ရဲတပ်ဖွဲ့က ရာဘာကျည်သုံး ပစ်ခတ်လို့ ဒဏ်ရာရခဲ့တဲ့ ပြန်လှည့်ရွာသားတစ်ဦးကို တွေ့ရစဉ် |
မြို့နယ် အုပ်ချုပ်ရေး တာဝန်ရှိသူတွေ၊ လျှပ်စစ်ဌာနက တာဝန်ရှိသူတွေ၊ သက်ဆိုင်ရာ လွှတ်တော် ကိုယ်စားလှယ်နဲ့ ဒေသခံတွေ ဒီနေ့တွေ့ဆုံဆွေးနွေးရာမှာ ဇူလိုင် ၃၁ ရက်နေ့က ဖြစ်ပွားခဲ့တဲ့ ပဋိပက္ခနဲ့ ပတ်သက်ပြီး အရေးယူဆောင်ရွက်တာတွေမလုပ်ဖို့ ညှိနှိုင်းပေးခဲ့တာဖြစ်ကြောင်း ယင်းမာပင်မြို့နယ် ပြည်သူ့လွှတ်တော် ကိုယ်စားလှယ် ဦးအောင်စိုးက RFA ကို ပြောပါတယ်။
ပြန်လှည့်ကျေးရွာကို ဖြတ်ပြီး အုန်းတောကျေးရွာကို လျှပ်စစ်မီးသွယ်ဖို့ ဇူလိုင် ၃၁ ရက်နေ့က ဆောင်ရွက်ရာမှာ ဒေသခံတွေက တားဆီးတာကြောင့် ရဲတပ်ဖွဲ့နဲ့ ကျေးရွာသားတွေကြား ပဋိပက္ခဖြစ်ပြီး ပြန်လှည့်ကျေးရွာသား လေးဦး ရာဘာကျည်ထိမှန် ဒဏ်ရာရရှိခဲ့တဲ့အပြင် ရဲတပ်ဖွဲ့ဝင် နှစ်ဦးလည်း ထိခိုက်ဒဏ်ရာရခဲ့တာဖြစ်ပါတယ်။ အဲဒီကိစ္စကို အရေးယူဆောင်ရွက်တာတွေမလုပ်ဖို့ ညှိနှိုင်းခဲ့တာဖြစ်ပါတယ်။ ပဋိပက္ခဖြစ်တဲ့ ညနေပိုင်းကစပြီး ပြန်လှည့်ကျေးရွာကို လျှပ်စစ်မီး ဖြတ်တောက်ထားတာ ဒီနေ့အချိန်အထိဖြစ်ပါတယ်။
လျှပ်စစ်မီး အမြန်ဆုံးပြန်ပေးနိုင်ဖို့နဲ့ အုန်းတောကျေးရွာကို လျှပ်စစ်မီးသွယ်တန်းတဲ့လုပ်ငန်း ဆက်လက်ဆောင်ရွက် နိုင်ဖို့အတွက် ကျေးရွာသားတွေနဲ့ လျှပ်စစ်ဌာန တာဝန်ရှိသူတွေ တွေ့ဆုံဆွေးနွေးတာတွေလုပ်ဖို့ကိုလည်း ပြောဆိုထားပါတယ်။
မနက်ဖြန်မှာတော့ ပြန်လှည့်ကျေးရွာသားတွေနဲ့ ကျေးရွာမီးလင်းရေး ကော်မတီ တာဝန်ရှိသူတွေ အုန်းတောကျေးရွာ လျှပ်စစ်မီးသွယ်တန်းဖို့ကိစ္စကို ဆွေးနွေးကြမယ်လို့လည်း သိရပါတယ်။
ရဲတပ်ဖွဲ့နဲ့ ပဋိပက္ခဖြစ်တာကြောင့် ဒဏ်ရာရရှိခဲ့တဲ့ ပြန်လှည့်ကျေးရွာသားတွေဟာ မုံရွာ ပြည်သူ့ဆေးရုံကြီးကနေ ဒီနေ့ နေ့လယ်မှာ ပြန်ဆင်းလာပြီဖြစ်ကြောင်း ရာဘာကျည် ရှစ်ချက် ထိမှန်ခဲ့တဲ့ ပြန်လှည့်ရွာသား ဦးကြည်ထွန်းက RFA ကို ပြောပါတယ်။
RFA Burmese
https://www.rfa.org
ပြန်လှည့်ရွာသားတွေနဲ့ ရဲတပ်ဖွဲ့ဝင်တွေ ပဋိပက္ခ အရေးယူတာတွေ မလုပ်ဖို့ ညှိနှိုင်း
Reviewed by THITHTOOLWIN
on
07:11
Rating: