ပျောက်ဆုံးနေသူတွေကိုလည်း ဆက်လက်ရှာဖွေနေရ |
မွန်ပြည်နယ် အစိုးရအဖွဲ့ညွန်ကြားရေးမှူး ဦးမြင့်သန်းဝင်းက "လက်ရှိစာရင်းအရ ၁၀ ယောက်သေဆုံးပါတယ်၊ ၂၇ ယောက်ဒဏ်ရာရပြီး ကျန်လူတွေကိုတော့ ရှာဖွေနေပါတယ်၊ မိုးသည်းတော့ ဖြစ်တာက မနက်ပိုင်း ၆ နာရီခွဲ ၊ ၇ နာရီ ဝန်းကျင်မှာ တောင်ခြေကရွာကို တောင်ပေါ်က မြေပြိုဆင်း သွားတော့ အောက်ကရွာကို ပိသွားတာ၊ အိမ်ခြေ ၁၁ လုံး ၊ ဘုန်းကြီးကျောင်း တကျောင်းပေါ့၊ ခုတော့ ရန်ကုန်-မော်လမြိုင်လမ်းပိတ်နေလို့တကြောင်းစာ ပွင့်ဖို့ လုပ်နေတယ်" ပြောပါတယ်။
အခုအခြေအနေမှာတော့ မြေတူးစက် နှစ်စီး မြေသယ်ကား လေးစီးနဲ့ မြေစိုင်တွေကြားထဲ ပျောက်ဆုံးနေသူတွေကို လိုက်လံရှာဖွေနေတယ်လို့ ဒေသခံတွေက ဘီဘီစီကို ပြောပါတယ်။
မော်လမြိုင်-ရန်ကုန်ကားလမ်းမကြီးရဲ့ တချို့နေရာတွေမှာ မိုးရွာသွန်းမှုကြောင့် လမ်းပိုင်းတချို့ ရေကျော်တာတွေဖြစ်နေပြီး ကားလမ်းတွေလည်း ပိတ်နေတယ်လို့ အစိုးရတာဝန်ရှိသူတွေက ပြောပါတယ်။
မြေပြိုလို့ သေဆုံးသူတွေက ကျား (၅) ဦး၊ မ (၅) ဦး လို့ မွန်ပြည်နယ် အစိုးရအဖွဲ့က သတင်းထုတ်ပြန်ထားပါတယ်။
ပျောက်ဆုံးနေသူတွေကို ဆက်လက်ရှာဖွေ နေကြပြီး အထိအခိုက် အသေအပျောက်စာရင်း တိုးလာဖွယ် ရှိတယ်လို့လည်း ကူညီကယ်ဆယ်ရေး ဆောင်ရွက်နေသူတွေက ပြောပါတယု။
မော်လမြိုင် အပါအဝင် မွန်ပြည်နယ် တဝန်းမှာလည်း တောင်ကျချောင်းရေ ကြောင့် ရေလွှမ်းမိုးမှုတွေဖြစ်နေပါတယ်။
ဒီနေ့မနက် ၁ နာရီခန့်က စတင်ကာ မော်လမြိုင်မြို့ပေါ် လှိုင်ရပ်ကွက်၊ သာယာအေး၊ ဇေယျာမြိုင်၊ သီရိမြိုင်၊ ဒေါင်းမင်းရပ် အစရှိတဲ့ နေရာတွေမှာ မိုးသည်းထန်စွာ ရွာသွန်းမှုကြောင့် ရေကြီးတာတွေ ဖြစ်ခဲ့တာဖြစ်ပါတယ်။
" တော်တော်ဆိုးတယ်ရှင့်၊ တမြို့လုံးမယ် တောင်ကျရေကျတာ ကြောင့်ဖြစ်တာ သုံးနေရာလေးနေရာလောက်က ခါးလယ်လောက်ထိ ရှိတယ် " လို့ ပြည်နယ် လွှတ်တော်ကိုယ်စားလှယ် ဒေါ်ခိုင်ခိုင်လဲ့ က ဘီဘီစီကို ပြောပါတယ်။
ပေါင်မြို့နယ် မုတ္တမ နယ်မြေရဲစခန်းနဲ့ မုတ္တမ တိုက်နယ်ဆေးရုံတွေမှာလည်း ရေတွေ ဝင်ရောက်နေတာကြောင့် ဆေးရုံက လူနာတွေကို ကယ်ဆယ်ရွှေ့ပြောင်းခဲ့ရတယ်လို့ ဒေါ်ခိုင်ခိုင်လဲ့က ဆိုပါတယ်။
အရေးပေါ် ကူညီကယ်ဆယ်ရေးတွေ လုပ်ဆောင်နေရ |
သံဖြူဇရပ်နဲ့ ရေးကြား ကားလမ်းများ ရေကျော်ပြတ်တောက် နေတဲ့အတွက် သွားလာရခက်ခဲနေတယ်လို့ ခရီးသွားတွေက ဆိုပါတယ်။
ဒါ့အပြင် သံဖြူဇရပ်၊ ရေးနဲ့ မွန်ပြည်နယ် အတွင်းက မြို့နယ် တွေမှာလည်း ရေကြီးမှုတွေ ဖြစ်ပေါ်နေတာ ကြောင့် အရေးပေါ်ကယ်ဆယ်ရေးတွေ လိုအပ်နေတယ်လို့ ဒေသခံတွေက ပြောခဲ့ပါတယ်။
BBC Burmese
https://www.bbc.com
မုတ္တမမှာ တောင်ခြေက လူနေအိမ်တွေ ပေါ် မြေပြိုကျလို့ လူသေဆုံး
Reviewed by THITHTOOLWIN
on
20:31
Rating: