ကန္ အစု႐ွယ္ယာေစ်း အနည္းငယ္ ျပန္တက္


ဗုဒၵဟူးေန႔က တစ္ရွိန္ထိုး က်ဆင္းသြားခဲ့တဲ့ အေမရိကန္ စေတာ့ ရွယ္ယာ ေစ်းႏွဳန္းဟာ ၾကာသပေတးေန႔မွာေတာ့ အသင့္အတင့္ ျပန္လည္ ျမင့္တက္လာခဲ့ပါတယ္။ ၾကာသပေတးေန႔ စေတာ့ ေစ်းဖြင့္တဲ့အခ်ိန္မွာ Standard and Poors က ၀.၂၅ ရာခုိင္ႏွဳန္း ျပန္လည္ျမင့္တက္ခဲ့ျပီး Dow Jones စေတာ့ ရွယ္ယာကေတာ့ ၀.၄၀ ရာခိုင္ႏွဳန္း ျမင့္တက္ခဲ့ပါတယ္။ NASDAD ကေတာ့ စေတာ့ေစ်းႏွဳန္း အနည္းငယ္ က်ဆင္း ခဲ့ပါတယ္။

ေလ့လာသူေတြက ၾကာသပေတးေန႔မွာ လက္လီေစ်း ေရာင္း၀ယ္မႈ ျမင့္တက္ခဲ့တာဟာ စိတ္ပူပန္ေနတဲ့ ရင္းႏွီးျမွဳပ္ႏွံသူေတြကို စိတ္ ေအးေစခဲ့တယ္ လို႔ ဆိုပါတယ္။

စားသုံးသူေတြရဲ႕ ၀ယ္လိုအားဟာ အေမရိကန္ႏုိင္ငံ စီးပြားေရးအတြက္ အားအေကာင္းဆုံး ေမာင္းႏွင္အား တစ္ခုျဖစ္ပါတယ္။ ၿပီးခဲ့တဲ့လအတြင္းက လက္လီေရာင္း၀ယ္မႈ ၀.၇ ရာခိုင္ႏွဳန္းနဲ႔ ခိုင္ခိုင္မာမာ ျမင့္တက္ခဲ့ပါတယ္။ ကမၻာ့အၾကီးဆုံး လက္လီ ကုန္တိုက္ျဖစ္တဲ့ Walmart က ဒီႏွစ္အတြင္း ေရာင္းအား အေကာင္းဆံုးလ အျဖစ္ ေဖာ္ျပခဲ့ပါတယ္။

အေမရိကန္ႏိုင္ငံအတြင္း အလုပ္လက္မဲ့နွဳန္း နိမ့္က်တာနဲ႔ လုပ္ခလစာႏွဳန္းထား အသင့္အတင့္ ျမင့္တက္ခဲ့မႈက စာသုံးသူေတြရဲ႕ ယုံၾကည္မႈကို ျပန္လည္ ရရွိေစခဲ့ပါတယ္။

အေမရိကန္နဲ႔ တရုတ္ႏုိင္ငံအၾကား ကုန္သြယ္ေရး စစ္ပြဲအေပၚ စိုးရိမ္ပူပန္မႈေတြ ရွိေနတာေၾကာင့္ စီးပြားေရးလုပ္ငန္းဆိုင္ရာ ရင္းႏွီးျမွဳပ္ႏွံမႈနဲ႔ စက္မႈထြက္ကုန္ က႑ေတြအပါအ၀င္ တစ္ျခား က႑ေတြမွာေတာ့ တိုးတက္မႈ ေလ်ာ့နည္းက်ဆင္းေနပါတယ္။
ၿဗိတိန္ႏုိင္ငံမွာ စေတာ့ ေစ်းႏွဳန္း ၁ ရာခိုင္ႏွဳန္း က်ဆင္းခဲ့သလို ျပင္သစ္နဲ႔ ဂ်ာမနီႏုိင္ငံေတြမွာ စေတာ့ ေစ်းႏွဳန္းက်ဆင္းမႈ အနည္းငယ္ရွိခဲ့ပါတယ္။

ဗြီအိုေအ (ျမန္မာပုိင္း)
https://burmese.voanews.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ