ဦးဝီရသူ ပိုင်ဆိုင်တာတွေကို ဝရမ်းကပ်ဖို့ တရားရုံးက အမိန့်ချ

မန္တလေးမြို့ မစိုးရိမ်တိုက်သစ် ဆရာတော် ဦးဝီရသူကို တွေ့ရစဉ်
ဖမ်းဝရမ်းထုတ်ခံထားရတဲ့ ဦးဝီရသူဟာ တစ်လပြည့်တဲ့အထိ တရားရုံးမှာ တရားလာရောက် ရင်ဆိုင်ခြင်းမရှိတဲ့ အတွက် ဦးဝီရသူ ပိုင်ဆိုင်တဲ့ ပစ္စည်းတွေကို ၀ရမ်းကပ်ဖို့ ရန်ကုန်အနောက်ပိုင်းခရိုင် တရားရုံးက ဒီနေ့ ဆုံးဖြတ်လိုက်ပါတယ်။

ဦးဝီရသူ ပိုင်ဆိုင်တဲ့ ရွှေ့ပြောင်းနိုင်တဲ့ ပစ္စည်း၊ မရွှေ့ပြောင်းနိုင်တဲ့ ပစ္စည်းတွေကို ၀ရမ်းကပ်ဖို့ဆိုပြီး မန္တလေး တိုင်းဒေသကြီး မန္တလေးခရိုင် တရားသူကြီးထံ ၀ရမ်းပေးပို့ဖို့ အမိန့်ထုတ်လိုက်တယ်လို့ ရန်ကုန်အနောက်ပိုင်းခရိုင် တရားရုံးက သတင်းနဲ့ပြန်ကြားရေးအရာရှိ ဦးမင်းသန့်က ပြောပါတယ်။

အဲဒီဝရမ်းကို သက်ဆိုင်ရာရဲတပ်ဖွဲ့က ဆက်လက်ဆောင်ရွက်မှာဖြစ်ပြီး စက်တင်ဘာလ ၉ ရက်နေ့ကို ရုံးချိန်းပြန်လည်ချိန်းဆိုလိုက်တယ်လို့ သိရပါတယ်။

ဒီကာလအတွင်း ဦးဝီရသူ တရားရုံး ရောက်လာရင် ဖမ်းဆီးပြီး ဥပဒေနဲ့အညီ ဆက်လက်ဆောင်ရွက်သွားမှာ ဖြစ်တယ်လို့လည်း ဦးမင်းသန့် က ပြောပါတယ်။

ဦးဝီရသူဟာ ဧပြီလ ၂၉ ရက်နေ့က မြိတ်မြို့မှာ ပြုလုပ်ခဲ့တဲ့ ဟောပြောပွဲနဲ့ မေလ (၅) ရက်နေ့က ရန်ကုန်မြို့တော် ခန်းမရှေ့မှာ ကျင်းပခဲ့တဲ့ ဖွဲ့စည်းပုံအခြေခံဥပဒေ ဟောပြောပွဲတွေမှာ အစိုးရအဖွဲ့နဲ့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကို ပုဂ္ဂိုလ်ရေး ထိုးနှက်တဲ့ စကားလုံးတွေသုံးပြီး ဟောပြောခဲ့တာဖြစ်ပါတယ်။

အနောက်ပိုင်းခရိုင် ဒုတိယ အုပ်ချုပ်ရေးမှူး ဦးစန်းမင်းက ဦးဝီရသူကို နိုင်ငံတော် အကြည်အညိုပျက်စေမှု ပုဒ်မ ၁၂၄ (က) နဲ့ အရေးယူပေးဖို့ ခရိုင်တရားရုံးမှာ မေလက ဦးတိုက်လျှောက်ထားခဲ့တာ ဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ