AA အဖွဲ့ဖမ်းထားတဲ့ ပလက်ဝဒေသခံ ၁ဝ ဦး မလွတ်သေးကြောင်း ပြည်နယ်အစိုးရပြော

ပလက်ဝမြို့အဝင်ဆိုင်းဘုတ်ကို တွေ့ရစဉ်
ရက္ခိုင့်တပ်တော် AA အဖွဲ့က ဖမ်းဆီးထားတဲ့ ချင်းပြည်နယ် ပလက်ဝမြို့နယ်မှာ လမ်းလုပ်ငန်းဆောင်ရွက်နေတဲ့ ကုမ္ပဏီဝန်ထမ်း ကိုးဦးကို ပြန်လွှတ်ပေးလိုက်ပေမယ့် AA အဖွဲ့ကဖမ်းဆီးထားတဲ့ ပလက်ဝဒေသခံ ၁၀ ဦးခန့် ရှိနေသေးကြောင်း ချင်းပြည်နယ်အစိုးရအဖွဲ့ စည်ပင်သာယာရေးဝန်ကြီး ဦးစိုးထက်က RFA ကို ပြောပါတယ်။

ချင်းလူ့အခွင့်ရေးအဖွဲ့ကလည်း ပလက်ဝမြို့နယ် ဘောင်းဝကျေးရွာသား လေးဦးအပါအဝင် အရပ်သား ကိုးဦး ပျောက်ဆုံးနေပြီး ဒီနေ့ထိ သတင်းအစအနမရဘဲဖြစ်နေတယ်လို့ ပြောပါတယ်။

ချင်းလူ့အခွင့်ရေးအဖွဲ့က ဆလိုင်းတေရကလည်း ဆုထူးစံ ကုမ္ပဏီဝန်ထမ်းတွေ ပြန်လွှတ်ပေးလိုက်တာကို ကြိုဆိုပြီး နောက်ထပ် ဖမ်းဆီးထားသူတွေကိုလည်း ပြန်လွှတ်ပေးဖို့ ပြောပါတယ်။

ပြီးခဲ့တဲ့ မတ်လ ၃၀ ရက်နေ့က ပလက်ဝမြို့နယ်ထဲ မြန်မာ-အိန္ဒိယလမ်းပိုင်းလုပ်နေတဲ့ ဆုထူးစံ ကုမ္ပဏီနဲ့ နန်းမှန်သစ္စာကုမ္ပဏီက ဝန်ထမ်း စုစုပေါင်း ကိုးဦးကို ရက္ခိုင့်တပ်တော် AA က ဖမ်းဆီးသွားတာဖြစ်ပါတယ်။

အဲဒီဝန်ထမ်းတွေဟာ ထောက်လှမ်းရေးဟောင်းတွေလို့ သံသယဖြစ်ပြီး ဖမ်းဆီးထိန်းသိမ်းခဲ့တာလို့ AA အဖွဲ့က ပြောဆိုထားပြီး ကိုးဦးလုံးကို သြဂုတ်လ ၁၆ ရက်နေ့က ပြန်လွှတ်ပေးလိုက်တာဖြစ်ပါတယ်။

ပြန်လည်လွတ်လာသူ ကိုးဦးကို ဒီနေ့မနက်ပိုင်းမှာ ဌာနဆိုင်ရာတွေက အချက်အလက်ကောက်ယူတာတွေရှိခဲ့ပြီး အရပ်ဖက်အဖွဲ့တွေက အလှူငွေပေးတာတွေ ရှိခဲ့ပါတယ်။

ပလက်ဝဒေသခံ ၁၀ ဦးခန့်ကို AA အဖွဲ့က ဖမ်းဆီးထားတယ်ဆိုတဲ့ ကိစ္စနဲ့ ပတ်သက်ပြီး AA ပြောရေးဆိုခွင့်ရှိသူ ခိုင်သုခကို RFA က ဆက်သွယ်ခဲ့ပေမယ့် ပြန်လည်ဖြေကြားခြင်းမရှိပါဘူး။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ