တောင်ကိုရီးယားသမ္မတ Moon Jae-in |
သမ္မတ ဦးဝင်းမြင့်နဲ့ ဇနီးဖြစ်သူ ဒေါ်ချိုချိုတို့ ဖိတ်ကြားချက်နဲ့ တောင်ကိုရီးယားသမ္မတ မြန်မာနိုင်ငံကို လာရောက်တာ ဖြစ်ပါတယ်။
အရှေ့တောင်အာရှနိုင်ငံတွေနဲ့ တောင်ကိုရီးယားကြား ပူးပေါင်းဆောင်ရွက်မှု ခိုင်မာစေရေး သံခင်းတမန်ခင်း ဆောင်ရွက်ချက် တစိတ်တပိုင်း အနေနဲ့ ထိုင်း၊ မြန်မာနဲ့ လာအိုတို့ကို သမ္မတ Moon Jae-in သွားရောက်ဖို့ စီစဉ်တာလို့ တောင်ကိုရီးယား သမ္မတအိမ်တော်ကလည်း သတင်းထုတ်ပြန်ထားပါတယ်။
တောင်ကိုရီးယား သမ္မတ Moon Jae- in က စက်တင်ဘာလ ၁ ရက်နေ့မှာ စတင်မယ့် ၆ ရက် အရှေ့တောင် အာရှ ခရီးစဉ်အတွင်း မြန်မာ၊ လာအိုနဲ့ ထိုင်းနိုင်ငံတို့ကို သွားရောက်မှာ ဖြစ်ပါတယ်။
ခရီးစဉ်အတွင်းမှာတော့ တောင်ကိုရီးယားသမ္မတ Moon Jae-in ရဲ့ အရှေ့တောင်အာရှ နိုင်ငံတွေနဲ့ ပိုပြီး နီးနီးကပ်ကပ် ပူးပေါင်းဆောင်ရွက်ရေး ပြောဆိုထားတဲ့ တောင်ပိုင်းဆိုင်ရာ မူဝါဒသစ်ကို မြှင့်တင် ဆောင်ရွက်မယ်လို့လည်း ယူဆထားကြပါတယ်။
လာမယ့် နိုဝင်ဘာလအတွင်း ကိုရီးယား-မဲခေါင် ထိပ်သီးညီလာခံ ဖွင့်လှစ်ဖို့ရှိနေတာ အပြင် တောင်ကိုရီးယားနဲ့ အာဆီယံအဖွဲ့ဝင် နိုင်ငံတွေကြား အထူးတွေ့ဆုံ ဆွေးနွေးပွဲတွေ အကြို တောင်ကိုရီးယားသမ္မတရဲ့ အရှေ့တောင်အာရှ သုံးနိုင်ငံ ခရီးစဉ် ထွက်ပေါ်လာတာပါ။
ဗွီအိုအေ (မြန်မာပိုင်း)
https://burmese.voanews.com
တောင်ကိုရီးယားသမ္မတ စက်တင်ဘာလဆန်း မြန်မာနိုင်ငံလာရောက်မည်
Reviewed by THITHTOOLWIN
on
21:17
Rating: