တ႐ုတ္မွာ အင္အားႀကီးတိုင္ဖုန္းဝင္ေရာက္


Lekima တုိင္ဖုန္းမုန္တုိင္းဟာ တ႐ုတ္နုိင္ငံ အေရွ႕ဘက္ကမ္း႐ုိးတန္းကို ဒီကေန႔မွာ၀င္ေရာက္ခဲ့ၿပီး၊ မုန္တုိင္းေၾကာင္း ၁၃ ေယာက္ေသဆုံးၿပီး ၁၆ ေယာက္ ေပ်ာက္ဆုံးေနပါတယ္။ ဒါ့အျပင္ လူဦးေရး ၁ သန္းေလာက္ကို ေဘးလြတ္ရာကို ေျပာင္းေရႊ႕ေနရာခ်ထားလိုက္တယ္လို႔ တ႐ုတ္ႏုိင္ငံပိုင္သတင္းစာက ေျပာပါတယ္။

Lekima မုန္တုိင္းေၾကာင့္ တ႐ုတ္ႏုိင္ငံအေရွ႕ဘက္ကမ္း႐ုိးတန္းမွာ မုိးသည္းထန္စြာရြာသြန္ၿပီး ၊ ေလယာဥ္ခရီးစဥ္ ရာေပါင္းမ်ားစြာ နဲ႔ ရထားခရီးစဥ္ ဒါဇင္နဲ႔ခ်ီ ဖ်က္ပစ္ခဲ့ရပါတယ္။ ဒါ့အျပင္ ရွန္ဟိုင္းၿမိဳ႕က Disneyland ကိုလည္း ပိတ္ထားလိုက္ရပါတယ္။

မေန႔ ေသာၾကာေန႔တုန္းကေတာ့ တ႐ုတ္ႏုိင္ငံရဲ႕ မုိးေလ၀သနဌာနက မုန္တုိင္းကို အနီေရာင္အဆင့္ သတိေပးခ်က္ထုတ္ျပန္ခဲ့ၿပီး၊ ဒီကေန႔မွာေတာ့ တဆင့္ႏွိမ္ၿပီး အ၀ါေရာင့္အဆင့္အျဖစ္ ေျပာင္းလဲသတ္မွတ္ခဲ့ပါတယ္။

Lekima တုိင္ဖုန္းမုန္တုိင္းဟာ အားေကာင္းေနဆဲျဖစ္ၿပီး၊ ေလတုိက္ႏႈန္းဟာ တနာရီကို ၁၈၇ ကီလိုမီတာအထိ အမ်ားဆုံးရွိပါတယ္။

ဗြီအိုေအ (ျမန္မာပုိင္း)
https://burmese.voanews.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ