တရားမဝင် တရုတ်နိုင်ငံသားတွေကို ဥပဒေအတိုင်း လုပ်ဆောင်မယ်လို့ ပြည်နယ်အစိုးရပြောကြား

ကချင်ပြည်နယ်က ကန်ပိုက်တီ ကုန်သွယ်ရေးစခန်းကို တွေ့ရစဉ် / ဓါတ်ပုံ - အဲလိဇဘက်ဂျန်မာ/ RFA
ကချင်ပြည်နယ်က တရုတ်နယ်စပ်ကုန်သွယ်ရေးစခန်းတွေဖြစ်တဲ့ ကန်ပိုက်တီ၊ လွယ်ဂျယ်၊ ပန်ဝါ ကနေ တရုတ်နိုင်ငံသား အဝင်/အထွက် တစ်ရက်ကို ငါးရာခန့်ရှိတယ်လို့ သိရပါတယ်။

အဲဒီ မြန်မာ-တရုတ်နယ်စပ်ဂိတ်စခန်းတွေကနေ တရုတ်နိုင်ငံသားတွေဟာ မြန်မာနိုင်ငံကို နယ်စပ်ဖြတ်သန်းခွင့် အလည်အပတ် (Border Pass) နဲ့ ယာယီနေထိုင်ခွင့် (Green Card ) တွေနဲ့ ဝင်ထွက်သွားလာနေတာဖြစ်ပြီး အဲဒီထဲက အများစုဟာ ကချင်ပြည်နယ်ထဲက တရုတ်တစ်သျူးငှက်ခြံတွေမှာ ဝင်ရောက်အလုပ်ကိုင်နေကြတယ်လို့ ကချင်ပြည်နယ် လူဝင်မှုကြီးကြပ်ရေးနဲ့ လူ့စွမ်းအားအရင်းအမြစ် ၀န်ကြီး ဦးဇော်ဝင်းက RFA ကို ပြောပါတယ်။

ဒီလိုနယ်စပ်ဖြတ်သန်းခွင့် အလည်အပတ်နဲ့ဝင်လာတဲ့ တရုတ်နိုင်ငံသားတွေဟာ ဥပဒေအရ အလုပ်လုပ်ကိုင်ခွင့်မရှိဘူးလို့ ဥပဒေပညာရှင်တွေက ပြောပါတယ်။

ဥပဒေကိုချိုးဖောက်ပြီး ဝင်ရောက်အလုပ်လုပ်နေသူတွေကို စည်းကမ်းဖောက်ဖျက်မှု လ၀က အက် ပုဒ် မ ၁၃ (၁) / ၄ (၁)  နဲ့ အရေးယူနိုင်ပြီး ပြစ်မှုပြစ်ဒဏ်အဖြစ် အနည်းဆုံးထောင်ဒဏ် ၆ လကနေ ၅ နှစ်အထိဖြစ်စေ၊ အနည်းဆုံး ငွေဒဏ် ကျပ် ၁၅၀၀ ဖြစ်စေ၊ ဒဏ်နှစ်ရပ်လုံးဖြစ်စေ စီရင်ချမှတ်နိုင်တယ် လို့ လဝက ဥပဒေမှာ ဖော်ပြထားပါတယ်။

နိုင်ငံတော်အတွက် အခွန်မရသလို ဒေသခံတွေနဲ့ လူမှုရေး၊ ယဉ်ကျေးမှုပြဿနာတွေ ဖြစ်ပေါ်စေ တယ်လို့ ဒေသခံ နိုင်ငံရေးသမားတွေကလည်း ဝေဖန်ထောက်ပြကြပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ