ဖွဲ့စည်းပုံပြင်ဆင်ရေး အစီရင်ခံစာကို မနက်ဖြန် မဲခွဲဆုံးဖြတ်မည်

၂၀၁၉ ဇူလိုင် ၁၅ ရက်နေ့ကျင်းပတဲ့ ပြည်ထောင်စုလွှတ်တော် အစည်းအဝေးကို မြင်ရစဉ်
ဖွဲ့စည်းပုံအခြေခံဥပဒေ ပြင်ဆင်ရေး ပူပေါင်းကော်မတီရဲ့ အစီရင်ခံစာကို မနက်ဖြန်ကျင်းပမယ့် ပြည်ထောင်စု လွှတ်တော် အစည်းအဝေးမှာ မဲခွဲဆုံးဖြတ်မယ်လို့ ကော်မတီဝင် လွှတ်တော်ကိုယ်စားလှယ် ဦးတင်သစ် က ပြောပါတယ်။

အဖွဲ့ဝင် ၄၅ ဦးပါ ပူးပေါင်းကော်မတီရဲ့ အစီရင်ခံစာကို ကိုယ်စားလှယ် ၄၁ ဦးက ဆွေးနွေးခဲ့ကြပြီးဖြစ်ပါတယ်။

ပူးပေါင်းကော်မတီရဲ့ အစီရင်ခံစာကို တပ်မတော်သားကိုယ်စားလှယ် ၇၈ ဦးက ပါဝင်ဆွေးနွေးဖို့ အရင်က စာရင်းပေးထားပေမယ့် ဆွေးနွေးခါနီးမှာ ပြန်လည်ရုပ်သိမ်းသွားတာကြောင့် တခြားကိုယ်စားလှယ်တွေက ဆွေးနွေးခဲ့ကြတာပါ။

အစီရင်ခံစာမှာ ဖွဲ့စည်းပုံအခြေခံဥပဒေ ပြင်ဆင်ချက်၊ ဖြည့်စွက်၊ ပယ်ဖျက်ချက်ပေါင်း ၃၇၆၅ တင်သွင်းပေမယ့် တပ်မတော်သားတွေကတော့ တင်သွင်းခဲ့တာမရှိပါဘူး။

အဲဒီထဲမှာ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD က အချက်ပေါင်း ၁၁၁၂ ချက်၊ ရခိုင်အမျိုးသားပါတီက ၈၅၈ ချက်နဲ့ အများဆုံးတင်သွင်းထားတာဖြစ်ပါတယ်။

လက်ရှိအာဏာရ အင်န်အယ်လ်ဒီပါတီဟာ ပူးပေါင်းကော်မတီ အစီရင်ခံစာမှာ နိုင်ငံတော်ဖွဲ့စည်းတည်ဆောက်ပုံ အခန်းကလွဲလို့ ကျန်တဲ့ကဏ္ဍအကုန်လုံးမှာ ပြင်ဆင် ဖြည့်စွက် ပယ်ဖျက်ဖို့ တင်သွင်းထားပေမယ့် တိုင်းဒေသကြီးနဲ့ ပြည်နယ်ဝန်ကြီးချုပ်တွေ ခန့်အပ်တာနဲ့ဆိုင်တဲ့ ပုဒ်မ ၂၆၁ တော့ ပါဝင်ခြင်းမရှိပါဘူး။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ