စင္ၿပိဳင္အစိုးရအဖြဲ႔ဝန္ႀကီးခ်ဳပ္ေဟာင္း ေဒါက္တာ စိန္ဝင္း ျပည္ေတာ္ျပန္ေရာက္

ေဒါက္တာ စိန္ဝင္းကို သူ႔ရဲ႕ ေနအိမ္မွာ ၂၀၁၉၊ ၾသဂုတ္ ၁၀ ရက္ေန႔က ေတြ႔ရစဥ္
ယခင္ ျပည္ပေရာက္ စင္ၿပိဳင္အစိုးရအဖဲြ႔မွာ ဝန္ႀကီးခ်ဳပ္အျဖစ္ တာဝန္ယူခဲ့ဖူးတဲ့ ေဒါက္တာ စိန္ဝင္း ဟာ မိသားစုနဲ႔အတူ ျမန္မာႏိုင္ငံကို ၾသဂုတ္ ၉ ရက္ေန႔က ျပန္လည္ေရာက္ရိွလာပါတယ္။

ၾသဂုတ္လ ၉ ရက္ေန႔ ည ၁၀ နာရီေလာက္က ျပန္ေရာက္လာတာျဖစ္ၿပီး က်န္းမာေရးေကာင္းတယ္လို႔ ေဒါက္တာ စိန္ဝင္း ရဲ႕ ဇနီးျဖစ္သူ ေဒၚစီစီသြယ္က ေျပာပါတယ္။

ေဒါက္တာ စိန္ဝင္းဟာ အေမရိကန္ႏုိင္ငံမွာ ဆယ္စုႏွစ္ သံုးခုနီးပါးၾကာ ေနထိုင္ခဲ့ရၿပီး အခု NLD အစိုးရလက္ထက္မွာ ျမန္မာျပည္ျပန္လာဖို႔အတြက္ သံရံုးကေန ခြင့္ျပဳခ်က္ ေစာင့္ေနခဲ့ရတာျဖစ္ ပါတယ္။

၁၉၉၀ ေရြးေကာက္ပဲြအၿပီးမွာ စစ္အစိုးရက အာဏာလႊဲမေပးတဲ့အခ်ိန္ ေဒါက္တာ စိန္ဝင္းဟာ ျပည္ပကိုထြက္ခြာခဲ့ၿပီး ျပည္ပေရာက္ အမ်ိဳးသားညႊန္႔ေပါင္းအစိုးရအဖြဲ႔ NCGUB ကို တည္ေထာင္ၿပီး ဝန္ႀကီးခ်ဳပ္ တာဝန္ ယူခ့ဲသူျဖစ္ပါတယ္။

ေဒါက္တာ စိန္ဝင္းဟာ အာဇာနည္ေခါင္းေဆာင္ႀကီး ဦးဘဝင္းရဲ႕သား၊ ဗုိလ္ခ်ဳပ္ေအာင္ဆန္းရဲ႕ တူ၊ ႏိုင္ငံေတာ္ အတုိင္ပင္ခံပုဂၢဳိလ္ ေဒၚေအာင္ဆန္းစုၾကည္ရဲ႕ အစ္ကို ဝမ္းကဲြ ေတာ္စပ္သူ ျဖစ္ပါတယ္။

RFA Burmese
https://www.rfa.org

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ