ အမာ႐ြတ္မ်ား အသီးသီးရရွိ ထားေသာေၾကာင့္မႈခင္းေဆးစာျဖင့္ ေကာ့ေသာင္း ျပည္သူ႕ ေဆး႐ုံႀကီးတြင္ အတြင္းလူနာအျဖစ္ တင္ပို႔ကာ ေဆးကုသမႈခံေနရေၾကာင္းသိရပါတယ္။

ျဖစ္စဥ္နွင့္ပတ္သက္ၿပီး အိမ္ရွင္ေဒၚေအးအား ေကာ့ေသာင္းၿမိဳ႕မရဲစခန္းမွ ရာဇသတ္ႀကီးပုဒ္မ. ၃၂၆/၃၄၂/ ၅၀၆/၁၁၄ ျဖင့္ အမႈဖြင့္စစ္ေဆးေနေၾကာင္းသိရပါတယ္။

Myat Htut - Myeik
https://www.facebook.com/Myat-Htut-Myeik-222869948053294

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ