ရခိုင်မှာ စိတ်ကြွရှုးသွပ်ဆေးပြား ၂ သန်းကျော်ဖမ်းမိ |
တပ်မတော်ရဲ့ ထုတ်ပြန်ချက်ကို အေအေဘက်ကတော့ ငြင်းဆိုပါတယ်။ လက်ရှိအနေအထားမှာ အဲဒီအနီးတဝိုက်က ကျေးရွာတွေကို တပ်မတော်ကနေ ဝိုင်းဝန်း ပိတ်ဆို့မှု ပြုလုပ်ထားပြီး ရှာဖွေမှုတွေ ဆက်လုပ်နေပါတယ်။
တပ်မတော်ရဲ့ သတင်းထုတ်ပြန်ချက်ထဲမှာ ရသေ့တောင်မြို့နယ် တံခွန်တိုင် ကျေးရွာ အုပ်ချုပ်ရေးမှူး ဦးစံသာကျော်ရဲ့ နေအိမ်ပေါ်ကနေ စိတ်ကြွရူးသွပ် ဆေးပြား ၂ သန်း ၅ သိန်းခန့်၊ ကြိုးဆွဲလက်ပစ်ဗုံး ၃၆ လုံး၊ အိုင်ကွန် ၅၂ လုံး၊ မိုင်းပြုလုပ်ဖို့ အသုံးပြုတဲ့ ကွန်ကြူပိုက် ၂၃ ချောင်း၊ ဘောစေ့များရောနှောထားတဲ့ ယမ်းထုပ် တစ်ပိဿာခန့် ၂ ထုပ်နဲ့ ဆက်စပ်ပစ္စည်းများ သိမ်းဆည်းရမိတယ်လို့ ဖော်ပြထားပါတယ်။ ဒီသိမ်းဆည်းရမိတဲ့ ပစ္စည်းတွေဟာ ရက္ခိုင်တပ်တော် အေအေရဲ့ ပစ္စည်းတွေဖြစ်တယ်လို့လည်း သတင်းထုတ်ပြန်ချက်မှာ ဖော်ပြထားတာပါ။
အုပ်ချုပ်ရေးမှူး ဦးစံသာကျော်နဲ့ မိသားစုဝင်တွေကတော့ စစ်တပ်တွေ မရောက်လာမီကတည်းက ရွာကို စွန့်ခွာထွက်ပြေးသွားကြတယ်လို့ ဆိုပါတယ်။
BBC Burmese
https://www.bbc.com
ရခိုင်မှာ စိတ်ကြွရှုးသွပ်ဆေးပြား ၂ သန်းကျော်ဖမ်းမိ
Reviewed by THITHTOOLWIN
on
20:24
Rating: