လျှပ်စစ်ဒုဝန်ကြီး ပြောဆိုချက်ကို ဦးပိုင် တုံ့ပြန်

လျှပ်စစ်နဲ့စွမ်းအင် ဒုတိယ၀န်ကြီး ဒေါက်တာထွန်းနိုင် ကို ၂ဝ၁၉ သြဂုတ် ၂၁ ရက်နေ့က ပြည်ထောင်စုလွှတ်တော်မှာ တွေ့ရစဉ်
ပြည်ထောင်စုလွှတ်တော်မှာ လျှပ်စစ်နဲ့စွမ်းအင် ဒုတိယ၀န်ကြီး ဒေါက်တာထွန်းနိုင် ပြောကြားချက်တွေဟာ မြန်မာ့စီးပွားရေးဦးပိုင် အများနဲ့သက်ဆိုင်သော ကုမ္ပဏီလီမိတက်အပေါ် ပြည်သူတွေ အထင်မြင်လွဲမှားပြီး ဂုဏ်သိက္ခာထိခိုက်စေတယ်ဆိုတဲ့ ထုတ်ပြန်ချက်ကို ဦးပိုင်ကုမ္ပဏီက ဒီနေ့ထုတ် မြ၀တီသတင်းစာမှာ ထည့်သွင်းထားပါတယ်။

သြဂုတ် ၂၁ ရက်က ကျင်းပတဲ့ ပြည်ထောင်စုလွှတ်တော်မှာ လွှတ်တော် ကိုယ်စားလှယ် ဦးကျော်ထွေးက လျှပ်စစ်နဲ့စွမ်းအင်ဝန်ကြီးဌာနရဲ့ မီတာများ တင်ဒါခေါ်ယူမှုကိစ္စကို ရှင်းလင်းပေးဖို့ တောင်းဆိုခဲ့တာပါ။

အဲဒီမှာ ဒုဝန်ကြီး ဒေါက်တာထွန်းနိုင်က ၀န်ကြီးဌာနကနေ ခေါ်ယူခဲ့တဲ့ တင်ဒါ ငါးခုကိုရောထွေးပြီး လိုရာကို ဆွဲထုတ်ရှင်းလင်းခဲ့တဲ့အကြောင်း၊ ဒုဝန်ကြီး ပြောတဲ့အထဲမှာ တင်ဒါဝင်ရောက်ယှဉ်ပြိုင်တဲ့ ကုမ္ပဏီတွေက ၀န်ကြီးဌာနရဲ့ တင်ဒါရွေးချယ်မှုတွေကို ၀င်ရောက်စွက်ဖက်ချင်တာ၊ လွှမ်းမိုးချင်တာ၊ မလျော်သြဇာသုံးချင်တာတွေရှိတယ်လို့ သုံးသပ်ချက်တွေဟာ ကုမ္ပဏီရဲ့ သိက္ခာကို ထိခိုက်စေတယ်လို့ ထုတ်ပြန်ချက်မှာ ပါရှိပါတယ်။

ကုမ္ပဏီကို ပြည်ပနိုင်ငံတချို့က ဖိအားပေးနေတဲ့ အခုလိုကာလမှာ ဒုဝန်ကြီးရဲ့ အဲဒီလို ပြောဆိုချက်တွေဟာ ပြည်တွင်းမှာပါ ပိုပြီးအထင်လွဲအောင် တွန်းအားပေးသလိုဖြစ်နေတာကြောင့် မီတာတင်ဒါခေါ်ယူတာတွေနဲ့ ပတ်သက်တဲ့ ဖြစ်ရပ်တွေကို အစုရှယ်ယာရှင်တွေနဲ့ အများပြည်သူနားလည်အောင် ရှင်းလင်းဖော်ပြတာ ဖြစ်တယ်လို့ ရေးသားထားပါတယ်။

အဲဒီထုတ်ပြန်ချက်မှာလည်း ၀န်ကြီးဌာနကို တင်သွင်းတဲ့ မီတာတင်ဒါ အဆင့်ဆင့်ကိုလည်း ရေးသားဖော်ပြထားတာ တွေ့ရပါတယ်။

RFA Burmese
https://www.rfa.org

မြန်မာနဲ့ ထိုင်းနိုင်ငံသားတွေပါဝင်တဲ့ မူးယစ်ဆေးဝါးကုန်သွယ်သူတွေကို ဝ တပ်ဖွဲ့က ဖမ်းဆီးထား

မြန်မာနဲ့ ထိုင်းနိုင်ငံသားတွေပါဝင်တဲ့ မူးယစ်ဆေးဝါး ကုန်သွယ်သူတွေကို ၂ဝ၁၉ သြဂုတ် ၂၆ ရက်နေ့က ဝ တပ်ဖွဲ့ ဖမ်းဆီးခဲ့စဉ်
ရှမ်းပြည်နယ်အရှေ့ပိုင်း လွယ်လွန်းဒေသမှာ မြန်မာနဲ့ ထိုင်းနိုင်ငံသားတွေပါဝင်တဲ့ မူးယစ်ဆေးဝါး ကုန်သွယ်သူ အယောက် ၅၀ ကျော်ကို UWSA ဝ တပ်ဖွဲ့က ဖမ်းဆီးထားပါတယ်။

ပြီးခဲ့တဲ့ သြဂုတ်လ ၂၆ ရက်နေ့ မနက်ပိုင်းအချိန်လောက်က လွယ်လွန်းဒေသမှာ ထိုင်းနိုင်ငံသား ၁၄ ယောက်နဲ့ မြန်မာနိုင်ငံသား ၃၉ ယောက်တို့ကို လက်နက်နဲ့ မူးယစ်ဆေးဝါးတွေကို ဖမ်းဆီးရမိခဲ့တာလို့ UWSA လားရှိုးမြို့ ဆက်ဆံရေးရုံးတာဝန်ခံ ဦးညီရန်း က ပြောပါတယ်။

လွယ်လွန်းဒေသဟာ ရှမ်းပြည်နယ်အရှေ့ပိုင်းရဲ့ မူးယစ်ဆေးဝါးကုန်သွယ်ရာ လမ်းကြောင်းဖြစ်ပြီး သူတို့ကိုစစ်ဆေးချက်တွေအရ မူးယစ်ဆေးပြားပေါင်း ၁၀ သန်းဝန်းကျင်လောက်ကို ထိုင်းနယ်စပ်ဘက်မှာ ထားခဲ့တာကိုလည်း စိစစ်တွေ့ရှိရတယ်လို့ ပြောပါတယ်။

လက်ရှိ သူတို့ကို ဝ ပြည်နယ်တောင်ပိုင်းစစ်ဒေသ ၁၇၁ မှာ ဖမ်းဆီးထိန်းသိမ်းထားပြီး သူတို့ကို သက်ဆိုင်ရာ အစိုးရဌာနတာဝန်ရှိသူတွေဆီ လွှဲပြောင်းပေးအပ်ရေးနဲ့ပတ်သက်ပြီး ဝ အဖွဲ့ထိပ်တန်း တာဝန်ရှိသူတွေက မကြာခင်ရက်ပိုင်းမှာ ဆုံးဖြတ်သွားမှာဖြစ်တယ်လို့ ပြောပါတယ်။

RFA Burmese
https://www.rfa.org
 

ဘင်္ဂလားဒေ့ရ်ှနိုင်ငံကနေ ခိုးဝင်လာတယ် ဆိုတဲ့သူတွေကို အာသံပြည်နယ်ထဲကနေ တကယ်ပဲ နှင်ထုတ်မှာလား။

အာသံပြည်နယ်မှာ နိုင်ငံသား အသိအမှတ်ပြု စာရင်းထဲမှာ နာမည် ပါမပါ အတည်ပြုခံရဖို့ ရင်သွေးကလေးငယ်နဲ့အတူ တန်းစီ စောင့်ဆိုင်းနေတဲ့ အမျိုးသမီးတဦး
အိန္ဒိယနိုင်ငံဘက်ခြမ်း အာသံပြည်နယ်ရဲ့ အရှေ့မြောက်ပိုင်းမှာ လူ ၄ သန်းကျော်လောက် နိုင်ငံသား ဖြစ်ခွင့် ဆုံးရှုံးဖွယ် ရှိနေပြီး သူတို့ရဲ့ အနာဂတ် မရေမရာ ဖြစ်နေပါတယ်။

အိမ်နီးချင်း ဘင်္ဂလားဒေ့ရ်ှနိုင်ငံကနေ ခိုးဝင်လာသူတွေကို ဖော်ထုတ်ဖို့ အိန္ဒိယ အစိုးရရဲ့ တွန်းအားပေး ဆောင်ရွက်မှု တစ်ခုအဖြစ် မနှစ်က ရေးဆွဲ အတည်ပြုခဲ့တဲ့ နိုင်ငံသား အသိအမှတ်ပြုစာရင်း မူကြမ်းတစ်ခုထဲမှာ အဲဒီလူတွေကို ချန်ထားခဲ့တာ ဖြစ်ပါတယ်။

အခု သြဂုတ်လ ၃၁ ရက်နေ့မှာ နောက်ဆုံးထားပြီး အပြီးသတ် စာရင်း ထုတ်ပြန်ဖို့ ရှိတာမို့ ဒီစာရင်းကို အဲဒီက လူတွေက စိုးရိမ်တကြီး စောင့်နေကြတာပါ။

အိန္ဒိယအစိုးရအနေနဲ့ အချေအတင် အငြင်းပွားစရာ ဒီလို ဆောင်ရွက်မှုတွေ လုပ်ရတာ ဘာ့ကြောင့်ပါလဲ။ နောက်ထပ် ဘာတွေ ဖြစ်လာဖို့ ရှိပါလဲ။

နိုင်ငံသား စာရင်း ဘာ့ကြောင့် ထုတ်ရတာပါလဲ။

အရှေ့ပါကစ္စတန်လို့ အရင်က ခေါ်တဲ့ ဘင်္ဂလားဒေ့ရ်ှနိုင်ငံကနေ တရားမဝင် ရွှေ့ပြောင်း ဝင်လာနေသူတွေနဲ့ ပတ်သက်လို့ အာသံပြည်နယ်မှာ စိုးရိမ်မှုတွေ ပေါ်ထွက်နေတာ အတော်ကြာနေပါပြီ။

အိန္ဒိယနိုင်ငံကို နှစ်ခြမ်းခွဲလိုက်အပြီး ပါကစ္စတန်ပိုင် တစိတ်တဒေသ ဖြစ်လာတဲ့ အရှေ့ဘင်္ဂလား ကနေ လူသန်းနဲ့ ချီပြီး အိန္ဒိယနိုင်ငံထဲ ဖြတ်ကျော် ဝင်လာကြတဲ့အတွက် ၁၉၅၁ ခုနှစ်မှာ အာသံပြည်နယ်မှာ ပထမဆုံးအကြိမ်အဖြစ် NRC ခေါ် နိုင်ငံသား အသိအမှတ်ပြု စာရင်းကို ထုတ်ပြန်ခဲ့တာပါ။

၂၀၁၈ ခုနှစ် ဇူလိုင်လ ၃၀ ရက်နေ့က အာသံပြည်နယ် ရွာတစ်ရွာက NRC စခန်းမှာ နိုင်ငံသား အသိအမှတ်ပြု စာရင်းမှာ ကိုယ့်နာမည်ပါမပါ ကြည့်ဖို့ စောင့်ဆိုင်းနေကြစဉ်
အဲဒီတုန်းက အလုံးအရင်းနဲ့ ရွှေ့ပြောင်း ဝင်လာနေတဲ့ မွတ်ဆလင်တွေကြောင့် ဟိန္ဒူတွေ အများစု နေထိုင်နေတဲ့ အာသံပြည်နယ်ရဲ့ ဒေသန္တရ လူနေမှု အနေအထား ပြောင်းသွားမှာကို စိုးရိမ်နေကြတဲ့ ဒေသခံ လူမျိုးရေး ဝါဒီ အုပ်စုတွေကြောင့် ဒီနိုင်ငံသား အသိအမှတ်ပြု စာရင်းကို ရေးဆွဲခဲ့တာ ဖြစ်ပါတယ်။

ဒါပေမဲ့ ၁၉၇၀ ပြည့်လွန်နှောင်းပိုင်း နှစ်တွေမှာ ဒီပြဿနာ ထပ်ပေါ်လာခဲ့ပါတယ်။ ၁၉၇၉ ခုနှစ် မတ်လ ၂၆ ရက်နေ့မှာ ဘင်္ဂလားဒေ့ရ်ှနိုင်ငံက ပါကစ္စတန်ကနေ ခွဲထွက်ပြီး လွတ်လပ်ရေး ကြေညာခဲ့တဲ့အတွက် စစ်ပွဲ ဖြစ်ပွားခဲ့ရာမှာ လူ သန်းပေါင်းများစွာ အိန္ဒိယ နိုင်ငံထဲ ထွက်ပြေးခဲ့ကြပါတယ်။ အဲဒီထဲက အတော်များများဟာ အာသံပြည်နယ်မှာ အခြေချ ခဲ့ကြပါတယ်။

၁၉၇၉ ခုနှစ် ရောက်တဲ့အခါ တရားမဝင် ရွှေ့ပြောင်းဝင်လာသူတွေကို ဆန့်ကျင်ဆန္ဒပြတဲ့ လှုပ်ရှားမှုတစ်ခုကို AASU အာသံ ကျောင်းသားများ သမဂ္ဂအဖွဲ့က ဦးဆောင် လုပ်ခဲ့ပါတယ်။ ၁၉၈၃ ခုနှစ်မှာတော့ အဲဒီ ဆန္ဒပြ လှုံ့ဆော်လှုပ်ရှားမှုက အကြမ်းဖက် ဆူပူမှုအဖြစ် အသွင်ပြောင်းသွားခဲ့ပြီး ဆန္ဒပြ လူအုပ်ကြီးရဲ့ လက်ချက်နဲ့ တရားမဝင် ရွှေ့ပြောင်းဝင်လာသူတွေလို့ ယူဆရသူ ၂၀၀၀ ကျော် သေဆုံးခဲ့ရပါတယ်။ အများစုဟာ မွတ်ဆလင်တွေ ဖြစ်ပါတယ်။

အဲဒီနောက် ၁၉၈၅ ခုနှစ်မှာတော့ AASU နဲ့ တခြား ဒေသခံအုပ်စုတစ်ချို့က ဝန်ကြီးချုပ် ရာဂျစ် ဂန္ဒီ ဦးဆောင်တဲ့ ဖက်ဒရယ် အစိုးရနဲ့ သဘောတူချက်တစ်ခု လက်မှတ်ရေးထိုးခဲ့ကြပါတယ်။

အဲဒီသဘောတူချက်ထဲမှာ ၁၉၇၁ ခုနှစ် မတ်လ ၂၄ ရက် မတိုင်ခင် အာသံပြည်နယ်မှာ နေထိုင်နေတယ် ဆိုတာကို သက်သေ မပြနိုင်တဲ့ သူမှန်သမျှ ရွေးကောက်ပွဲ မဲပေးခွင့်ရှိသူစာရင်းကနေ ပယ်ဖျက်ခံရမှာ ဖြစ်ပြီး တရားမဝင် ရွှေ့ပြောင်းလာသူအဖြစ် သတ်မှတ်ခံရမယ်လို့ ပါရှိပါတယ်။

ဒါပေမဲ့ အဲဒီ သဘောတူချက်ကို အကောင်အထည် ဖော်နိုင်တဲ့ အခြေအနေ မရောက်ခဲ့ပါဘူး။

ဒါဆိုရင် ဒီလောက်နှစ်တွေ အကြာကြီးကြာမှ ဘာ့ကြောင့် ဒီ NRCနိုင်ငံသား အသိအမှတ်ပြု စာရင်းကို ပြင်ဆင် ရေးဆွဲဖို့ ဖြစ်လာတာလဲ။

၂၀၀၉ ခုနှစ်မှာ အာဘီဂျိ ရှာမား ဆိုသူ အမျိုးသားတစ်ဦးက NRC စာရင်းကို အသစ်ပြင်ဆင် ရေးဆွဲပေးဖို့ တရားရုံးချုပ်ကို ပန်ကြားစာ တင်သွင်းခဲ့ပါတယ်။

၂၀၁၄ ခုနှစ်မှာ တရားရုံးချုပ်က ၂၀၁၆ ခုနှစ် ဇန္နဝါရီလ ၃၁ ရက် မတိုင်ခင် NRC စာရင်း ပြင်ဆင်ရေးဆွဲဖို့ ဖက်ဒရယ် အစိုးရကို ညွှန်ကြားခဲ့ပါတယ်။

ဒါပေမဲ့လည်း လူ ၃၂ သန်းကျော်ရဲ့ သက်သေခံ စာရွက်စာတမ်းတွေကို စစ်ဆေးမှုတွေ အပါအဝင် လုပ်ငန်းစဉ်တွေ များပြား ကြီးမားလွန်းတာကြောင့် NRC စာရင်း ပထမ မူကြမ်းကို ၂၀၁၇ ခုနှစ် ဒီဇင်ဘာလကျမှ ထုတ်ပြန်နိုင်ခဲ့ပါတယ်။

အာသံပြည်နယ်ထဲ ရွှေ့ပြောင်း ဝင်ရောက်လာသူတွေကြောင့် ဒေသခံတွေအကြား ဆယ်စုနှစ်နဲ့ချီ စိုးရိမ်မှုတွေ ဖြစ်ပေါ်နေ
NRC စာရင်း ဒုတိယ မူကြမ်းကိုတော့ ၂၀၁၈ ခုနှစ် ဇူလိုင်လ ၃၀ ရက်နေ့မှာ ထုတ်ပြန်ခဲ့ပါတယ်။

စာရင်းထဲမှာ ဘယ်သူတွေ ပါသလဲ။

၁၉၇၁ ခုနှစ် မတ်လ ၂၄ ရက်နေ့ မတိုင်ခင် ဒါမှမဟုတ် အဲဒီနေ့မှာ အာသံပြည်နယ်ကို ရောက်လာတယ်လို့ သက်သေပြနိုင်သူတွေရဲ့ အမည်တွေကို NRC စာရင်းထဲမှာ ထည့်သွင်းထားပါတယ်။

အာသံပြည်နယ်ထဲမှာ နေထိုင်နေတဲ့ သူမှန်သမျှ မြေပိုင်၊ မြေငှား မှတ်တမ်း စာချုပ်၊ ရွေးကောက်ပွဲ ဆန္ဒမဲပေးခွင့် လက်မှတ်၊ ဒါမှမဟုတ် နိုင်ငံကူး လက်မှတ် အပါအဝင် နိုင်ငံသား ဖြစ်ကြောင်း သက်သေပြနိုင်တဲ့ အထောက်အထား စာရွက်စာတမ်းတွေ ပြဖို့ လိုပါတယ်။

၁၉၇၁ ခုနှစ်နောက်ပိုင်း မွေးတဲ့သူတွေဟာလည်း သတ်မှတ်ထားတဲ့ နေ့ရက်မတိုင်ခင် သူတို့ရဲ့မိဘ ဒါမှမဟုတ် အဘိုးအဘွားတွေ အိန္ဒိယနိုင်ငံမှာ အခြေချ နေထိုင်နေကြောင်း သက်သေပြနိုင်ရမှာ ဖြစ်ပါတယ်။

အာသံပြည်နယ်မှာ နေထိုင်နေတဲ့ လူ ၃၂.၉ သန်းထဲက ၂၈.၉ သန်းဟာ အသိအမှတ်ပြု နိုင်ငံသားတွေ ဖြစ်တယ်လို့ စာရင်းမူကြမ်းထဲမှာ အတည်ပြု ဖော်ပြခဲ့ပါတယ်။

၎ သန်းလောက်ကတော့ စာရင်းထဲ မဝင်ခဲ့ပါဘူး။

ဒါ့ကြောင့် သူတို့ရဲ့ အမည်တွေကို မဲပေးခွင့် ရှိသူ စာရင်းကနေ ပယ်ဖျက်နိုင်ဖွယ် ရှိပြီး သူတို့ကို တရားဝင် နိုင်ငံသားအဖြစ် သတ်မှတ်တော့မှာ မဟုတ်ပါဘူး။
Image caption လူ့အခွင့်အရေး တောင်းဆိုလှုပ်ရှားသူတွေကတော့ ဒီစာရင်းဟာ ပူးပေါင်းကြံစည်မှု တစ်ခု ဖြစ်တယ်လို့ စွပ်စွဲနေပြီး လူတွေ အစုလိုက် ဒုက္ခရောက်နိုင်တဲ့ ကပ်ဘေးကြီးတစ်ခုဖြစ်လာခိမ့်မယ်လို့ ဆိုနေကြ။

အဲဒီလူတွေကို သူတို့ဟာ နိုင်ငံသားတွေ ဖြစ်တယ်ဆိုတာ ပြနိုင်တဲ့ နောက်ထပ် အထောက်အထားတွေ တင်ပြဖို့ ပြောထားပါတယ်။

အဲဒီထဲက ၃.၆၂ သန်းဟာ သူတို့ကို နိုင်ငံသား အသိအမှတ်ပြု စာရင်းထဲမှာ ထပ်ထည့်ပေးဖို့ တင်ပြထားတယ်လို့ ယူဆရပါတယ်။

အခုနှစ် ဇွန်လ ၂၆ ရက်နေ့တုန်းက အာဏာပိုင်တွေက မနှစ်က NRC စာရင်းထဲမှာ ပါခဲ့တဲ့ အာသံ ဒေသခံ နောက်ထပ် တစ်သိန်းကို စာရင်းထဲကနေ ထုတ်ပယ်လိုက်ကြောင်းနဲ့ သူတို့ နိုင်ငံသား အစစ်အမှန် ဖြစ်ကြောင်းကို အစကနေ ပြန် သက်သေပြ လျှောက်တင်ရမှာ ဖြစ်ကြောင်း ကြေညာခဲ့ပါတယ်။

ဒါ့အပြင် NRC စာရင်းပြုစုတဲ့ အာဏာပိုင်တွေဟာ စာရင်းမူကြမ်းထဲကနေ ထုတ်ပယ်လိုက်တဲ့ လူအတော်များများကို အနားကပ်ပြီးမှ နို့တစ်စာ ထုတ်ပြန်တာ၊ ဝေးလံတဲ့ ရုံးတွေဆီ သွားပြီး စစ်ဆေးခံခိုင်းတာတွေ လုပ်ခိုင်းခဲ့တယ် ဆိုတဲ့ စွပ်စွဲပြောဆိုမှုတွေလည်း ရှိနေပါတယ်။

ဒီနိုင်ငံသားအသိအမှတ်ပြုစာရင်း အသစ်ပြင်ဆင်ရေးဆွဲတဲ့ လုပ်ငန်းစဉ်ကို အိန္ဒိယ တရားရုံးချုပ်က စောင့်ကြည့်လေ့လာနေခဲ့တာ ဖြစ်ပြီး အခု အပြီးသတ် NRC စာရင်းကို သြဂုတ်လ ၃၁ ရက်နေ့မှာ ထုတ်ပြန်ဖို့ စီစဉ်ထားတာ ဖြစ်ပါတယ်။

ဒီNRC စာရင်းနဲ့ပတ်သက်လို့ ဘယ်လို တုံ့ပြန်မှု ထွက်ပေါ်နေသလဲ

တုံပြန်မှုတွေက အမျိုးမျိုး ထွက်ပေါ်နေပါတယ်။

အိန္ဒိယနိုင်ငံတဝန်းက ဟိန္ဒူ အတော်များများက ဒါဟာ ရဲရင့်ပြတ်သားတဲ့ ဆောင်ရွက်မှု ဖြစ်တယ်လို့ ဝမ်းမြောက်ဝမ်းသာ ကြိုဆိုလိုက်ကြပြီး တခြား အစိုးရအဖွဲ့တွေ မလုပ်ရဲတာကို ဟိန္ဒူ အမျိုးသားရေးဝါဒီ BJP ပါတီ အစိုးရက အကောင်အထည်ဖော် ဆောင်ရွက်နိုင်ခဲ့တယ်လို့ ချီးကျူးခဲ့ကြပါတယ်။

ဒါပေမဲ့ အတိုက်အခံ ပါတီတွေကတော့ ဝန်ကြီးချုပ် နရန်ဒရာ မိုဒီဟာ မိသားစုတွေ ကွဲအောင် လုပ်တယ်၊ လူသန်းပေါင်းများစွာကို ညတွင်းချင်း နိုင်ငံမဲ့တွေ ဖြစ်အောင် လုပ်နေတယ်လို့ ဝေဖန်ရှုတ်ချခဲ့ပါတယ်။

 ဝေဖန်မှုတွေ ရှိနေပေမဲ့ ဒီလုပ်ငန်းစဉ်ဟာ မျှတပြီး ပွင့်လင်းမြင်သာမှု ရှိတယ်လို့ တာဝန်ရှိပုဂ္ဂိုလ်တွေက အခိုင်အမာ ပြောနေ
အတိုက်အခံ ကွန်ဂရက်ပါတီ ခေါင်းဆောင် ရာဟူး ဂန္ဒီက ဒီNRC စာရင်းကြောင့် လူတွေအကြား မလုံမခြုံစိတ်တွေ အကြီးအကျယ် ပေါ်ပေါက်စေတယ်လို့ ပြောပါတယ်။

တခါ အိမ်နီးချင်း အနောက်ဘင်္ဂလားပြည်နယ်က ပြည်နယ်ဝန်ကြီးချုပ် မာမာတာ ဘနားဂျီး ကလည်း အကြီးအကျယ် ဝေဖန် ပြောဆိုခဲ့ပါတယ်။ ဒီNRC စာရင်းကြောင့် သွေးချောင်းစီးမှုကြီးတစ်ခု ဖြစ်လာလိမ့်မယ်လို့ သူက ဟောကိန်းထုတ်ခဲ့ပြီး ဒီလုပ်ဆောင်မှုဟာ ဒီမိုကရေစီစနစ်ကို မထီလေးစား ပြုလိုက်တာပဲလို့ ဆိုပါတယ်။

ဒါပေမဲ့ ဒေသခံ အိန္ဒိယ တာဝန်ရှိ ပုဂ္ဂိုလ်တွေကတော့ ဒီလုပ်ငန်းစဉ်ဟာ မွတ်ဆလင်တွေကို ပစ်မှတ်ထားတာ မဟုတ်ဘူးလို့ အခိုင်အမာ ပြောပါတယ်။ NRC စာရင်းပြုစုရေးအဖွဲ့ အကြီးအကဲ ပရာတိခ် ဟဂျီလာ က စာရင်းထဲက ပယ်ဖျက်ခံရသူတွေဟာ မတူကွဲပြားတဲ့ ဘာသာအမျိုးမျိုး၊ အုပ်စုအမျိုးမျိုးက လာတဲ့ သူတွေ ဖြစ်တယ်လို့ ဘီဘီစီ အူရဒူဌာနကို ပြောပါတယ်။

ဒေသခံတွေကတော့ NRC စာရင်း ပြင်ဆင်ထုတ်ပြန်တဲ့ လုပ်ဆောင်မှုကို အာသံပြည်နယ်က ကွဲပြားခြားနားတဲ့ လူမျိုးစု၊ ဘာသာစကားနဲ့ တိုင်းရင်းလူမျိုးနွယ် အုပ်စုတွေ ရောနှော ပါဝင်တဲ့ အာသံပြည်နယ်သား အများစုက အခိုင်အမာ ထောက်ခံကြတယ်လို့ ပြောပါတယ်။

အခုလို မတူကွဲပြားတဲ့ သူတွေ ရောနှောနေတဲ့ အာသံပြည်နယ်သားတွေအတွက် တပြေးညီ အဖြစ်ဆုံး အချက်တစ်ခုကတော့ အာသံဘာသာစကား ဖြစ်ပါတယ်။ ဘာသာရေးအရဆိုရင် အာသံပြည်နယ်မှာ အများစုဟာ ဟိန္ဒူနဲ့ မွတ်ဆလင်တွေ နေထိုင်နေကြတာပါ။

NRC လုပ်ငန်းစဉ်ကို ဒေသခံ ဟိန္ဒူတွေက အကြီးအကျယ် ထောက်ခံအားပေးပုံ ရပေမဲ့ ဒေသခံ မွတ်ဆလင်တွေကတော့ သူတို့ရဲ့ ဘာသာရေးကြောင့် သူတို့ကို ဘင်္ဂလားဒေ့ရ်ှက ဝင်လာတဲ့ နိုင်ငံခြားသားတွေအဖြစ် သတ်မှတ် ခံရမှာကို စိုးရိမ်တဲ့အတွက် သတိကြီးကြီး ထားနေပုံ တွေ့ရပါတယ်။

မွတ်ဆလင်တွေအစား ဟိန္ဒူဘာသာဝင် ရွှေ့ပြောင်းဝင်လာသူတွေကို ပိုလိုလားပုံ ပြနေတဲ့ ဟိန္ဒူ အမျိုးသားရေးဝါဒီ အစိုးရရဲ့ ပြောစကားတွေကြောင့် ကြောက်ရွံ့နေကြတာပါ။

အာသံပြည်နယ်ဟာ NRC နိုင်ငံသား အသိအမှတ်ပြု စာရင်း ထုတ်ပြန်တဲ့ တစ်ခုတည်းသော ပြည်နယ်ဖြစ်
နိုင်ငံသား အသိအမှတ်ပြု စာရင်း လုပ်ငန်းစဉ်မှာ ဘယ်လိုမျိုး ကြုံရသလဲ။

NRC စာရင်းအရ မထင်မှတ်ထားတဲ့ ရလဒ်တွေ ပေါ်ခဲ့ပြီးဖြစ်ပါတယ်။ ရဲဝန်ထမ်းဟောင်းတွေ၊ လက်ရှိ နိုင်ငံရေးခေါင်းဆောင်တွေ၊ NRC စာရင်း ပြုစုရာမှာ ပါဝင်သူတွေ အပါအဝင် အစိုးရဝန်ထမ်းတချို့တောင် ဒီ NRC နိုင်ငံသား အသိအမှတ်ပြု စာရင်းထဲမှာ သူတို့အမည် မတွေ့ခဲ့တာတွေ ရှိခဲ့ပါတယ်။

အသေးအဖွဲ စာလုံးပေါင်း အမှားအယွင်းတွေကြောင့်လည်း အထောက်အထား စာရွက်စာတမ်းတွေ ပယ်ချခံရတာတွေ ရှိခဲ့သလို တချို့ မိသားစုတွေဆိုရင် ကလေးတစ်ယောက်က စာရင်းထဲမှာ ပါပြီး နောက်တစ်ယောက်က ပါမလာတာ တွေ့ရပါတယ်။

အာသံပြည်နယ်ဟာ ရေကြီးရေလျှံလေ့ ရှိတဲ့အတွက် မိသားစု အတော်များများဟာ မကြာခဏ ဆိုသလို သူတို့ပိုင် ပစ္စည်းတွေနဲ့အတူ တရားဝင် အထောက်အထား စာရွက်စာတမ်းတွေ ပျောက်လေ့ ရှိပါတယ်။

အသိမ်းအဆည်း မတတ်တာ၊ ပညာချို့တဲ့တာ ဒါမှမဟုတ် ဥပဒေကြောင်းအရ လျှောက်ထားဖို့ ငွေကြေး မတတ်နိုင်တာတွေကြောင့် မိသားစု တချို့အနေနဲ့ အထောက်အထား စာရွက်စာတမ်းတွေ ထုတ်မပြနိုင်တဲ့အတွက် ဒီလုပ်ငန်းစဉ်ဟာ အတော်လေးကို ကသောင်းကနင်းနိုင်တာကို တွေ့ရမှာပါ။

မရေမရာ ဖြစ်နေတဲ့ စိတ်ဖိစီးမှုဒဏ်ကို မခံနိုင်တော့လို့ တချို့ဆို ကိုယ့်ကိုယ်ကိုယ် သေကြောင်းကြံတာမျိုးတွေ ရှိခဲ့တယ်လို့ ကျန်ရစ်သူ မိသားစုတွေနဲ့ အခွင့်အရေး တောင်းဆိုလှုပ်ရှားသူတွေက ပြောပါတယ်။

အရပ်သားတွေ အတွက် တရားမျှတမှုနဲ့ ငြိမ်းချမ်းရေး တောင်းဆိုလှုပ်ရှားတဲ့အဖွဲ့က ဇမ်ဆာအလီ က အာသံပြည်နယ်မှာ သေကြောင်းကြံစည်မှု ၅၁ ခု ပါတဲ့ စာရင်း တစ်ခုကို ထုတ်ပြခဲ့ပြီး ဒီသေကြောင်းကြံမှုတွေဟာ နိုင်ငံသားဖြစ်ခွင့် ဆုံးရှုံးရတော့မှာကို စိုးရိမ်မှု၊ စိတ်ဖိစီးမှုတွေနဲ့ ဆက်နွယ်နေတယ်လို့ ပြောပါတယ်။ သေကြောင်းကြံမှု အများစုဟာ နိုင်ငံသား အသိအမှတ်ပြု စာရင်း ပထမမူကြမ်း ထုတ်ပြန်ခဲ့တဲ့ ၂၀၁၈ ခုနှစ် ဇန္နဝါရီလ နောက်ပိုင်းမှာ ဖြစ်ပွားခဲ့တာလို့ ဆိုပါတယ်။

လူတွေအစုလိုက် အပြုံလိုက် နှင်ထုတ်ဖို့ ရှိသလား။

ဒါကိုတော့ အသေအချာ မသိရပါဘူး။ ဒါပေမဲ့ လောလောဆယ်တော့ ဒီလို လုပ်မယ့်ပုံ မရှိဘူးလို့ အကဲခတ်တွေက ပြောပါတယ်။

NRC စာရင်းထဲကနေ ပယ်ဖျက်ခံခဲ့ရသူတွေအနေနဲ့ နိုင်ငံသား ဖြစ်ခွင့် ချက်ချင်း ဆုံးရှုံးသွားမှာ မဟုတ်ပါဘူး။ NRC စာရင်းကနေ ပယ်ဖျက်ခံရတာကို အယူခံဝင်ဖို့ ရက်ပေါင်း ၁၂၀ ရမှာ ဖြစ်ပါတယ်။

ဝန်ကြီးချုပ် နရန်ဒရာ မိုဒီကတော့ တရားမဝင် ရွှေ့ပြောင်း ဝင်လာသူ မွတ်ဆလင်တွေကို ဘင်္ဂလားဒေ့ရ်ှနိုင်ငံကို ပြန်ပို့မယ်လို့ တသမတ်တည်း ပြောထားခဲ့တာပါ။ ဒါပေမဲ့ ဘင်္ဂလားဒေ့ရ်ှအစိုးရက ဒါကို လုံးဝ လက်ခံမယ့်ပုံ မရှိဘူးလို့ ဘီဘီစီ သတင်းထောက် ဆူတစ် ဘစ်စ်ဝါး က ပြောပါတယ်။

အဲဒီအတွက် အိန္ဒိယအစိုးရအနေနဲ့ မြန်မာနိုင်ငံက ရိုဟင်ဂျာတွေလို အလားတူ နိုင်ငံမဲ့ အုပ်စုသစ် တစ်စု ဖန်တီးလာနိုင်မယ့် ပုံ ရှိနေတယ်လို့ သူက ပြောပါတယ်။

အိန္ဒိယအစိုးရရဲ့ NRC စာရင်းဟာ ရက်စက်ကြမ်းကြုတ်မှုတွေ ကျူးလွန်ဖို့ ပူးပေါင်း ကြံစည်မှု တစ်ခု ဖြစ်တယ်လို့ အခွင့်အရေး တောင်းဆိုလှုပ်ရှားသူတွေက စွပ်စွဲနေ
အိန္ဒိယနိုင်ငံဟာ NRC စာရင်း ဒါမှမဟုတ် တရားမဝင် နယ်စပ်ဖြတ်ကျော် ဝင်ရောက်မှုတွေနဲ့ ပတ်သက်လို့ ဘင်္ဂလားဒေ့ရ်ှနိုင်ငံနဲ့ တရားဝင် သဘောတူ စာချုပ် ချုပ်ဆိုထားတာမျိုး မရှိပါဘူး။

NRC စာရင်းဟာ အိန္ဒိယနိုင်ငံရဲ့ ပြည်တွင်းရေး ကိစ္စ တစ်ခုသာ ဖြစ်ပြီး အိန္ဒိယနဲ့ ဘင်္ဂလားဒေ့ရှ် နှစ်နိုင်ငံအကြား နှစ်ဦးနှစ်ဘက် သက်ဆိုင်တဲ့ ကိစ္စရပ် မဟုတ်ဘူး ဆိုတာကို ဘင်္ဂလားဒေ့ရ်ှအစိုးရက အမြဲ ပြောထားခဲ့တယ်လို့ ဒေသတွင်း လုံခြုံရေးကိစ္စရပ် ကျွမ်းကျင်သူ ဆီရှာဒရီ ချာရီ က ပြောပါတယ်။

ဒါဟာ အိန္ဒိယအစိုးရက ပြန်ပို့ချင်နေတဲ့ တရားမဝင် ရွှေ့ပြောင်းသူတွေကို တစ်ယောက်မှ ပြန်လက်ခံမှာ မဟုတ်ဘူး ဆိုတာကို ဘင်္ဂလားဒေ့ရ်ှအစိုးရက ပြချင်တဲ့ သဘော ဖြစ်တယ်လို့ သူက ပြောပါတယ်။

အကြမ်းဖက်မှုတွေ ဖြစ်လာမှာကို စိုးရိမ်ထိတ်လန့်နေ

NRC စာရင်းမှာ မပါတဲ့ သူတွေရဲ့ လုံခြုံရေးနဲ့ ပတ်သက်လို့ စိုးရိမ်မှုတွေ ပေါ်ထွက်နေပါတယ်။

စာရင်းမှာ မပါသူတွေရဲ့ ကိုးကွယ်ရာဘာသာနဲ့ ပတ်သက်လို့ အစိုးရက ဖော်ပြတာမျိုး မရှိပေမဲ့ အများစုဟာ ဘင်္ဂါလီ ဘာသာစကားပြော မွတ်ဆလင်တွေ ဖြစ်တယ်လို့ ယူဆရပါတယ်။

တရားဥပဒေ စိုးမိုးမှုနဲ့ ငြိမ်ဝပ်ပိပြားမှု မရှိတဲ့အချက်က အကြမ်းဖက်မှု ပြဿနာတွေ ဖြစ်လာစေမယ့် အဓိက အချက်တွေ ဖြစ်ပေမဲ့ သြဂုတ်လ ၃၁ ရက်နေ့ အပြီး အခြေအနေတွေကို ကိုင်တွယ်နှိမ်နှင်းဖို့ အိန္ဒိယ အစိုးရ အနေနဲ့လည်း သေသေချာချာ ပြင်ဆင်ထားတာမျိုး မရှိဘူးလို့ ဒေသခံ သတင်းမီဒီယာတွေမှာ စွပ်စွဲ ဖော်ပြနေကြပါတယ်။

အိန္ဒိယ အစိုးရက ထိန်းသိမ်းရေး စခန်းတွေနဲ့ နိုင်ငံခြားသား တရားမဝင် ရွှေ့ပြောင်းသူတွေ ဆိုတဲ့ လူတွေရဲ့ အမှုတွေကို ကြားနာစစ်ဆေးဖို့ ခုံရုံး ရာပေါင်းများစွာ တည်ထောင်ဖို့ ရှိပြီး နိုင်ငံခြားသူတွေအဖြစ် သတ်မှတ်ခံရသူ တဦးချင်းစီရဲ့ အချက်အလက်တွေကို သိမ်းဆည်းထားနိုင်တဲ့ ဗဟို အချက်အလက်စုစည်းထားရှိရာ စနစ်တစ်ခုကိုလည်း ထားရှိမှာ ဖြစ်ပါတယ်။

ဒါပေမဲ့ အာသံပြည်နယ် အခြေစိုက် အကြီးတန်း သတင်းထောက်လည်းဖြစ်၊ လေ့လာသုံးသပ်သူ တစ်ဦးလည်းဖြစ်တဲ့ ရာဂျိဗ် ဘက်တာချရီယာ က NRC စာရင်း ထုတ်ပြန်အပြီး အာသံပြည်နယ်မှာ ရေရှည် အခြေအနေအတွက် အစီအစဉ်တွေ ရေးဆွဲဆောင်ရွက်ဖို့ လိုတယ်လို့ ပြောပါတယ်။ နိုင်ငံခြားသားတွေ အဖြစ် ထုတ်ဖော် ကြေညာထားသူတွေကို ဘင်္ဂလားဒေ့ရ်ှနိုင်ငံဘက် တကယ်တမ်း ပြန်ပို့နိုင်ဖို့က သိပ်မသေချာလှပဲ ဒီလူတွေရဲ့ အရေးကိစ္စကို ဘယ်လို ကိုင်တွယ် ဖြေရှင်းမလဲ ဆိုတာ အိန္ဒိယအစိုးရက ဘာမှ စီစဉ်ထားတာ မရှိဘူးလို့ ဆိုပါတယ်။

ဒီတော့ အပြီးသတ် စာရင်း ထွက်လာတဲ့အခါ ဘယ်လို ဖြစ်လာမလဲ။

အယူခံတွေ၊ စိန်ခေါ်မှုတွေ အားလုံးကို ရင်ဆိုင်အပြီး ထုတ်ပြန်ရမယ့် ဒီစာရင်းကြောင့် အကြမ်းဖက်မှုတွေ ဖြစ်လာစေနိုင်တယ်လို့ အာသံပြည်နယ်မှာ NRC စာရင်း အကြောင်း သတင်းယူဖို့ အာသံပြည်နယ်မှာ ရောက်နေတဲ့ ဘီဘီစီသတင်းထောက် နီတင် ဆရီဗက်စ်တာဗာ က ပြောပါတယ်။

ပိုင်ဆိုင်ထားတဲ့ မြေတွေ၊ မဲပေးခွင့်တွေ၊ လွတ်လပ်ခွင့်တွေ ဆုံးရှုံးမှာကို စိုးရိမ်လာကြတဲ့အခါ အကြမ်းဖက်မှုတွေ လုပ်လာနိုင်တယ်လို့ သူက ပြောပါတယ်။

BBC Burmese
https://www.bbc.com

ဘန်ကောက်က စားသောက်ဆိုင်ပိုင်ရှင် သတ်မှု ဖမ်းမိမြန်မာလုပ်သားတွေဖြောင့်ချက်ပေးလို့ ထိုင်းရဲကပြော

ဘန်ကောက်မြို့၊ရမ်ခမ်ဟင် ၃၉ လမ်း ဧရိယာ
ထိုင်းနိုင်ငံ၊ဘန်ကောက်မြို့၊ရမ်ခမ်ဟင် ၃၉ လမ်း၊တရုတ်စားသောက်ဆိုင်ပိုင်ရှင်ကို သတ်မှုနဲ့ ထွက်ပြေးနေတဲ့မြန်မာလုပ်သားတွေကိုရဲကဖမ်းမိသွားပြီလို့ ဘန်ကောက်ဝမ်ထောင်လန်မက်ထရိုပိုလီတန်ရဲတပ်ဖွဲ့က ဘီဘီစီကိုအတည်ပြုပြောပါတယ်။

အဲဒီဆိုင်ကထွက်ပြေးသွားတဲ့မြန်မာနိုင်ငံသားအလုပ်သမားတွေဟာ အမျိုးသမီးသုံးယောက်နဲ့ အမျိုးသား လေးယောက်ဖြစ်ပါတယ်။

အဲဒီအထဲကအမျိုးသားသုံးယောက်ဟာသူတို့သတ်တာလို့ဖြောင့်ချက်ပေးကြောင်း၊ဝမ်ထောင်လန်မက်ထရိုပိုလီတန် ရဲမှူးကြီး ဝေါရဖုန်ကပြောပါတယ်။

ဒီဆိုင်ကထွက်ပြေးသွားတဲ့အားလုံးကိုဖမ်းမိတယ်။ဒါပေမယ့်အမျိုးသားသုံးယောက်က၊ဆိုင်ရှင်ဟာသူတို့ကိုနေ့တိုင်းဆဲဆိုဆူပူတာမခံနိုင်လို့သတ်လိုက်တာဆိုပြီးဖြောင့်ချက်ပေးတယ်၊ဒါကြောင့်သူတို့ကိုထောင်ချုပ်ကိုပို့ထားပြီး၊တရားရုံတင်သွားမှာဖြစ်တယ်၊ အမှုအနေအထားအရအမြင့်ဆုံးသေဒဏ်အထိကျခံရနိုင်တယ်လို့ရဲမှူးကြီး ဝေါရဖုန်ကပြောပါတယ်။

ထိုင်းမှာအလုပ်လုပ်နေတဲ့ မြန်မာလုပ်သားသန်းချီရှိပါတယ်။
ဆိုင်ဝန်ထမ်း အမျိုးသမီး သုံး ယောက်နဲ့အခြားအမျိုးသား တစ်ယောက်ဟာကြောက်ပြီးထွက်ပြေးသွားတယ်လို့လည်းသိရပါတယ်။ တကယ်သူတို့အမှုမှာပါဝင်ပတ်သက်မှုမရှိရင်တော့၊လိုအပ်တဲ့စစ်ဆေးမှုတွေပြီးရင်ပြန်လွှတ်မယ်လို့သိရပါတယ်။

ပြီးခဲ့တဲ့သြဂုတ်လ၂၉ရက်နေ့ညမှာ အလုပ်သမားတွေဟာ အရက်သောက်ရင်းဆိုင်ရှင်နဲ့ရန်ဖြစ်ကြတယ်လို့ရဲတွေကစစ်ဆေးတွေ့ရှိ ရတယ်လို့ဆိုပါတယ်။

မူလပိုင်ရှင်ဆီကနေလုပ်ငန်းကိုစက်တင်ဘာလ ၁ ရက်နေ့ကစပြီးလွှဲပြောင်းယူဖို့အခုသြဂုတ်လ ၂၀ ရက်နေ့ကထဲကဒီစားသောက်ဆိုင်ကိုရောက်လာတဲ့ပိုင်ရှင်အသစ်တရုတ်နိုင်ငံသား ချန်ယီဟိုင်းဆိုသူဖြစ်ပါတယ်။

သေဆုံးသူခေါင်းမှာဒါဏ်ရာတွေရထားပြီး၊အလောင်းအနားမှာသွေးစွန်နေတဲ့ပုလင်းကွဲ ၊သံတုတ်တွေကိုတွေ့ရပြီး၊လည်းပင်းပြတ်ရှဒါဏ်ရာနဲ့သွေးစွန်းနေတဲ့ဓါးတွေကိုသိမ်းဆည်းရမိ တယ်လို့ ဝမ်ထောင်လန်အမှုစစ်ရဲတွေကပြောပါတယ်။

BBC Burmese
https://www.bbc.com
 

လာရှိုး-သိန္နီ အဝေးပြေးလမ်းပေါ် ကားအချို့မီးလောင်

သြဂုတ်လ ၁၅ ရက်တုန်းက ပြင်ဦးလွင်နဲ့ နောင်ချိုကို မြောက်ပိုင်းမဟာမိတ်တပ်ဖွဲ့တွေ ၀င်ရောက်တိုက်ခိုက်တာတွေလုပ်ခဲ့စဉ်
ရှမ်းပြည်နယ်မြောက်ပိုင်း လာရှိုးနဲ့ သိန္နီအကြား ပြည်ထောင်စုလမ်းမကြီးပေါ်မှာ ခရီးသည်တင် ကားနဲ့ အိမ်စီးကားတွေ နှစ်ရက်ဆက်တိုက်ဆိုသလို မီးရှို့ဖျက်စီးခံနေရပါတယ်။ အဲဒီ ဒေသအနီးအနားမှာ မြန်မာစစ်တပ်နဲ့ မြောက်ပိုင်းမဟာမိတ် တိုင်းရင်းသားလက်နက်ကိုင်တပ်ဖွဲ့တွေအကြား တိုက်ပွဲတွေရှိနေတာမို့၊ ဒေသတွင်း သွားလာရေးအတွက်ပါ စိုးရိမ်နေကြရပါတယ်။

ဗွီအိုအေ သတင်းထောက် ကိုကောင်းစံ စုံစမ်းမေးမြန်းထားပါတယ်။

ဒီကနေ့ မနက်ပိုင်းက ရှမ်းပြည်နယ်မြောက်ပိုင်း လာရှိုးနဲ့ သိန္နီအကြား ပြည်ထောင်စုလမ်းမကြီးပေါ်မှာ ခရီးသည်တင်ကား အပါအ၀င် ကား၃စီးနဲ့ ဆိုင်ကယ်၁စီး မီးရှို့ခံရတယ်လို့ တပ်မတော် သတင်းမှန်ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ်ဇော်မင်းထွန်းက ပြောပါတယ်။ တဖက် တိုင်းရင်းသားလက်နက်ကိုင်တွေဖက်က လုပ်ရပ်ဖြစ်တယ်လို့ မြန်မာစစ်တပ်ဖက်ကတော့ စွပ်စွဲထားပါတယ်။

“ရှမ်းမြောက်မှာကလည်း ရေပူစစ်ဆေးရေးရဲ့တောင်ဘက် မီတာ တစ်သောင်းလောက်မှာ Express ကားတစ်စီးရယ်၊ Hi Jet တစ်စီးရယ်၊ Saloon ကားလို တစ်စီးရယ် ၊ ဆိုင်ကယ်တစ်စီးရယ်ကို မီးရှို့သွားတာရှိတယ် မနက်၆နာရီခွဲလောက်က၊ကျန်ာတို့ သတင်းထုတ်ပြန်မှာပါ။”

မနေ့ကလည်း ကွတ်ခိုင်-နမ့်ဖတ်ကာ လမ်းပိုင်းမှာ ကုန်တင်ကား တစ်စီး မီးရှို့ဖျက်စီးခံ ခဲ့ရပါသေးတယ်။၂ရက်ဆက်တိုက် ပြည်ထောင်စု လမ်းမပေါ်မှာ မီးရှီု့ဖျက်စီးခံရတာတွေနဲ့ ပက်သက်ပြီး TNLA ပြောရေးဆိုခွင့်ရှိသူ ဗိုလ်မှူးမိုင်း အိုက်ကျော် ကတော့ ဒီကနေ့ မီးရှို့တာဟာ ဘယ်လက်နက်ကိုင် အဖွဲ့အစည်းကလဲဆိုတာတော့ မသိရသေးဘမဲ့ မနေ့ကတော့ တိုက်ပွားဖြစ်ရင်း ကုန်တင်ကားကို လက်နက်ကြီးကျသွားတာဖြစ်တယ်လို့ အခုလို ပြောပါတယ်။

“မနေ့ကတော့ ရှု့ခင်းသာလမ်းမှာတိုက်ပွဲဖြစ်တယ်။ အဲဒီတိုက်ပွဲအတွင်း လက်နက်ကြီးထိမှန်လို့ မီးလောင်သွားတာ ဖြစ်တယ်။ ဒီနေ့ကတော့ တကယ်ဖြစ်လားမဖြစ်လားဆိုတာ ကျနော်တို့လည်း မသိရသေးဘူး။”

မြောက်ပိုင်းမဟာမိတ်အဖွဲ့တွေဖြစ်တဲ့TNLA တအန်း(ပလောင်)၊ MNDAA ကိုးကန့်နဲ့ AA ရခိုင်အဖွဲ့တွေ အနေနဲ့ ခရီးသည်တွေ အသက်အန္တာရယ် မရှိစေရေးဆိုပြီး ရှမ်းပြည်နယ်မြောက်ပိုင်းက တိုက်ပွဲဖြစ်တဲ့ နေရာတွေကို မလာကြဖို့ သတိပေးချက်တွေ ထုတ်ပြန်ပီး အခုလိုတွေ ဖြစ်ပွားနေတာပါ။ မြန်မာစစ်တပ်ဟာ အရပ်ဖက် ကားတွေ၊ အရပ်သား ခရီးသည်တင်ယာဉ်တွေကိုသုံးပြီး စစ်လက်နက်ခဲယမ်းတွေကို သယ်ပို့ နေတယ်လို့လည်း မြောက်ပိုင်းမဟာမိတ်အဖွဲ့တွေက စွပ်စွဲထားပါတယ်။

ဒီလ သြဂုတ်လလယ်ပိုင်း ပြင်ဦးလွင်နဲ့ နောင်ချိုကို မြောက်ပိုင်းမဟာမိတ်တပ်ဖွဲ့တွေ ၀င်ရောက်တိုက်ခိုက်တာတွေလုပ်ခဲ့တဲ့နောက်၊ နှစ်ဖက် အပြန်အလှန်တိုက်ပွဲတွေဖြစ်ပြီး ရှမ်းပြည်မြောက်ပိုင်းမှာ မတည်မငြိမ်မှုတွေ ပိုတိုးလာနေပါတယ်။ ဒေသတွင်း သွားရေးလာရေး ခက်ခဲနေတာကြောင့် တရုတ်-နယ်စပ် ကုန်သွယ်ရေးကိုပါ ထိခိုက်မှုတွေရှိလာပါတယ်။ အရပ်သားမော်တော်ယာဉ်တွေ တိုက်ခိုက်ခဲ့ရသလို၊ လူထိခိုက်သေဆုံးမှုတွေလည်း ရှိခဲ့ပါတယ်။

ဒီလို နှစ်ဖက် စစ်ရေးတင်းမာနေတာကို အပစ်အခတ်ရပ်စဲနိုင်ဖို့ ကြိုးပမ်းမှုတရပ်အနေနဲ့ အစိုးရငြိမ်းချမ်းရေးကိုယ်စားလှယ်တွေနဲ့ မြောက်ပိုင်းမဟာမိတ်တပ်ဖွဲ့တွေအကြား အခုလာမယ့် စနေမှာတော့ ရှမ်းပြည်မြောက်ပိုင်း ကျိုင်းတုံမြို့မှာ တွေ့ဆုံညှိုနှိုင်းဖို့ရှိနေပါတယ်။ မြောက်ပိုင်းမဟာမိတ်တပ်တွေဖက်က ကိုယ်စားလှယ်အချို့ အဲဒီ ဆွေးနွေးပွဲအတွက် ထွက်ခွာသွားပြီလို့ TNLA ဖက်က အတည်ပြုပါတယ်။ နှစ်ဖက် ဆွေးနွေးညှိုနှိုင်းမှုတွေဖြစ်လာဖို့ အိမ်နီးချင်းတရုတ်နိုင်ငံဖက်ကလည်း တစုံတရာ ဖိအားပေးပုံရပါတယ်။

မကြာသေးခင်ကပဲ မြောက်ပိုင်းမဟာမိတ်အဖွဲ့တွေကို တရုတ်အစိုးရက ခေါ်ယူပြီး တရုတ်- မြန်မာနယ်စပ် တည်ငြိမ်အေးချမ်းရေးအတွက် သူတို့သဘောထားကို ပြောဆိုခဲ့ပါတယ်။ ဒါ့အပြင် မြန်မာအတိုင်ပင်ခံရုံးဝန်ကြီး ဦးကျော်တင်ဆွေနဲ့ တရုတ်နိုင်ငံခြားရေးဝန်ကြီးတို့ တရုတ်နိုင်ငံမှာ တွေ့ဆုံစဉ်တုန်းကလည်း ရှမ်းပြည်မြောက်ပိုင်းက တိုက်ပွဲတွေနဲ့ပတ်သက်လို့ တရုတ်နိုင်ငံရဲ့စိုးရိမ်ချက်နဲ့၊ အဲဒီဒေသ တည်ငြိမ်အေးချမ်းရေးဆောင်ရွက်ဖို့ လိုလားချက်တွေကိုလည်း ပြောဆိုခဲ့ပါတယ်။ အခု သြဂုတ်လအတွင်း ဖြစ်လာတဲ့ ရှမ်းပြည်မြောက်ပိုင်း တိုက်ပွဲတွေကြောင့်လည်း တရုတ်- မြန်မာ နှစ်နိုင်ငံ ကုန်သွယ်ရေးဟာ နေ့စဉ် ကျပ် သန်းထောင်ချီ ဆုံးရှုံးတာတွေဖြစ်နေတယ်လို့လည်း ကုန်သွယ်ရေးဝန်ကြီးဌာနဖက်က ထုတ်ပြန်ထားပါတယ်။

 ကောင်းစံ / ဗွီအိုအေ (မြန်မာပိုင်း)
https://burmese.voanews.com

ရခိုင် ပုဏ္ဏားကျွန်းမှာ ကုန်တင်ကား ၃ စီး မီးရှို့ခံရ


ပုဏ္ဏားကျွန်းမြို့နယ် ရန်ကုန်စစ်တွေ ကားလမ်းပေါ်မှာ သြဂုတ်လ ၂၉ ရက်ညပိုင်းမှာ ကုန်တင်ကား သုံး စီး မီးရှို့ဖျက်စီး ခံရတယ်လို့ တပ်မတော်ဘက်ကရော ဒေသခံတွေကပါ ပြောဆိုပါတယ်။ မြန်မာစစ်တပ်ကနေ အရပ်သားကားကို သုံး ပြီး စစ်ပစ္စည်းတွေ တင်ဆောင်လာလို့ ရခိုင်လက်နက်ကိုင် AA အဖွဲ့က စစ်ဆေးဖို့ကြိုးစားရာမှာ မီးရှို့ထွက်ပြေးသွား တယ်လို့ AA တာဝန်ရှိသူတွေကပြောပါတယ်။ ရခိုင်ဒေသဘက်မှာ မြန်မာစစ်တပ်ကရော ရခိုင်လက်နက်ကိုင် AA အဖွဲ့ကပါ ရိက္ခာတင်တာနဲ့ ကားသွားလာခွင့်ကို ပိတ်ပင်နေတဲ့ အခြေအနေမှာ ရှိနေတယ်လို့လည်း ဒေသခံလွှတ်တော် ကိုယ်စားလှယ်တွေက ပြောပါတယ်။ VOA သတင်းထောက်နိုင်ကွန်းအိန် ဆက်သွယ်မေးမြန်း သတင်းပေးပို့ထားပါတယ်။

ရခိုင်ပြည်နယ် ပုဏ္ဏားကျွန်းမြို့နယ် ယိုးတရုတ်နဲ့ သဲတောရွာအကြား ကားလမ်းပေါ်မှာ ကုန်တင်ကား သုံး စီး မီးရှို့ဖျက်စီးခံရတဲ့ဖြစ်စဉ်နဲ့ ပတ်သက်လို့ တပ်မတော်သတင်းမှန် ပြန်ကြားရေးအတွင်းရေးမှူး ဗိုလ်မှူးချုပ်ဇော်မင်းထွန်းက အခုလိုပြောပါတယ်။

“ကုန်တင်ကား မီးရှိုခံရတယ်လို့ကြားတယ်။ မနေ့ကညကဆိုတော့ အကြမ်းဖျင်း သိရတယ်။ ဘာရည်ရွယ်ချက်လည်းဆိုတော့ ခြိမ်းခြောက်တဲ့ဟာပဲ ဖြစ်မှာပေါ့။ပြည်သူလူထု ကြောက်အောင်လန့်အောင်နဲ့ လမ်းပန်းဆက်သွယ်မှု အနှောက်အယှက် ဖြစ်နေတဲ့အပေါ် လင်းမြွေတောင် ကိစ္စနဲ့ပတ်သက်နေတဲ့ဟာ ယိုးတရုတ်ရဲ့ တဘက်လောက်မှာပဲ ဖြစ်တာ။ လင်းမြွေတောင်က ဟိုကဆုတ်သွားတဲ့အဖွဲ့တွေပဲ ဖြစ်နိုင်တယ်။”

အလားတူ ရှမ်းပြည်နယ်မြောက်ပိုင်းလားရှိုး-သိန်းနီကြား ကား သုံး စီး၊ ဆိုင်ကယ် တ စီး ကို မြောက်ပိုင်းမဟာမိတ်အဖွဲ့တွေကနေ ဒီမနက်မှာ မီးရှို့ဖျက်စီးခဲ့ပြီး ရခိုင်နဲ့ ရှမ်းပြည်နယ်အတွင်း ကားမီးရှို့ခံရတဲ့ဖြစ်စဉ်ကို တပ်မတော်ကနေ သတင်း ထုတ်ပြန်သွားမယ်လို့လည်း ဗိုလ်မှူးချုပ်ဇော်မင်းထွန်းက ပြောပါတယ်။

သြဂုတ်လ ၂၈ ရက်မနက်ပိုင်းမှာ ကျောက်တော်နဲ့ မြောက်ဦးနယ်စပ် မြန်မာစစ်တပ်ရဲ့ အထိုင်ချထားတဲ့ လင်းမြွေ တောင်တပ်စခန်းကို ရခိုင်လက်နက်ကိုင် AA အဖွဲ့ကနေ ၀င်ရောက်တိုက်ခိုက်ခဲ့ပြီး ဒီတိုက်ပွဲတွေမှာ နှစ်ဘက် ထိခိုက်မှုတွေ ရှိနေခဲ့တာပါ။

ဒီတိုက်ပွဲအတွင်း အကျဆုံးတွေကိုတော့ နှစ်ဘက်ပြောဆိုနေကြပေမဲ့ သီးခြား အတည်မပြုနိုင်ခဲ့ပါဘူး။ ဒါ့အပြင် ရန်ကုန် စစ်တွေ ကားလမ်းကိုလည်း နှစ်ဘက် တပ်တွေက ကားသွားလာခွင့်ကို ပိတ်ပင်ထားခဲ့ပါတယ်။ မျက်မြင်သဲတော ဒေသခံတဦးကတော့ ကုန်တင်ကားမှာ စားနပ်ရိက္ခာတွေပါလို့ မီးရှို့ခဲ့တယ်လို့ ယူဆရကြောင်း အခုလိုပြောပါတယ်။

“ကုန်တင်ကား သုံး စီးကို မီးတိုက်ပလိုက်တယ်။ အခုကပြောပုံကဆိုရင် တပ်မတော်ကို ရိက္ခာတွေဘာတွေ သွားပို့ဘာညာ လုပ်နေလည်းမသိဘူး။ အဲဒီလို ဖြစ်နေရင်ဖြစ်မှာပါ။ စစ်ဆင်ရေးပစ္စည်းပါတယ်လို့ ပြောတယ်။

ရခိုင်လက်နက်ကိုင် AA အဖွဲ့ ပြန်ကြားရေး တာဝန်ခံခိုင်သုခကတော့ မြန်မာစစ်တပ်ကနေ အရပ်သားကားကိုသုံးပြီး စစ်ပစ္စည်းတွေ တင်ဆောင်လာလို့ AA အဖွဲ့တွေကနေ စစ်ဆေးခဲ့ကြောင်း အခုလိုပြောပါတယ်။

“အဲဒီကားတွေကတော့ ဗမာစစ်တပ်တွေကနေပြီးတော့ အရပ်သားကားတွေကို သုံးပြီးတော့မှ သူတို့ဒီထောက်ပို့ ပစ္စည်းတွေ ပြောင်းတာဗျ။ ကျနော်တို့ဘက်က စစ်ဆေးဖို့အတွက် ရပ်ခိုင်းတဲ့ အချိန်မှာ သူတို့က ကားပေါ်ကနေဆင်းပြီး တော့ပြေးသွားတယ်ပေါ့။ သူတို့ကား သူတို့ မီးရှို့ပြီးတော့ ပြေးသွားတယ်လို့ထင်ပါတယ်။ သိရတာကတော့ အဲဒီကားတွေမှာ မီးလောင်နိုင်တဲ့ ပစ္စည်းတွေ စစ်လက်နက် ပစ္စည်းတွေလည်း ပါကောင်းပါနိုင်တယ်ပေါ့။ ကားကိုတော့ သူတို့မီးရှို့ ဖျက်စီး ပြီးတော့ ပြေးတာဆိုတော့ ဘာတွေပါမှန်းလည်း ကျနော်တို့လည်း မသိဘူးဗျ။ ထွက်ပြေးသွားတာတော့ ဗမာစစ်သားတွေ။ စစ်သားတွေ ထွက်ပြေးသွားတာတော့ ကျနော်တို့ တွေ့လိုက်ရတာပေါ့။”

ပုဏ္ဏားကျွန်းမြို့နယ်မဲဆန္ဒနယ်က အမျိုးသားလွှတ်တော်ကိုယ်စားလှယ်ဦးခင်မောင်လတ်ကတော့ လင်းမြွေတောင် တိုက်ပွဲဖြစ်စဉ်အပြီး ဒီရက်ပိုင်းတွေမှာ မြန်မာစစ်တပ်ကရော ရခိုင်လက်နက်ကိုင် AA အဖွဲ့ကပါ ရိက္ခာတင်တာနဲ့ ကား သွားလာခွင့်ကို ပိတ်ပင်ထားတယ်လို့ ဆိုပါတယ်။

“နှစ်ဘက်စလုံးကပဲ တားတာရှိတယ်ဆိုတော့ ဘယ်သူလုပ်ပြီးတော့ ဘယ်သူမှ မပြောတတ်ဘူး။ အခုက အဲဒီရိက္ခာတို့ ဘာတို့က နှစ်ဘက်စလုံးက ပိတ်နေကြတာကိုး။ ကား မသွားရဆိုတော့ အကုန်လုံး လူထုကကြားမှာ ညှပ်ပါသွားတာပဲလေ။"

ဒီရက်ပိုင်းအတွင်း မြန်မာစစ်တပ်နဲ့ AA အဖွဲ့တို့ တိုက်ပွဲတွေ ပြင်းထန်းစွာ ဖြစ်ပွားနေသလို အရပ်သားတွေလည်း သေကြေ ထိခိုက်မှုတွေ များနေပါတယ်။

သြဂုတ်လ ၂၈ ရက်နဲ့ ၂၉ ရက်နေ့ ဘူးသီးတောင်မြို့နယ် ဆင်သေပြင် ရွာဘက်မှာ ဖြစ်ပွားခဲ့တဲ့ တိုက်ပွဲတွေမှာ အရပ်သားတွေ ထိခိုက်မှုရှိခဲ့တယ်လို့ ဆင်သေပြင်ရွာသား တဦးက ပြောပါတယ်။

“ဘူးသီးတောင်မြို့နယ် စံဂိုးထောင်အုပ်စုမှာပေါ့လေ။ တပ်ကနေ လက်နက်ကြီးတိုက်လို့ ဥယာဉ်သာရွာမှာ ဦးလှမောင်သာဆိုတဲ့ လူရဲ့ နေအိမ်တလုံး မီးလောင်သွားတယ်။ ဆင်သေပြင်ဆိုတဲ့ ဘင်္ဂလီရွာမှာ အမျိုးသမီး နှစ်ဦး လက်နက်ကြီး ကျည်ထိ တယ်။ နောက်ပြီးတော့ ၂၈ ရက်နေ့ကပေါ့လေ အဲဒီထိပ်တူးပေါက်ရွာမှာ ဘင်္ဂလီတယောက်ကို ပစ်သတ်ခံရတယ်ဆိုပြီးမှ သတင်းတွေကြားပါတယ်။”

အမျိုးသမီးတွေ လက်နက်ကြီး ထိမှန်ပြီး ထိပ်တူးပေါက်ရွာသား တဦး သေဆုံးခဲ့တဲ့အကြောင်း ထိပ်တူးပေါက်ရွာသား တဦးကလည်း အတည်ပြုပြောဆိုခဲ့ပါတယ်။

တပ်မတော် သတင်းထုတ်ပြန်ရေး အဖွဲ့ကတော့ ဘူးသီးတောင်မြို့နယ်မှာ တိုက်ပွဲဖြစ်ပွားတာ မရှိဘူးလို့ ပြောပါတယ်။

ပြီးခဲ့တဲ့ သြဂုတ်လ ၂၄ ရက်နေ့ကလည်း မင်းပြားမြို့နယ်အတွင်း ပန်းမြောင်းကျေးရွာအပေါ် လက်နက်ကြီးကျရောက် ပေါက်ကွဲခဲ့လို့ ကျောင်းနေအရွယ်ကလေး သုံး ဦး သေဆုံးပြီး လူကြီးတချို့ ဒဏ်ရာ ရရှိသွားခဲ့ပါတယ်။ ဒီပစ်ခတ်မှုနဲ့ ပတ်သတ်လို့ မြန်မာစစ်တပ်က ရခိုင်လက်နက်ကိုင်အဖွဲ့ကို စွပ်စွဲထားပြီး ရခိုင်လက်နက်ကိုင် AA အဖွဲ့က ငြင်းဆိုထားပါတယ်။

လက်ရှိ ရခိုင်ပြည်နယ် မြောက်ပိုင်းဒေသနဲ့ ရှမ်းပြည်နယ် မြောက်ပိုင်းဘက်မှာ မြန်မာစစ်တပ်နဲ့ မြောက်ပိုင်းမဟာမိတ် အဖွဲ့ ရခိုင်လက်နက်ကိုင် AA တအာင်းပလောင်အဖွဲ့ TNLA ကိုးကန့်အဖွဲ့တို့အကြား တိုက်ပွဲပြင်းထန်စွာ ဖြစ်ပွားနေဆဲ ဖြစ်ပါတယ်။

တိုက်ပွဲတွေ အဆုံးသတ်နိုင်ဖို့ လာမယ့် သြဂုတ်လ ၃၁ ရက်နေ့မှာ ရှမ်းပြည်နယ်ကျိုင်းတုန်မြို့မှာ ပြုလုပ်မယ့် ငြိမ်းချမ်းရေး ဆွေးနွေးပွဲမှာ တရုတ်နိုင်ငံအစိုးရကနေ လုံခြုံရေးအရ အာမခံချက်ပေးထားတဲ့အတွက် မြောက်ပိုင်းမဟာမိတ်အဖွဲ့တွေ တက်ရောက်သွားဖို့ရှိတယ်လို့ AA ပြန်ကြားရေး တာဝန်ခံခိုင်သုခက ပြောဆိုခဲ့ပါတယ်။

ကိုနိုင်ကွန်းအိန် / ဗွီအိုအေ (မြန်မာပိုင်း)
https://burmese.voanews.com

ဧရာဝတီသတင်းထောက်ကို ငပလီက ဟိုတယ် တရားစွဲ

Irrawaddy သတင်းဌာနရဲ့ အကြီးတန်းသတင်းထောက် ကိုမိုးမြင့်ကို တွေ့ရစဉ်
ရခိုင်ပြည်နယ်၊ တောင်ပိုင်း သံတွဲမြို့ ငပလီကမ်းခြေမှာရှိတဲ့ Amara Ocean Resort  ဟိုတယ်အကြောင်း ရေးသားတဲ့ သတင်းတွေနဲ့ပတ်သက်ပြီး Irrawaddy သတင်းဌာနရဲ့ အကြီးတန်းသတင်းထောက် ကိုမိုးမြင့်ကို ဟိုတယ်ပိုင်ရှင် က၂၀၁၈ ခုနှစ်ကတည်းက ဆက်သွယ်ရေးဥပဒေပုဒ်မ ၆၆(ဃ)နဲ့ အမှုဖွင့်ထားပါတယ်။

အဲဒီအမှုအတွက် ဆက်သွယ်ရေးဝန်ကြီးဌာနရဲ့ အကြောင်းပြန်စာ ပြန်လည်ရရှိတဲ့အတွက် ဒီကနေ့မှာ ကျောက်တံတားမြို့နယ် ရဲစခန်းက မြို့နယ်တရားရုံးကို အမှုစွဲဆိုတင်ပို့ခဲ့ပြီး တရားရုံးက သိန်း ၃၀ နဲ့ အာမခံပေးလိုက်ပါတယ်။

သတင်းထောက် ကိုမိုးမြင့်ဟာ - Amara Ocean Resort ရဲ့ ရင်းနှီးမြှုပ်နှံမှု အရှုပ်အရှင်း နောက်ကြောင်းကိစ္စတွေနဲ့ ပတ်သက်ပြီး ၂၀၁၈ ခုနှစ် ဧပြီလမှာ "ငပလီရှိ Amara Ocean Resort ပိုင်ရှင်ကို တရားစွဲရန် ဂျာမန် စီးပွားရေး သမားတစ်ဦး ကြိုးပမ်း" ဆိုတဲ့ခေါင်းစဉ်နဲ့ သတင်းစုံစမ်းရေးသားခဲ့သလို မေလမှာလည်း "ငပလီက ဟိုတယ်အငြင်း ပွားမှု သမ္မတရုံးဝင်ပါ" ဆိုတဲ့ သတင်းဆောင်းပါး၊ ဇွန်လမှာ "ငပလီက အပြင်းပွား အမရာဟိုတယ်ကို ရဲတပ်ဖွဲ့က စတင်စစ်ဆေး" ဆိုတဲ့ သတင်းဆောင်းပါးတွေကို ရေးသားခဲ့လို့ အခုလို တရားစွဲခံရတာဖြစ်တယ်လို့ ကိုမိုးမြင့်က RFA ကို ပြောပါတယ်။

ဂျာမန်စီးပွားရေးလုပ်ငန်းတစ်ခုနဲ့ ရင်းနှီးမြှုပ်နှံမှုလုပ်ငန်းတွေကို အကျိုးတူပူးပေါင်းဆောင်းရွက်ခဲ့တဲ့ အမရာ Amara Ocean Resort ဟိုတယ်လုပ်ငန်းရဲ့ လက်ရှိပိုင်ရှင်ဖြစ်သူကို ဂျာမန်စီးပွားရေးသမားတစ်ဦးက ယုံကြည်အပ်နှံဖောက် ဖျက်မှုနဲ့ မင်္ဂလာဒုံမြို့နယ် ရဲစခန်းမှာ အမှုဖွင့်ထားတဲ့ အခြေအနေတွေရဲ့ နောက်ဆက်တွဲ အကြောင်းအရာတွေကို စုံစမ်းဖော်ထုတ်ရေးသားခဲ့တာဖြစ်တယ်လို့ ကိုမိုးမြင့်က ပြောပါတယ်။

ပုဒ်မ ၆၆(ဃ) အမှုကို စတင်စစ်ဆေးဖို့ ကျောက်တံတားမြို့နယ် တရားရုံးက စက်တင်ဘာလ ၁၀ ရက်နေ့ကို ချိန်းဆိုလိုက်ပြီး အဲဒီနေ့ရုံးချိန်းမှာ တရားလိုဖြစ်တဲ့ Amara Ocean Resort ဟိုတယ်ဘက်ကို ခေါ်ယူမေးမြန်းတာတွေ လုပ်ဆောင်သွားမယ်လို့ ကိုမိုးမြင့်က ပြောပါတယ်။

RFA Burmese
https://www.rfa.org

နေရပ်မပြန်ဖို့ တားဆီးပိတ်ပင်တာတွေ ရှိတယ်လို့ ၀န်ကြီး ဒေါက်တာဝင်းမြတ်အေးပြော

နေရပ်ပြန်လာမယ့် ဒုက္ခသည်တွေကို လက်ခံမယ့် တောင်ပြိုလက်ဝဲနယ်စပ်ဂိတ်ကို တွေ့ရစဉ်
ဘင်္ဂလားဒေ့ရ်ှနိုင်ငံကိုရောက်နေတဲ့ ဒုက္ခသည်တွေထဲမှာ ပြန်လာချင်သူတွေရှိပေမယ့် စခန်းတာဝန်ရှိသူတွေက မပြန်ဖို့ တားဆီးတာတွေရှိသလို ARSA လို အကြမ်းဖက် အဖွဲ့အစည်းတွေကလည်း တားဆီးပိတ်ပင် လွှမ်းမိုးတာတွေ ရှိတယ်လို့ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာ ၀င်းမြတ်အေးက ဒီနေ့ ပြောပါတယ်။

သြဂုတ်လ ၂၂ ရက်နေ့က ပြန်လည်လက်ခံရေးတွေ ဆောင်ရွက်ဖို့ စီစဉ်ထားပေမယ့် ပြန်လာတဲ့သူ မရှိတဲ့အပေါ် ဒီနေ့ အမျိုးသားလွှတ်တော်ကို တက်ရောက်လာတဲ့ ၀န်ကြီး ဒေါက်တာ ၀င်းမြတ်အေးကို သတင်းထောက်တွေက မေးမြန်းခဲ့ရာမှာ အဲဒီလိုပြောကြားခဲ့တာပါ။

မြန်မာအစိုးရ နိုင်ငံခြားရေး ၀န်ကြီးဌာနက သြဂုတ်လ ၂၂ ရက်နေ့က  ပြန်လည်လက်ခံရေးတွေ  ဆောင်ရွက်ဖို့ တရားဝင် ထုတ်ပြန်ထားခဲ့ပေမယ့် ပြန်လာတဲ့သူတွေ မရှိသေးတာဟာ အဲဒီလို တားဆီးမူတွေကြောင့်လည်း ပါဝင်တယ်လို့ သိရပါတယ်။

တဆက်တည်းမှာပဲ ၀န်ကြီးက နှစ်နိုင်ငံ သဘောတူညီချက်ထဲမှာ မိမိရဲ့ ဆန္ဒအလျောက်သာ ပြန်နိုင်တယ်ဆိုတဲ့ စကားလုံးကို ထည့်သွင်းထားတဲ့အတွက် တကယ်ပြန်ဖို့ ဆန္ဒရှိသလားဆိုတာကို ဘင်္ဂလားဒေ့ရ်ှဘက်က အာဏာပိုင်တွေက စာရင်းကောက်ယူရမှာဖြစ်ပေမယ့် အဲဒီအပိုင်းမှာ လိုအပ်ချက်ရှိခဲ့တယ်လို့ ပြောပါတယ်။

နေရပ်စွန့်ခွာသူတွေကို ပြန်လည်လက်ခံဖို့ စခန်း နှစ်ခုနဲ့ ကြားစခန်းတစ်ခုကို မြန်မာအစိုးရက စီစဉ်ထားတယ်လို့ ၀န်ကြီး ဒေါက်တာ ၀င်းမြတ်အေးက ပြောပါတယ်။

ဘင်္ဂလားဒေ့ရ်ှနိုင်ငံ ၀န်ကြီး အဘူမိုမင်က အစိုးရအနေနဲ့ ဒုက္ခသည်တွေ နေရပ်ပြန်ကြဖို့ အတင်းအဓမ္မ မဆောင်ရွက် ခဲ့ကြောင်း၊ မိမိတို့ဘက်က ချို့ယွင်းချက် မရှိအောင် လိုအပ်သမျှ အသင့်ပြင်ဆင်ထားခဲ့ကြောင်း၊ မြန်မာဘက်ကလည်း ဒုက္ခသည်တွေနဲ့ ယုံကြည်မှု တည်ဆောက်ရေး ဆောင်ရွက်ရမှာဖြစ်ကြောင်း၊ လုပ်ငန်းစဉ်နဲ့ ပတ်သက်လို့ အကောင်းမြင်ပါကြောင်း ဒုက္ခသည်တွေ အရေးနဲ့ပတ်သက်ပြီး ပြောခဲ့တာရှိပါတယ်။

ဘင်္ဂလားဒေ့ရ်ှရောက် မွတ်စလင်ဒုက္ခသည်တွေ ပထမအကြိမ် နေရပ်ပြန်ရေး မအောင်မြင်ခဲ့သလို၊ သြဂုတ်လ ၂၂ ရက်နေ့ ဒုတိယအကြိမ် မှာလည်း နှစ်နိုင်ငံ တာဝန်ရှိသူတွေ တနေကုန် စောင့်ဆိုင်းခဲ့ကြတာဖြစ်ပါတယ်။

ဒီသတင်းကို RFA သတင်းထောက် ကိုသီဟထွန်း ပေးပို့တာပါ။

RFA Burmese
https://www.rfa.org

ကန်ထောက်လှမ်းရေး အကြီးကဲဟောင်း စည်းကမ်းချိုးဖောက်ကြောင်း တွေ့ရှိ

FBI ညွှန်ကြားရေးမှူးဟောင်း James Comey 
အမေရိကန်သမ္မတ Donald Trump နဲ့ ပတ်သက်ပြီး လျှို့ဝှက်ထားရမယ့် အချက်အလက်တွေ သတင်းမီဒီယာ တွေကို ဖွင့်ချတာဟာ FBI ညွှန်ကြားရေးမှူးဟောင်း James Comey အနေနဲ့ လုပ်ငန်းပိုင်းဆိုင်ရာ သဘောတူချက်နဲ့ မူဝါဒတွေကို ချိုးဖောက်တာဖြစ်တယ်လို့ ကြာသပတေးနေ့က ထုတ်ပြန်တဲ့ တရားရေးဌာန စောင့် ကြည် လေ့လာ့ရေး အဖွဲ့ရဲ့ စာမျက်နှာ ၉၇ မျက်နှာပါ အစီရင်ခံစာမှာ ဖော်ပြပါတယ်။

၂၀၁၇ မေလက James Comey ကို ရာထူးက ဖြုတ်ချအပြီး ဒီအချက်အလက်တွေ ပေါက်ကြားခဲ့တာပါ။ ဒီအချက်အလက်တွေထဲမှာ သမ္မတTrump အစိုးရ တက်စအချိန်က သူနဲ့ တယောက်ချင်း ပြောဆိုခဲ့တာတွေလည်း ပါပါတယ်။

လျှို့ဝှက်ရမယ့် အကြောင်းအရာတွေကို အခုလို ဖွင့်ချတာဟာ သူလို လုပ်ပိုင်ခွင့်ရခဲ့တဲ့ ထောင်နဲ့ချီတဲ့ FBI ၀န်ထမ်းဟောင်း ၃ သောင်းကျော်အတွက် အန္တရာယ်ရှိတယ်လို့ ပြောတာပါ။ ၂၀၁၇ ဖေဖော်ဝါရီလက Comey ရေးသားထားခဲ့တဲ့ အချက်တွေထဲ အမျိုးသားလုံခြုံရေး အကြံပေးအရာရှိဟောင်း Michael Flynn နဲ့ပတ်သက်ပြီး ဆက်လက်စုံစမ်းမှုတွေမလုပ်ဖို့ သမ္မတ Trump က ပန်ကြားခဲ့တယ်လို့လည်း ဖော်ပြထားပါတယ်။ အဲဒီအချိန်က Flynn က ရုရှားနဲ့ အဆက်အသွယ်ရှိခဲ့တာတွေနဲ့ ပတ်သက်လို့ အမေရိကန် ပြည်ထောင်စု စုံစမ်းစစ်ဆေးရေးဗျုရို (FBI) ကို လိမ်လည်ပြောဆိုခဲ့မှုအတွက် စစ်ဆေးခံနေရတဲ့ အချိန်လည်း ဖြစ်ပါတယ်။

တရားရေးဌာနကတော့ ညွှန်ကြားရေးမှူးဟောင်း Comey ကိုတရားစွဲဆိုဖို့ ကိစ္စကို ပယ်ချလိုက်ပါတယ်။ ချက်အလက်တွေကို ဖွင့်ချပြောဆိုခဲ့ တဲ့ အပေါ်မှာ Comey ကိုယ်တိုင်ရော သူ့ရှေ့နေတွေရော လျှို့ဝှက်ထားရမယ့် အကြောင်းတွေကို ပေါက်ကြားစေခဲ့တဲ့ သက်သေအထောက်အထား ဘာမှ မတွေ့ဘူးလို့ စုံစမ်းစစ်ဆေးရေးချုပ် Michael Horowitz က ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မသန်စွမ်းသူများအရေး ကုလမှာ မြန်မာတင်ပြ

မသန်စွမ်းသူများအရေး ကုလသမဂ္ဂ ဂျနီဗာရုံးချုပ်ရဲ့ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက တင်ပြ
ဒီမိုကရေစီလမ်းကြောင်းပေါ် လျှောက်လှမ်းဖို့ ကြိုးပမ်းနေတဲ့ မြန်မာနိုင်ငံအတွက် ကြုံနေရတဲ့စိန်ခေါ်မှု အများအပြားထဲမှာ မသန်စွမ်းသူများ အခွင့်ရေးဆိုင်ရာမှာ အကဲစမ်းမှုတွေလည်း ပါဝင်နေတာ ဖြစ်ပြီး မြန်မာခေါင်းဆောင်ပိုင်းအနေနဲ့ မသန်စွမ်းသူများ အခွင့်ရေးအတွက် ကြိုးပမ်းရာမှာ သန္နိဋ္ဌာန် ခိုင်မာမှုရှိတယ်လို့ ကုလသမဂ္ဂ ဂျနီဗာရုံးချုပ်ရဲ့ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက ပြောပါတယ်။

မသန်စွမ်းသူများ အခွင့်ရေးဆိုင်ရာ ကုလသမဂ္ဂရဲ့ မြန်မာအထူးကိုယ်စားလှယ်ကတော့ မြန်မာနိုင်ငံရဲ့ လုပ်ဆောင်ချက်တွေကို ကျေနပ် အားရပေမယ့် တိုင်းရင်းသား ဒေသတွေမှာ အမျိုးသမီး မသန်စွမ်းသူတွေ ရဲ့ အခွင့်ရေးနဲ့ ပတ်သက်ရင်တော့ စိုးရိမ်မှုတွေ ရှိတယ်လို့ ပြောပါတယ်။

သြဂုတ်လ ၂၇ ရက်နေ့ကနေ ၃၀ ရက်နေ့အထိ ကုလသမဂ္ဂ ဂျနီဗာရုံးချုပ်မှာ ၃ ရက်ကြာပြုလုပ်တဲ့ မသန်စွမ်းသူများ အခွင့်ရေးအတွက် မြန်မာနိုင်ငံရဲ့ လုပ်ဆောင်ချက်တွေကို တင်ပြဆွေးနွေးချိန်မှာ အခုလို ပြောကြားခဲ့တာပါ။

အပြည့်အစုံကို ဒေါ်ခင်မျိုးသက်က ပြောပြပေးမှာပါ။

မြန်မာနိုင်ငံက ၂၀၁၁ ခုနှစ် ဒီဇင်ဘာလ ၇ ရက်နေ့မှာ မသန်စွမ်းသူများ အခွင့်ရေးဆိုင်ရာ ကုလသမဂ္ဂ သဘောတူညီချက်ကို လက်မှတ်ရေးထိုးခဲ့တာ ဖြစ်ပါတယ်။ စာချုပ်အဖွဲ့ဝင် နိုင်ငံတနိုင်ငံအနေနဲ့ စာချုပ်ပါ အချက်တွေနဲ့ ပတ်သက်ပြီး ဘယ်လိုလိုက်နာ ဆောင်ရွက်နေတယ်ဆိုတာကို ကုလသမဂ္ဂ မသန်စွမ်းသူများအခွင့်ရေးဆိုင်ရာ ၂၂ ကြိမ်မြောက် အစည်းဝေးမှာ ဂျနီဗာဆိုင်ရာ မြန်မာသံအမတ်ကြီး ဦးကျော်မိုးထွန်းနဲ့ မြန်မာနိုင်ငံ လူမှုဖူလုံရေး၊ ကယ်ဆယ်ရေးနဲ့ ပြန်လည်နေရာချထားရေး ဝန်ကြီးဌာနက ညွှန်ကြားရေးမှူးချုပ် ဦးဝင်းနိုင်ထွန်း ဦးဆောင်တဲ့ ၁၄ ဦးပါ မြန်မာ ကိုယ်စားလှယ်တွေက တင်ပြဆွေးနွေးခဲ့တာ ဖြစ်ပါတယ်။

မြန်မာနိုင်ငံအနေနဲ့ မသန်စွမ်းသူများ အခွင့်ရေး စာချုပ်ကို အကောင်ထည်ဖေါ်နိုင်ဖို့ အကောင်းဆုံး ကြိုးစားတဲ့ နေရာမှာ ရန်ကုန်မှာ ကျင်းပခဲ့တဲ့ ၂၀၁၉ - ၄ ကြိမ်မြောက် ဒေသန္တရဆွေးနွေးပွဲမှာ မြန်မာနိုင်ငံ မသန်စွမ်းသူများအခွင့်ရေး ဥက္ကဌဖြစ်တဲ့ ဒုသမ္မတ ဦးဟင်နရီ ဗန်သီးယူ ရဲ့ ပြောကြားချက်ကို ကိုးကားပြီး သံအမတ်ကြီး ဦးကျော်မိုးထွန်းက အခုလို တင်ပြခဲ့ပါတယ်။

“မြန်မာနိုင်ငံက မသန်စွမ်းသူတွေဟာ နေ့စဉ်ဘဝမှာ အခက်အခဲတွေနဲ့ ဒုက္ခတွေ ရင်ဆိုင်နေရပါတယ်။ သူတို့ အခုလို မသန်စွမ်းဖြစ်လို့ အခက်အခဲ ဒုက္ခတွေ ကြုံတွေ့ရတာထက် ပတ်ဝန်းကျင်ရဲ့ အပြုအမူ၊ ဆက်ဆံမှုတွေနဲ့ တခြားအကြောင်းအရာတွေကြောင့် ဖြစ်ကြတယ်လို့ ဒုတိယ သမ္မတက ပြောကြားခဲ့ တာကို ကိုးကား ဖော်ပြလိုပါတယ်။ ဒါကို ကြည့်ခြင်းအားဖြင့် နိုင်ငံ့ရဲ့ခေါင်းဆောင်ပိုင်းဟာ မသန်စွမ်းသူများ ရင်ဆိုင်နေရတဲ့ အခက်အခဲတွေကို ကျော်လွှားနိုင်ဖို့ နိုင်ငံ့ခေါင်းဆောင်ပိုင်းရဲ့ သန္နိဋ္ဌာန် ခိုင်မာမှုကို ပြသရာရောက်ပါတယ်။ မသန်စွမ်းသူများအတွက် လူမှုရေးနဲ့ စိတ်ဓာတ်ရေးရာအရ ရင်ဆိုင်နေရတဲ့ အဟန့်အတားတွေ ကျော်လွှားနိုင်ဖို့ ဖြစ်ပါတယ်။”

မြန်မာနိုင်ငံမှာ ၂၀၁၈ - ၂၀၁၉ ခုနှစ်က လူမှုဖူလုံရေး၊ ကယ်ဆယ်ရေးနဲ့ ပြန်လည်နေရာချထားရေး ဝန်ကြီးဌာနလက်အောက်မှာ ရှိတဲ့ လူမှုဖူလုံရေးဌာနက မြန်မာနိုင်ငံ အနာကြီးရောဂါရှင်များ ဆိုင်ရာမစ်ရှင်အဖွဲ့နဲ့ လက်တွဲပြီး မသန်စွမ်းသူဦးရေ စာရင်းကို ကောက်ယူခဲ့ရာမှာ အဲဒီအချိန်က လူဦးရေ ၅၈.၃၇ သန်း ရှိတဲ့ မြန်မာနိုင်ငံမှာ မသန်စွမ်းသူက ၂.၃၂ % ရှိနေတာ တွေ့ခဲ့ရတယ်လို့ မြန်မာကိုယ်စားလှယ်အဖွဲ့ တင်သွင်းတဲ့ အစီရင်ခံစာမှာ ဖေါ်ပြထားပါတယ်။

အခု ကုလသမဂ္ဂမှာ ကျင်းပတဲ့ တင်ပြဆွေးနွေးပွဲမှာ လူကယ်ပြန် ဝန်ကြီးဌာန ဒုတိယညွှန်ကြားရေးမှူးချုပ် ဒေါက်တာထွန်းဇော်က လက်ရှိ အရေးယူဆောက်ရွက်ချက် တွေထဲက ထူးခြားချက်အနေနဲ့ ရွေးကောက်ပွဲ မဲပေးရာမှာနဲ့ ငြိမ်းချမ်းရေး ဖေါ်ဆောင်မှုမှာ မသန်စွမ်းသူများ ပါဝင်နိုင်ရေးအတွက် မြန်မာနိုင်ငံက ဆောင်ရွက်နေကြောင်း တင်ပြခဲ့တာပါ။

ဒါ့အပြင် ၂၀၁၆ - ၁၇ ဘဏ္ဍာရေး အသုံးစားရိတ်မှာ မသန်စွမ်းသူများအတွက် သုံးစွဲမှုဟာ ၀.၁၉ % သာရှိပေမယ့် အခု ၂၀၁၈ - ၁၉ ဘတ်ဂျက်မှာတော့ ၀.၄၅ % အထိ ရှိလာတယ်လို့ ပြောပါတယ်။

ဒါပေမယ့် ဖွံ့ဖြိုးမှုသိပ်မရှိသေးတဲ့ မြန်မာနိုင်ငံ အတွက် မသန်စွမ်းသူများ အခွင့်ရေးနဲ့ ပတ်သက်ပြီး လုပ်ဆောင်မှုတွေမှာ အကဲစမ်းမှုတွေ အများအပြား ရှိနေတယ်လို့ ပြောပါတယ်။ ဒီအကဲစမ်းမှုတွေ ထဲမှာ ပညာရေး၊ ကျန်းမာရေး၊ အားကစား တွေမှာ မသန်စွမ်းသူတွေ အတွက် ထောက်ပံ့ကြေး ပေးဖို့ အခက်အခဲတွေ ရှိနေတာကြောင့် မြန်မာနိုင်ငံအနေနဲ့ ငွေကြေးအကူအညီတွေ လိုအပ်နေတယ်လို့ ဒေါက်တာထွန်းဇော်က ပြောပါတယ်။

“အခက်အခဲတွေ ရင်ဆိုင်နေရတဲ့ကြားက မြန်မာနိုင်ငံဟာ မသန်စွမ်းသူများ အခွင့်အရေး သဘောတူစာချုပ်ကို အကောင်အထည်ဖော်ရာမှာ သိသာတဲ့တိုးတက်မှုတွေ ရရှိပေမယ့်အကဲစမ်းမှုတွေကိုလည်း ရင်ဆိုင်နေရဆဲဖြစ်ပါတယ်။ အခက်အခဲတွေကို ဖော်ဆောင်ရာမှာ နောက်ထပ် လုပ်ဆောင်စရာတွေ ရှိသေးတယ်ဆိုတာကို သဘောပေါက်ပါတယ်။ အကဲစမ်းမှုတွေကလည်း ဆက်ရှိနေပါတယ်။ ဥပမာအားဖြင့် မြန်မာနိုင်ငံ အနေနဲ့ မသန်စွမ်းသူများ သွားလာရေး လွယ်ကူစေဖို့ ဆောင်ရွက်ရာမှာနဲ့ sign language သင်တန်းကျောင်းတွေ၊ အလုပ်လုပ်ကိုင်တဲ့ အခွင့်အရေးမျိုးတွေ ဖန်တီးပေးနိုင်ဖို့ ငွေကြေး အထောက်အကူတွေ လိုအပ်ပါတယ်။”

မသန်စွမ်းသူများ အခွင့်ရေးဆိုင်ရာ ကုလသမဂ္ဂရဲ့ မြန်မာနိုင်ငံ ဆိုင်ရာ အထူးကိုယ်စားလှယ် ဖြစ်တဲ့ J. Ishikawa ကတော့ မသန်စွမ်းသူများ အခွင့်ရေးနဲ့ ပတ်သက်ပြီး မြန်မာနိုင်ငံရဲ့ လုပ်ဆောင်ချက်တွေကို ကျေနပ်အားရကြောင်း ပြောပါတယ်။ ဒါပေမယ့် တိုင်းရင်းသား ဒေသတွေမှာ အမျိုးသမီး မသန်စွမ်း သူတွေ ရဲ့ အခွင့်ရေးနဲ့ ပတ်သက်ရင်တော့ စိုးရိမ်မှုတွေ ရှိတယ်လို့ ပြောပါတယ်။

“မြန်မာနိုင်ငံမှာ တိုးတက်မှုတွေရှိတယ်ဆိုပေမယ့်လည်း စိုးရိမ်စရာကောင်းတာတွေကို ထောက်ပြလိုတာက - တိုင်းရင်းသားအမျိုးသမီးတွေ အပေါ် ကျယ်ကျယ်ပြန့်ပြန့် ခွဲခြားဆက်ဆံမှုပဲ ဖြစ်ပါတယ်။ ဒီစိုးရိမ်ဖွယ်ရာ အချက်ကို CEDAW နဲ့ CSC လိုမျိုး အဖွဲ့အစည်းကြီးတွေကလည်း ထောက်ပြခဲ့ပါတယ်။ အထူးသဖြင့် ၂၀၁၉ မတ်လက စီဒေါ ကော်မတီရဲ့ အစီရင်ခံစာမှာ ဖော်ပြထားပါတယ်။ ကျနော်တို့ရဲ့ စိုးရိမ်မကင်း ဖြစ်မှုက အထူးသဖြင့် မသန်စွမ်းတဲ့ တိုင်းရင်းသား အမျိုးသမီးတွေနဲ့ ပတ်သက်ပါတယ်။ တခြားစိုးရိမ်မကင်းဖြစ်မှုတွေအနက် ဒါက အဓိက ကျပါတယ်။ ဒီကိစ္စကို မကိုင်တွယ်ဘဲနဲ့ မသန်စွမ်းသူများဆိုင်ရာ မူဝါဒတွေ၊ ကိစ္စရပ်တွေကို ကိုင်တွယ် ဖြေရှင်းမယ်ဆိုရင် အချည်းနှီးပဲ ဖြစ်ပါလိမ့်မယ်။”

မြန်မာနိုင်ငံဟာ အခုအခါ မသန်စွမ်းသူများရပိုင်ခွင့်ဆိုင်ရာ ဥပဒေအတွက် မူကြမ်းကို ရေးဆွဲနိုင်ခဲ့ပြီဖြစ်ကြောင်းနဲ့ ဒီဥပဒေထဲမှာ ပြည်နယ် တိုင်းအဆင့်နဲ့ နိုင်ငံတော်အဆင့် ကောင်မတီတွေ အသီးသီး ဖွဲ့စည်းဆောင်ရွက်ဖို့နဲ့ မသန်စွမ်းသူများအတွက် စင်တာတခုဖွင့်လှစ်ဖို့ပါ ပါဝင်ကြောင်း မြန်မာကိုယ်စားလှယ်တွေ တင်သွင်းတဲ့ အစီရင်ခံစာထဲမှာ ဖေါ်ပြထားပါတယ်။

ဒေါ်ခင်မျိုးသက် / ဗွီအိုအေ (မြန်မာပိုင်း)
https://burmese.voanews.com

မက္ကစီကိုနိုင်ငံရှိ ညကလပ်တစ်ခု မီးလောင်မှုတွင် ၂၆ ဦးသေဆုံးခဲ့ပြီး ထိခိုက်ဒဏ်ရာရရှိသူ ၁၁ဦးအထိရှိလာ

မီးလောင်ကျွမ်းမှုဖြစ်ပွားပြီးနောက်တွေ့ရစဉ် (ဆင်ဟွာ)
  မက္ကစီကိုစီးတီး၊ သြဂုတ် ၂၉ ရက် (ဆင်ဟွာ)

မက္ကစီကိုနိုင်ငံအရှေ့ဘက်ရှိ ဘားတွင် သြဂုတ်လ ၂၇ ရက် ညကဖြစ်ပွားခဲ့သော မီးလောင်မှု၌ သေဆုံးသူ ၂၆ ဦး နှင့် ထိခိုက်ဒဏ်ရာရရှိသူ ၁၁ ဦး အထိရှိလာကြောင်း ပြည်နယ်အစိုးရရုံးက သြဂုတ် ၂၈ ရက် တွင် ပြောကြားခဲ့သည်။

အဆိုပါမီးလောင်ကျွမ်းမှုသည် ဗာရက်ခရုဇ်ပြည်နယ်၊ ပင်လယ်ဆိပ်ကမ်းမြို့ဖြစ်သော Coatzacoalcos ရှိ ဘားတစ်ခုတွင် သြဂုတ်၂၇ ရက်တွင် ဖြစ်ပွားခဲ့ပြီးနောက် ဘားအတွင်းရှိ အရေးပေါ်ထွက်ပေါက်အားပိတ်ခဲ့ကြောင်း သိရသည်။

အဆိုပါပြင်းထန်သည့်မီးလောင်မှုဖြစ်စဉ် တွင် အမျိုးသမီး ၁၀ဦးအပါအဝင် အများစုမှာ အသက်ရှုကျပ်၍ သေဆုံးခဲ့ခြင်းဖြစ်ကြောင်း သိရသည်။

တိုက်ခိုက်သူများက ဘားအတွင်းသို့ ဓာတ်ဆီပုလင်းဗုံး ကို ပစ်ခဲ့ပြီး မီးလောင်ပြီးသည့်နောက် ထွက်ပြေးသွားခဲ့ခြင်းဖြစ်ကြောင်း အစောပိုင်းမီဒီယာများက သတင်းထုတ်ပြန်ခဲ့သည်။

ပြိုင်ဘက်မူးယစ်ဆေးဝါးရောင်းချသူများက Coatzacoalcos မြို့ ရှိ ဘားနှစ်ခု၏ ပိုင်ရှင်ကို လက်စားချေတိုက်ခိုက်ပြီးနောက်  ဧပြီလ တွင် ရေနံချက်စက်ရုံများတည်ရှိရာ Minatitlan မြို့ တွင် မိသားစုစုံညီပွဲတော် ၌ အကြမ်းဖက်သမားတစ်ဦးက လူ ၁၄ ဦးကို သတ်ခဲ့ကြောင်း ရဲ၏ အစီရင်ခံစာအရ သိရသည်။

 (Xinhua)
http://www.xinhuamyanmar.com

အပျိုစင် စကားလုံးကို လက်ထပ်လျှောက်လွှာကနေ ဘင်္ဂလားဒေ့ရှ် တရားရုံး ပယ်ဖျက်

 သတို့သမီးလက်ပေါ်မှာ ခြယ်ထားတဲ့ ဆေးတွေ
ဘင်္ဂလားဒေ့ရ်ှက အမျိုးသမီးတွေ လက်ထပ်ဖို့ လျှောက်လွှာ ဖြည့်သွင်းရာမှာ အပျိုစင် ဖြစ်ကြောင်း ထည့်သွင်း ကြေညာစရာ မလိုတော့ဘူးလို့ ဘင်္ဂလားဒေ့ရ်ှရဲ့ အမြင့်ဆုံး တရားရုံးက ပြဋ္ဌာန်းလိုက်ပါတယ်။

အပျိုစင်ဆိုတဲ့ စကားလုံးအစား အိမ်ထောင်မရှိသူဆိုတဲ့ စကားလုံးနဲ့ အစားထိုး ဖြည့်သွင်းရမှာ ဖြစ်ပါတယ်။

နောက်ထပ် ဖြည့်သွင်း နိုင်တဲ့ အိမ်ထောင်ဘက် ကွယ်လွန် နဲ့ ကွာရှင်းထားသူဆိုတဲ့ စကားလုံးတွေကတော့ အရင်အတိုင်း မပြောင်းလဲပါဘူး။

အခုဆုံးဖြတ်ချက်ကို တရားရုံးက တနင်္ဂနွေနေ့က ပြုလုပ်ခဲ့တာ ဖြစ်ပြီး အခုလို ကြေညာလိုက်တာကို အမျိုးသမီး အခွင့်အရေး အဖွဲ့တွေက ကြိုဆိုလိုက်ပါတယ်။

အပျိုစင်ဖြစ်ကြောင်း ကြေညာခိုင်းတာဟာ အမျိုးသမီးတွေကို နှိမ်ထားတာ ဆိုပြီး အမျိုးသမီး အခွင့်အရေး တောင်းဆိုတဲ့အဖွဲ့တွေက ဒီအသုံးအနှုန်းကို ကန့်ကွက်ခဲ့ကြပါတယ်။

အဲဒီလို ပြောင်းလဲလိုက်တဲ့အပြင် လက်ထပ်ဖို့ လျှောက်လွှာတင်မယ့် သတို့သားတွေဟာလည်း သူတို့ရဲ့ အိမ်ထောင်ရေး အခြေအနေကို ထည့်သွင်းကြေညာရတော့မှာ ဖြစ်ပါတယ်။

မွတ်ဆလင်အများစုနေထိုင်တဲ့ ဘင်္ဂလားဒေ့ရ်ှမှာ လက်ထပ်ထိမ်းမြားခြင်းဆိုင်ရာ ဥပဒေတွေဟာ အမျိုးသမီးတွေအပေါ် ကန့်သတ်ချက်တွေနဲ့ ခွဲခြားနှိမ်ချတာတွေ ရှိတယ်ဆိုပြီး အမျိုးသမီး အခွင့်အရေးတောင်းဆိုသူတွေက ဝေဖန်ကန့်ကွက်နေခဲ့ကြတာပါ။

မိန်းကလေး အတော်များများဟာ အသက်ငယ်ငယ်အရွယ်တွေမှာပဲ မိဘတွေ သဘောကျသူတွေနဲ့ လက်ထပ်နေကြရတာ ဖြစ်ပါတယ်။
တရားရုံးက ဘာပြင်လိုက်တာလဲ

'ကုမ္မာရီ' ဆိုတဲ့ စကားလုံးကို လက်ထပ်လျှောက်လွှာကနေ ဖယ်မယ်လို့ တရားရုံးက ဆုံးဖြတ်ခဲ့တာပါ။

အဲဒီစကားလုံးဟာ အိမ်ထောင်မရှိသူလို့ အဓိပ္ပာယ်ရှိပြီး အပျိုစင်လို့လည်း နောက်ထပ် အဓိပ္ပာယ် တစ်မျိုး ရှိနေပြန်ပါတယ်။

အခုတော့ 'အော်ဘီဘဟီတာ' ဆိုတဲ့ အိမ်ထောင်မရှိသူလို့ သီးသန့်အဓိပ္ပါယ်ထွက်တဲ့ စကားလုံးကိုပဲ သုံးစွဲရမှာ ဖြစ်ပါတယ်။

အမျိုးသမီး အခွင့်ရေး တောင်းဆိုတဲ့ ရှေ့နေတွေက အဲဒီ စကားလုံးကို ပြင်ဆင်ဖို့အတွက် ၂၀၁၄ ခုနှစ်မှာ တရားရုံးကို တင်ပြလျှောက်ထားခဲ့ကြပါတယ်။ အဲဒီစကားလုံးဖြည့်သွင်းရတဲ့ လက်ထပ် လျှောက်လွှာဟာ အမျိုးသမီးတွေရဲ့ ပုဂ္ဂလိက လွတ်လပ်ခွင့်ကို ထိပါးပြီး အမျိုးသမီးတွေရဲ့ အရှက်သိက္ခာကို နှိမ်ချတာဆိုပြီး တင်ပြခဲ့ကြရာက အခုလို ပြင်ဆင်နိုင်ခဲ့ကြတာ ဖြစ်ပါတယ်။

အခု အပြောင်းအလဲဟာ အမျိုးသမီးအခွင့်အရေး တိုးတက်ဖို့ အထောက်အကူ ဖြစ်မယ်လို့ မျှော်လင့်ကြ
အဲဒါကြောင့် အဓိပ္ပာယ် နှစ်ခွ ရှိနေတဲ့ ကုမ္မာရီဆိုတဲ့ စကားလုံးအစား အိမ်ထောင်မရှိသူဆိုတဲ့ စကားလုံးကို ပြောင်းသုံးစေတာ ဖြစ်ပါတယ်။

သတို့သားတွေ အနေနဲ့လည်း သူတို့ရဲ့ အိမ်ထောင်ရေး အခြေအနေကို ဖော်ပြရာမှာ အိမ်ထောင်မရှိ၊ ကွာရှင်းထားသူ ဒါမှမဟုတ် အိမ်ထောင်ဘက်ကွယ်လွန် ဆိုတဲ့ စကားလုံးတွေကို ထည့်သွင်း ဖော်ပြကြရမှာ ဖြစ်ပါတယ်။

တရားရုံးက အခု ဆုံးဖြတ်ချက်ကို တရားဝင်ကြေညာရဖို့ ရှိပါသေးတယ်။ ပြီးရင်တော့ အခုအပြောင်းအလဲဟာ လပိုင်းအတွင်းမှာ စတင် အသက်ဝင်မှာ ဖြစ်ပါတယ်။
တုံ့ပြန်ချက်တွေ ဘယ်လိုရှိလဲ

အခု တောင်းဆိုမှုမှာ ပါဝင်ခဲ့တဲ့ ရှေ့နေ အမျိုးသမီး တစ်ယောက်က ဒါဟာ သမိုင်းတွင်မယ့် စီရင်ချက်ပဲလို့ ပြောပါတယ်။

ဒီအပြောင်းအလဲဟာ အမျိုးသမီးအခွင့်အရေး တိုးတက်ဖို့ အထောက်အကူ ဖြစ်မယ်လို့ မျှော်လင့်ကြောင်း ပြောပါတယ်။

ဒေသခံ တရားရုံး မှတ်ပုံတင် အရာရှိ တွေကတော့ အခု လျှောက်လွှာ ပြင်ဆင်ချက်ကို သူတို့ စောင့်နေကြပြီလို့ ပြောပါတယ်။

ဒါကာမြို့မှာ လက်ထပ် လျှောက်လွှာတွေ ဆောင်ရွက်ပေးရတဲ့ အခါ ဘာလို့ ယောက်ျားလေးကျတော့ အိမ်ထောင်ရှိ၊ မရှိ မဖြည့်ရဘဲ မိန်းကလေးတွေပဲ ဖြည့်ရတာလဲလို့ ခဏခဏ အမေးခံရပါတယ်။ ကျွန်တော်ကလည်း အဲဒီလို ဖြည့်ဖိုမဖြည့်ဖို့က ကျွန်တော်တို့ လုပ်ပေးလို့ရတာ မဟုတ်ဘူးလို့ အမြဲတမ်းဖြေနေရပါတယ်လို့ တရားရုံး မှတ်ပုံတင် အရာရှိ တစ်ယောက်က ပြောပါတယ်။

နောက်ကို ဒါမျိုး ထပ်အမေး မခံရတော့ဘူးလို့ မျှော်လင့်ပါတယ်လို့လည်း သူက ပြောပါတယ်။

BBC Burmese
https://www.bbc.com

လိပ်ကျွန်း လူသတ်မှု - ထိုင်းဘုရင် လွတ်ငြိမ်းခွင့်ကို မျှော်လင့်နိုင်သလား

AFP/Getty Images

ထိုင်းနိုင်ငံမှာ မုဒိမ်းမှုနဲ့ လူသတ်မှု ကျူးလွန်သူတွေဟာ ပုံမှန်အားဖြင့် ထိုင်းဘုရင်ရဲ့ လွတ်ငြိမ်းချမ်းသာခွင့်ကို မရကြဘူးလို့ ဘီဘီစီ ထိုင်း ဌာနက ပြောပါတယ်။

ထိုင်းရဲ့ အမြင့်ဆုံးတရားရုံးကနေ သြဂုတ်လ ၂၉ ရက်မှာ အယူခံ ရှုံးနိမ့်ခဲ့တဲ့ မြန်မာရွှေ့ပြောင်း အလုပ်သမား နှစ်ဦးဖြစ်တဲ့ ကိုဇော်လင်းနဲ့ ကိုဝင်းဇော်ထွန်း တို့အတွက် ထိုင်း ဘုရင်ဆီကို အသနားခံစာ တင်ဖို့ ရှိပေမဲ့ သူတို့ စီရင်ခံရတဲ့ ပြစ်မှုဟာ ထိုင်းဘုရင်က ပုံမှန်အားဖြင့် လွတ်ငြိမ်းခွင့်မပေးတဲ့ ပြစ်မှု အမျိုးအစားထဲမှာ ပါဝင်နေပါတယ်။

ထိုင်းဘုရင်က လွတ်ငြိမ်းခွင့် ဘယ်လိုပေးလဲ

မုဒိမ်းမှုနဲ့ လူသတ်မှုတွေ ကျူးလွန်သူ မဟုတ်သူတွေကိုတော့ နေ့ထူးနေ့မြတ်လိုနေ့တွေမှာ ဘုရင်က ပြစ်ဒဏ် လွတ်ငြိမ်းခွင့်ပေးလေ့ ရှိပြီး အဲဒီလို ပြစ်ဒဏ် လွတ်ငြိမ်းခွင့်ပေးသူတွေထဲမှာ နိုင်ငံခြားသားတွေလည်း ပေးခဲ့တယ်လို့ ဘီဘီစီ ထိုင်းဌာနက အယ်ဒီတာ အစ္စာရိယက ပြောပါတယ်။

ထိုင်းဘုရင်သစ်က ၂၀၁၆ ခုနှစ် ပြစ်ဒဏ်လွတ်ငြိမ်းခွင့်ပေးခဲ့တဲ့ အထဲမှာ ထိုင်းတော်ဝင်မိသားစုကို ထိပါးစော်ကားမှုကျူးလွန်ခဲ့တယ်ဆိုတဲ့ သူတွေပါ လွတ်ငြိမ်းခွင့် ရခဲ့ပါတယ်။
သေဒဏ်ပေးရင် တကယ်စီရင်သလား

ထိုင်းနိုင်ငံဟာ သေဒဏ် စီရင်မှုကို ဆက်လက် ကျင့်သုံးနေတဲ့ နိုင်ငံ ဖြစ်ပေမဲ့ အမှန်တကယ် သေဒဏ် စီရင်တာကတော့ ရှားပါးပါတယ်။

ပြီးခဲ့တဲ့ နှစ်ပေါင်း ၈၀ အတွင်းမှာ ထိုင်းမှာ လူ ၃၂၆ ယောက်ကို သေဏ် စီရင်ခဲ့ပါတယ်။

အဲဒီလူတွေထဲက ၃၁၉ ယောက်ကို သေနတ်နဲ့ ပစ်ပြီး သေဒဏ် စီရင်ခဲ့တာပါ။

သေနတ်နဲ့ပစ် သေဒဏ် စီရင်တာကိုတော့ ၂၀၀၃ ခုနှစ် ဒီဇင်ဘာလ ၁၁ ရက်မှာ နောက်ဆုံး စီရင်ခဲ့တာ ဖြစ်ပါတယ်။

ခုနစ်ယောက်ကိုတော့ ဆေးထိုးပြီး သေဒဏ် စီရင်ခဲ့တာပါ။

ထိုင်းနိုင်ငံ၊ ဘန်ကောက်မြို့ BANG KWANG ဗဟို အကျဉ်းထောင်က သေဒဏ်စီရင်တဲ့ အဆောက်အအုံ
သေဒဏ် ချမှတ် ခံထားရသူဟာ ၂၀၁၈ ခုနှစ် မတ်လ အထိ အယောက် ၅၁၀ ရှိပြီး သူတို့ကို သေဒဏ်ချခံရမယ်သူတွေထားတဲ့ အကျဉ်းသားအဆောင်တွေမှာ ထားရှိပါတယ်။

ဝင်းနဲ့ဇော်အမှုမှာ မြန်မာ အစိုးရက ဘာလုပ်နိုင်သလဲ

အခု ဝင်းနဲ့ဇော် အမှုအပေါ် ထိုင်းရှေ့နေများကောင်စီနဲ့ ပူးပေါင်းပြီး မြန်မာသံရုံးကပါ ကူညီဆောင်ရွက်ပေးခဲ့ကြပါတယ်။

သူတို့ အတွက် ထိုင်းဘုရင်ဆီကနေ ပြစ်ဒဏ်လျှော့ပေါ့ပေးတာကို ရဖို့ မျှော်လင့်ပြီး အသနားခံစာ တင်မှာပါ။

" ထိုင်းဘုရင့်ထံကို အသနားခံစာတင်ဖို့ရှိတယ်။ အဲဒီလိုတင်ရင် ပြစ်ဒဏ်ကနေ ကွင်းလုံးမကျွတ်ပေမဲ့လည်း ပြစ်ဒဏ်ကိုလျှော့ပေါ့တာဖြစ်နိုင်တယ်" လို့ မြန်မာရွှေ့ပြောင်း အလုပ်သမားအရေး ဆောင်ရွက်နေသူ ဦးထူးချစ်က ဝင်းနဲ့ဇော် အမှု နောက်ဆုံး အယူခံရှုံးနိမ့်ပြီး ဆက်လက် လုပ်ဆောင်နိုင်တာနဲ့ ပတ်သက်ပြီး ပြောပါတယ်။

သူတို့ဟာ၂၀၁၄ ခုနှစ် ထိုင်းနိုင်ငံ လိပ်ကျွန်း မှာ ကမ္ဘာလှည့်ခရီးသွား ဗြိတိန် လူငယ်စုံတွဲ နှစ်ယောက်ကို သတ်ဖြတ်ခဲ့တယ်ဆိုပြီး၂၀၁၅ မှာ သေဒဏ်ချမှတ်ခံခဲ့ရခဲ့ပါတယ်။ ၂၀၁၇ မှာ ခရိုင်တရားရုံးနဲ့ အခု ဗဟိုတရားရုံးမှာ နောက်ဆုံးအယူခံ ထပ်ရှုံးနိမ့်ခဲ့တာ ဖြစ်ပါတယ်။

သူတို့အတွက် ထိုင်းဘုရင်ထံကို အသနားခံစာတင်ဖို့ဆိုရင် သူတို့ ကိုယ်စား မြန်မာအစိုးရက တင်ပေးရမှာ ဖြစ်ပါတယ်။

ထိုင်းမှာ သေဒဏ်ဘယ်တုန်းက နောက်ဆုံး စီရင်ခဲ့သလဲ

ထိုင်းနိုင်ငံမှာ နောက်ဆုံး သေဒဏ် စီရင်မှုကို ၂၀၁၈ ခုနှစ် ဇွန်လ ၁၈ ရက်မှာ လုပ်ခဲ့ပါတယ်။

လူသတ်မှု ကျူးလွန်ခဲ့တဲ့ အသက် ၂၆ နှစ် အရွယ် အမျိုးသားကို ဆေးထိုးပြီး သေဒဏ် စီရင်ခဲ့တာလို့ ထိုင်း မီဒီယာတွေမှာ ဖော်ပြပါတယ်။

သူဟာ ဆေးထိုးပြီး သေဒဏ်စီရင်တဲ့ စနစ်ကို စတင်ခဲ့တဲ့ ၂၀၀၃ ခုနှစ်ကနေ စရင် ခုနစ်ယောက်မြောက် ဆေးထိုး သေဒဏ် စီရင်ခံရသူ ဖြစ်ခဲ့ပါတယ်။ ဒါဟာ ထိုင်းမှာ ၂၀၀၉ ခုနှစ် နောက်ပိုင်း ပထမဆုံး သေဒဏ် စီရင်မှုလည်း ဖြစ်ပါတယ်။

သူဟာ လူသတ်မှု ကျူးလွန်ချိန် မှာ အသက် ၁၉ နှစ် အရွယ် ရှိပြီး အသက် ၁၇ နှစ် အရွယ် အမျိုးသားကို ရက်ရက်စက်စက် သတ်ဖြတ်ခဲ့တယ်လို့ ဝန်ခံထွက်ဆိုတယ်လို့ ဆိုပါတယ်။ သူဟာ သူနဲ့ အရင်ကတည်း ရင်းနှီး ကျွမ်းဝင်ခဲ့တဲ့ အဲဒီ အမျိုးသားကို မိန်းကလေးတစ်ယောက်အတွက် မနာလို ဝန်တိုဖြစ်ပြီး ဓားနဲ့ ၂၄ ချက် ထိုးသတ်ခဲ့တယ်လို့ ထိုင်းမီဒီယာတွေမှာ ဖော်ပြပါတယ်။

သူဟာ ၂၀၁၂ ခုနှစ်မှာ လူသတ်မှု ကျူးလွန်ခဲ့တာ ဖြစ်လို့ သူ ပြစ်မှုကျူးလွန်ချိန်နဲ့ သေဒဏ်စီရင်ခံရချိန်ကြားမှာ အချိန် ခြောက်နှစ်ကွာတာကို တွေ့ရပါတယ်။

ထိုင်းဘုရင်က ပုံမှန်အားဖြင့် မုဒိမ်းမှုနဲ့ လူသတ်မှုကို လွတ်ငြိမ်းခွင့်မပေးလို့ မျှော်လင့်ချက်နည်းပေမဲ့ ကြားထဲမှာ ကောင်းမွန်စွာ နေထိုင်မယ်ဆိုရင် ဘုရင့်ရဲ့ ပြစ်ဒဏ်လျှော့ပေါ့တာကို မျှော်လင့်ချက်ထားရှိနိုင်တယ်လို့ ဘီဘီစီထိုင်းဌာနက အစ္စာရိယက ဆိုပါတယ်။

ဝင်းနဲ့ဇော် မိသားစုရဲ့ နောက်ဆုံးမျှော်လင့်ချက်

ကိုဝင်းဇော်ထွန်းရဲ့ အစ်ကိုဖြစ်သူ ကိုရဲဇော်ထွန်းကတော့ သူတို့ အနေနဲ့ လုပ်နိုင်တဲ့ စွမ်းအား မရှိလို့ အစိုးရက ကူညီပေးဖို့ မျှော်လင့်နေပါတယ်။

ကိုရဲဇော်ထွန်းက သူလည်း ထိုင်းနိုင်ငံမှာ နေထိုင် အလုပ်လုပ်ကိုင်ဖူးလို့ ထိုင်းနိုင်ငံ အကြောင်းကို သိတယ်လို့ ပြောပါတယ်။ ဒါကြောင့် သူက အကောင်းဘက်ကို ၃၀ ရာခိုင်နှုန်းလောက်ပဲ မျှော်လင့်ထားခဲ့တယ်လို့ ပြောပါတယ်။

အခု ကိုဝင်းဇော်ထွန်း နောက်ဆုံး အယူခံ ရှုံးနိမ့်ခဲ့ပေမဲ့ သူတို့ရဲ့ အမေကို စိတ်မဆင်းရဲစေချင်လို့ ဒီသတင်းကို လတ်တလော အသိမပေးသေးဘဲ သူတို့ အမေ တနည်းနည်းနဲ့ သိလာမှသာ သူက ရှင်းပြမယ်လို့ ပြောပါတယ်။

ဒါ့အပြင် ထိုင်းဘုရင်ဆီကို အသနားခံစာ တင်နိုင်တဲ့ နည်းလမ်းကို မျှော်မှန်းပြီး အခု အယူခံဟာ နောက်ဆုံးအဆင့်မဟုတ်သေးဘူးဆိုပြီး သူက ကိုဝင်းဇော်ထွန်း သေဒဏ်ကနေ လွတ်မြောက်ဖို့ကို မျှော်လင့်နေပါတယ်။

BBC Burmese
https://www.bbc.com

လိပ်ကျွန်းလူသတ်မှု စီရင်ချက် အပေါ် အမြင်များ


လိပ်ကျွန်း လူသတ်မှုနဲ့ပတ်သက်ပြီး မြန်မာလူငယ် ၂ ဦးအပေါ် သေဒဏ် စီရင်ချက်ကို ထပ်ပြီးအတည်ပြုလိုက်တဲ့ တရားရုံးရဲ့ဆုံးဖြတ်ချက်ဟာ ထိုင်းနိုင်ငံရဲ့ တရားစီရင်ရေးဆိုင်ရာ ပြဿနာတခု ဖြစ်တယ်လို့ ထိုင်းနိုင်ငံ လူ့အခွင့်အရေး ရှေ့နေများအသင်းက ပြောကြားလိုက်ပါတယ်။ ဒီအမှု စစ်ဆေးစဉ်မှာ သံသယဖြစ်စရာ အခြေအနေတွေ ကြုံခဲ့ရတယ်လို့ ဒီအမှုကို အနီးကပ်စောင့်ကြည့်ခဲ့သူတွေကလည်း သုံးသပ်ပါတယ်။ အကြောင်းစုံကို ကိုဉာဏ်ဝင်းအောင်က တင်ပြမှာပါ။

ကော့တောင် အပန်းဖြေစခန်းရှိရာ လိပ်ကျွန်း လူသတ်မှုနဲ့ပတ်သက်လို့ သေဒဏ်ပေးခံထားရတဲ့ မြန်မာရွှေ့ပြောင်းအလုပ်သမား လူငယ် ၂ ဦးရဲ့ နောက်ဆုံး အယူခံလွှာကို ထိုင်းတရား လွှတ်တော်ချုပ်က ငြင်းဆိုလိုက်ပြီး သြဂုတ်လ ၂၉ ရက်နေ့မှာ သေဒဏ်အမိန့် ပြန်လည်ချမှတ် လိုက်ပါတယ်။

ထိုင်းတရားရုံးရဲ့ ဒီဆုံးဖြတ်ချက်ဟာ ထိုင်းနိုင်ငံရဲ့ တရားစီရင်ရေးဆိုင်ရာ ပြဿနာတခုဖြစ်တယ်လို့ ထိုင်းနိုင်ငံ လူ့အခွင့်အရေးရှေ့နေများ အသင်း (Human Rights Lawyers Association- Thailand)ရဲ့ ဒါရိုက်တာ Nadthasiri Bergman ကပြောပါတယ်။

“ ဒီလူငယ် ၂ ဦးစလုံးက သူတို့ ဘာအခွင့်အရေးတွေ ရနိုင်တယ်ဆိုတာကိုတောင် ၊ မသိခဲ့ကြဘူးဆိုတာ ကျမတို့ အစထဲက ရှင်းရှင်းလင်းလင်း ပြောခဲ့ပါတယ်။ လူသတ်မှုကို ဝန်ခံလိုက်ချိန်မှာ ရှေ့နေတွေနဲ့ တိုင်ပင်ခဲ့တာမျိုး မရှိသလို ၊ ဒီလိုဝန်ခံမိလို့ ဘာတွေ ဆက်ဖြစ်လာမလဲ ဆိုတာကိုလည်း သူတို့ မသိကြပါဘူး။ စကားပြန် လုပ်ပေးမယ့်သူတောင် မရှိခဲ့တာပါ။ ဆိုတော့ မျက်မြင်သက်သေတဦးအဖြစ် သူတို့ ထွက်ဆိုခဲ့တဲ့ အချက်လက်တွေနဲ့ပဲ သူတို့အပေါ် တရားစွဲဆို လိုက်တာဖြစ်တဲ့အတွက် ဒီအချက်တွေကိုသုံးပြီး၊ သူတို့အပေါ် ပြစ်ဒဏ်စီရင်ချက် ချတာဟာ တရားရေးဆိုင်ရာ ပြဿနာတခု ဖြစ်နေပါတယ်။ ”

Nadthasiri ဟာ သေဒဏ်ချခံရတဲ့ ကိုဝင်းဇော်ထွန်း၊ ကိုဇော်လင်းတို့ရဲ့ အမှုလိုက်ရှေ့နေလည်း ဖြစ်ပါတယ်။ ဒီလိပ်ကျွန်းအမှုကို ကြည့်ရင် စစ်ဆေးနေစဉ်မှာ သံသယဖြစ်စရာ အခြေအနေတွေ ကြုံခဲ့ရတယ်လို့ ဒီအမှုကို အနီးကပ်စောင့်ကြည့်နေတဲ့ ဂျာမနီနိုင်ငံက ထိုင်း-မြန်မာအရေး လေ့လာသူ စိုင်းဝမ်စိုင်းက ထောက်ပြပါတယ်။

“ DNA တွေကို ရယူပုံ စစ်ဆေးပုံတွေက လုံးဝ မမှန်ကံဘူးပေါ့။ နောက်တချက်က အမှုက ဒီကောင်လေးတွေ ကျူးလွန်တာမဟုတ်ဘူးလို့ ကလေးတွေ ထွက်တယ်လေ။ အဲဒီ ကေ့ာတောင်ကျွန်က အာဏာကြီးတဲ့ မာဖီးယားလို သူ့သားနဲ့ အပေါင်းအပါတွေပါဆိုပြီး အဲဒီသတင်းတွေ တက်လာတယ်။ အဲဒီအချက် ၂ ချက်ကို ကြည့်ချင်းအားဖြင့် သူတို့မှာ ခိုင်မာတဲ့ဟာမရှိဘူးလို့ ယိုးဒယားသတင်းစာမှာလည်း ရေးတာ ကျနော်ဖတ်ဖူးတယ်။ ဆိုတော့ သူတို့က ဇွတ်ကြီး အဲဒီ ၂ ယောက်ကို သေမိန့်ချတယ်လို့ ကျနော်ထင်တယ်။”

အခုဆိုင်ရင် အမှုအတွက် နောက်ဆုံးမျှော်လင့်ချက်အဖြစ် ထိုင်းဘုရင်မင်းမြတ်ထံ အသနားခံလွှာ တင်ဖို့ တဆင့်သာကျန်တော့တာပါ။ ထိုင်းဘုရင်ကသာ စဉ်းစားပေးမယ်ဆိုရင် သေဒဏ်ကနေ တသက်တကျွန်း နှစ်ရှည်ထောင်ဒဏ်အဖြစ် ပြောင်းလဲလာနိုင်သလို၊ ထောင်တွင်း စည်းကမ်းလိုက်နာမှု ကောင်းမွန်တယ်ဆိုရင် ထောင်ဒဏ်တွေ ထပ်လျော့နိုင်ပြီး၊ ဘုရင့်မွေးနေ့လို အခါမျိုးမှာလည်း ထပ်ပြီးလျော့လာနိုင်တယ် လို့ ထိုင်းသတင်းစာတွေက ရေးပါတယ်။

မြန်မာလူငယ် ၂ ဦး ပြစ်ဒဏ်လျော့ပေါ့ပြီး ပြန်လွတ်လာနိုင်ဖို့အတွက် မြန်မာနိုင်ငံသားတွေရော၊ မြန်မာအစိုးရကပါ ကြိုပမ်းအားထုတ်သင့် တယ်လို့ ထိုင်းနိုင်ငံမှာ နှစ်ပေါင်းများစွာနေလာတဲ့ ဒေါက်တာနိုင်အောင်က သုံးသပ်ပါတယ်။

“အခုက အယူခံအဆင့်ပြီးသွားပြီဆိုတော့ ဒီ ထိုင်းဘုရင်နဲ့ပဲ ဆိုင်တာပေါ့နော် အဲဒီမှာ ပြောနေတာကတော့ အစိုးရကနေပြီး ၀င်ပြောရင်တော့ ပိုပြီးတော့ စဉ်းစားပေးကောင်း စဉ်းစားပေးနိုင်တယ်ပေါ့။ အဲဒါဆိုတော့ ပိုအလေးသာတာပေါ့။ နောက်တခုက ကျနော့်အနေနဲ့ မြင်တာကတော့ မြန်မာပြည်သူတွေအနေနဲ့ လူများများထောက်ခံတဲ့ လက်မှတ်ရေးထိုး တာလေးတခုတော့ လုပ်လိုက်ရင်ကောင်းတယ်။ အဲဒီလို လုပ်စေချင်တယ်ဆိုတာက အခု လက်ရှိ ထိုင်းဘုရင်က ကျနော်တို့မြန်မာလူမျိုးတွေအပေါ် သိပ်ပြီးတော့ စာနာသနားစိတ် သိပ်ရှိလှတာမဟုတ်ဘူးလို့ ကြားဖူးတယ်။”

ဗြိတိသျှ လူငယ်တွေဖြစ်တဲ့ Hannah Witheridge နဲ့ David Miller တို့နှစ်ဦး ၂၀၁၄ စက်တင်ဘာလထဲ အသတ်ခံခဲ့ရပြီး နှစ်ပတ်အကြာမှာ ကိုဝင်းဇော်ထွန်းနဲ့ ကိုဇော်လင်းတို့ကို ဖမ်းဆီးပြီး လူသတ်၊ မုဒိမ်း၊ လုယက် စတဲ့အမှု ၇မှုနဲ့စွဲကာ ၂၀၁၅ နှစ်ကုန်ပိုင်း ထိုင်း ကော့စမွေ တရားရုံးက အမြင့်ဆုံး သေဒဏ်ချမှတ်ခဲ့ပါတယ်။

ကိုဉာဏ်ဝင်းအောင်/ ဗွီအိုအေ (မြန်မာပိုင်း)
https://burmese.voanews.com

၂၀၁၉ Smart City ဆု မန္တလေး ရရှိ


မြန်မာနိုင်ငံရဲ့ ဒုတိယအကြီးဆုံးမြို့ဖြစ်တဲ့ မန္တလေးမြို့ဟာ ၂၀၁၉ခုနှစ်အတွက် Smart City Award နည်းပညာဆိုင်ရာ အသုံးချမှုဆု ကို ရရှိခဲ့ပါတယ်။ သက်တမ်း ၁၆၀ ရှိပြီဖြစ်တဲ့ ရှေးဟောင်း မန္တလေးမြို့ဟာ မြန်မာနိုင်ငံရဲ့ ပထမဆုံး နည်းပညာမြို့တစ်မြို့ ဖြစ်လာခဲ့ပါတယ်။

“ ကျွန်တော်တို့ရဲ့ ရည်မှန်းချက်က ပတ်ဝန်းကျင်ကို မထိခိုက်ဘဲ လူတွေနေထိုင်လို့ကောင်းတဲ့ မြို့တစ်မြို့ကို ဖန်တီးဖို့ပဲဖြစ်ပါတယ်” လို့ မန္တလေးမြို့ စည်ပင်သာယာရေး ကော်မတီနဲ့ အတူ ပူးပေါင်း အလုပ်လုပ်ကိုနေတဲ့ IT ပညာရှင် ရဲမြတ်သူက ပြောပါတယ်။

ဒီ ဆုပေးပွဲကို ဘန်ကောက်မြို့မှာ ကျင်းပပြုလုပ်ခဲ့တာ ဖြစ်ပြီး ဂျပန်၊ အိန္ဒိယ၊ သြစတြေးလျ၊ စင်္ကာပူ၊ ထိုင်ဝမ်နဲ့ ထိုင်းနိုင်ငံတွေ အပါအ၀င် နိုင်ငံပေါင်း ၂၄ နိုင်ငံက ကိုယ်စားလှယ်တွေလည်း တက်ရောက်ခဲ့ပါတယ်။

တက်ရောက်သူတွေထဲမှာ ကျွမ်းကျင်သူတွေနဲ့ အစိုးရကိုယ်စားလှယ် တွေအပြင် အစိုးရ မဟုတ်တဲ့ အဖွဲ့အစည်းတွေက လူပုဂ္ဂိုလ်တွေလည်း ပါဝင်ခဲ့ပါတယ်။

မန္တလေးမြို့ စည်ပင်သာယာရေးကော်မတီဟာ ၂၀၁၇ ခုနှစ်ထဲက ဒီ Smart City ဆုကို ရရှိဖို့ ကြိုးစားနေခဲ့တာဖြစ်ပြီး ကော်မတီ အနေနဲ့ နှစ် ၃၀ မြို့ပြ ဖွဲ့ဖြိုးရေး စီမံကိန်းကို ရေးဆွဲလို့ ရေးပေးဝေမှု စနစ်၊ ရေဆိုး ထုတ်လွှတ်မှု စနစ်နဲ့ စွန်ပစ် ပစ္စည်း စီမံခန့်ခွဲရေး စနစ်တွေမှာ နည်းပညာတွေ အသုံးပြုခဲ့ပါတယ်။ စင်္ကာပူ နည်းပညာ အသုံးပြဲထားတဲ့ မန္တလေးမြို့ရဲ့ ယာဉ်ကျောထိန်းချုပ်ရေး စနစ်ဟာ ယာဉ်ကျောပိတ်ဆို့မှုတွေ ပေါ်မူတည် ပြီး အပြောင်းအလဲ ပြုလုပ်နိုင်တယ်လို့ ဆိုပါတယ်။

ဗွီအိုအေ (မြန်မာပိုင်း)
https://burmese.voanews.com

သိန်းနီမြို့နယ် ခရီးသည် မှန်လုံ မီးရှို့ခံရ

ဓာတ်ပုံ Nay Myo/facebook

သျှမ်းပြည်နယ်မြောက်ပိုင်း သိန်းနီမြို့နယ် မိုင်းလီစံပြကျေးရွာအုပ်စု ပန်ဖတ်ရွာအထွက်တွင် ယနေ့ (သြဂုတ် ၃၀) မနက် ၆နာရီ တွင် ညီနောင်မဟာမိတ် ၃ ဖွဲ့နဲ့ မြန်မာ့ တပ်မတော် တို့ တိုက်ပွဲဖြစ်ပွားခဲ့ပြီး ခရီသည်တင်ယာဉ်တစီး နှင့် ဆိုင်ကယ်တစီး မီးရှို့ ခံရကြောင်းသတင်းရရှိသည်။

ဓာတ်ပုံ Nay Myo/facebook

“ ဒီမနက် ၆နာရီ မှာ ပန်ဖတ်ရွာမှာတိုက်ပွဲ တွေဖြစ်တယ်။ ခရီးသည်တွေ တင် မှန်လုံကား တစီး နဲ့ ဆိုင်ကယ်မီးရှို့ခံရတယ်။ခရီးသည်တွေ ကို ဆင်းခိုင်းပြီးမှ ရှို့တာပါ" ဟု မျက်မြင် သက်သေ ကားသမားတဦး က သျှမ်းသံတော်ဆင့် သို့ပြောသည်။

ဓာတ်ပုံ Nay Myo/facebook

လက်ရှိ အချိန်မှာ တိုက်ပွဲများရပ်နေ သော်လည်း ခရီးသွားများ အခြေအနေကြည့်င်္ပြးသွားရန် အဆိုပါ ကားသမားက ပြောသည်။

ယမန်နေ့ (သြဂုတ် ၂၉) ည ၇နာရီတွင် ကွတ်ခိုင်မြို့နယ် နမ့်ကွတ်တွင် ကားတစီး မီးရှို့ ခံရပြီး၊နေ့လည် ၁၁နာရီတွင် ကွတ်ခိုင် ရှုခင်းသာတွင် ၁၂ဘီးကား မီးရှို့ခံရသည်။


Panglong(Burmese)
https://www.facebook.com/ShanNewsBurmese

အမေရိကန်ဥပဒေအကျိုးဆောင်အဖွဲ့ကို ကမ္ဘောဇဘဏ်ငှားရမ်း

(Photo: KBZ Bank Facebook)

 ကမ္ဘောဇဘဏ်က နိုင်ငံတကာမှာ ဥပဒေအရအကာအကွယ်ရဖို့ အတွက် အမေရိကန်ပြည်ထောင်စု ဝါရှင်တန်ဒီစီ မြို့တော်အခြေစိုက် ရှေ့နေကုမ္ပဏီဖြစ်တဲ့ Williams & Connolly ကို ငှားလိုက်တယ်လို့ CNBC သတင်းမှာ ဒီနေ့ ဖော်ပြလိုက်ပါတယ်။

ကုလသမဂ္ဂ အချက်အလက်ရှာဖွေရေးမစ်ရှင် FFM က သြဂုတ်လ ၅ ရက်နေ့မှာ ထုတ်ပြန်လိုက်တဲ့ အစီရင်ခံစာမှာ၊ လူ့အခွင့်အရေး ချိုးဖောက်မှုတွေ တွေ့ရတဲ့ မြန်မာ့တပ်မတော်ကို ထောက်ပံ့နေတဲ့ စီးပွားရေးလုပ်ငန်းတွေကို အရေးယူပိတ်ပင်သင့်တယ်လို့ အကြံပြုထားပါတယ်။ အဲဒီထဲမှာ မြန်မာနဲ့ ဘင်္ဂလားဒေ့ရ်ှကို ခြံစည်းရိုးကာဖို့ ကမ္ဘောဇကုမ္ပဏီက ငွေလှူဒါန်းခဲ့တာကို စစ်ဆေးသင့်တယ်လို့ ဆိုထားပါတယ်။

ဒါကြောင့် စီးပွားရေးအရ ဒဏ်ခတ်ပိတ်ဆို့ခံရမယ့် အရေးတွေ၊ အမေရိကန်ရဲ့ ဥပဒေကြောင်းဆိုင်ရာတွေအတွက် အကာအကွယ်ရဖို့ Williams & Connolly က ဆောင်ရွက်ပေးရမှာဖြစ်ပါတယ်။ ဒီအတွက် အကျိုးဆောင်ခ ဒေါ်လာနှစ်သိန်းခွဲနဲ့ စာချုပ်ချုပ်လိုက်တယ်လို့ သိရပါတယ်။

ကုမ္ပဏီအနေနဲ့ ဥပဒေရေးရာမှာ အကြံပေးရမယ့်အပြင်၊ အမေရိကန်အစိုးရ၊ အမေရိကန်လွှတ်တော်တွေနဲ့ အများပြည်သူနားလည်အောင် ရှင်းလင်းတင်ပြပေးရမယ့် ဝန်ဆောင်မှုလည်းပါတယ်လို့ သိရပါ တယ်။

မြန်မာနိုင်ငံမှာ အကြီးဆုံးပုဂ္ဂလိကကုမ္ပဏီ ၃ ခုရှိပြီး၊ အဲဒီထဲမှာ ကမ္ဘောဘဏ်ပါတယ်လို့ ကယ်လီဖိုးနီး ယားပြည်နယ်အခြေစိုက် စီးပွားရေးသုတေသနအဖွဲ့ဖြစ်တဲ့ The Milken Institute ကပြောပါတယ်။

FFM အဖွဲ့ရဲ့အပြီးသတ်အစီရင်ခံစာကို ကုလသမဂ္ဂ အထွေထွေညီလာခံမှာ လာမယ့် စက်တင်ဘာလထဲ တင်သွင်းမှာဖြစ်ပါတယ်။

RFA Burmese
https://www.facebook.com/rfaburmese/

ဒါရိုက်တာ မင်းထင်ကိုကိုကြီးကို ထောင်ချတဲ့အပေါ် PEN America နဲ့ အမေရိကန်သံရုံး ဝေဖန်


 လူ့အခွင့်အရေးတက်ကြွလှုပ်ရှားသူ ရုပ်ရှင် ဒါရိုက်တာ မင်းထင်ကိုကိုကြီးကို အလုပ်ကြမ်းနဲ့ ထောင်ဒဏ် တစ်နှစ် ချမှတ်လိုက်တဲ့အပေါ်၊ လွတ်လပ်စွာဖော်ပြခွင့်နဲ့ လွတ်လပ်စွာ အနုပညာဖန်တီးခွင့်တွေကို ဖိနှိပ်လိုက်တာဖြစ်ကြောင်း နယူးယောက်အခြေစိုက် PEN America အဖွဲ့က ထုတ်ပြန်လိုက်ပါတယ်။

ဒီလုပ်ရပ်ဟာ မြန်မာနိုင်ငံအနေနဲ့ သဘောမတူတာတွေကို ဆက်လက်မျိုသိပ်ထားဖို့၊ စိတ်ကူးစိတ်သန်းတွေ လွတ်လွတ်လပ်လပ် ကွန့်မြူးခွင့်ကို ကန့်သတ်ထိန်းချုပ်ထားဖို့ဆိုတဲ့ လမ်းဟောင်းအတိုင်း ဆက်လက်လျှောက်လှမ်းရဦးမယ်ဆိုတဲ့ အဓိပ္ပါယ်ပါပဲလို့ PEN America အဖွဲ့ရဲ့ ညွှန်ကြားရေးမှူး Julie trabault က ပြောလိုက်ပါတယ်။

အလားတူ ဒါရိုက်တာ မင်းထင်ကိုကိုကြီးရဲ့အမှုအပေါ် တရားရုံးရဲ့ ဩဂုတ် ၂၉ ရက် စီရင်ချက်နဲ့ ပတ်သက်ပြီး၊ မြန်မာနိုင်ငံအတွင်း လွတ်လပ်စွာထုတ်ဖော်ပြောဆိုခွင့်နဲ့ ဒီမိုကရေစီအကူးအပြောင်းကို အားပေးထောက်ခံနေသူ အားလုံးအတွက် များစွာစိတ်သောကဖြစ်ရကြောင်း မြန်မာနိုင်ငံဆိုင်ရာ အမေရိကန်သံရုံးက ကြေညာချက် ထုတ်ပြန်ခဲ့ပါတယ်။

နိုင်ငံရေးဆိုင်ရာ မှတ်ချက်ပြုတာ၊ သရော်ပြောဆိုတာလောက်နဲ့ ပုဂ္ဂိုလ်တစ်ဦးတစ်ယောက် ဖမ်းဆီးထောင်ချခံရတာမျိုး မဖြစ်သင့်ကြောင်း၊ ဒီမိုကရေစီကို အားပေးထောက်ခံရာမှာ အမေရိကန်ပြည်သူတွေဟာ၊ မြန်မာပြည်သူတွေနဲ့ ကာလရှည်ကြာ ရပ်တည်လာခဲ့ကြောင်း၊ အရပ်သားအုပ်ချုပ်ရေးနဲ့အတူ၊ မြန်မာနိုင်ငံအတွင်း လွတ်လပ်မှု၊ ပြုပြင်ပြောင်းလဲမှုနဲ့ လူ့အခွင့်အရေး ကိစ္စရပ်တွေအတွက် ဦးဆောင်လှုပ်ရှားနေသူတွေကို ဆက်လက်အားပေး ထောက်ခံနေကြောင်းလည်း ကြေညာချက်မှာ ဖော်ပြထားပါတယ်။

RFA Burmese
https://www.facebook.com/rfaburmese/

ကလေးအများကြီးကို စတေးသတ်ဖြတ်ထားတဲ့ သင်္ချိုင်းကြီး ပီရူးမှာတွေ့

 ချီမူတွေက ပုံမှန် ယဇ်ပူဇော်သတ်ဖြတ်ပြီး နတ်တွေကို ပသလေ့ရှိ
သမိုင်းတလျှောက် အကြီးဆုံးတွေ့ရတဲ့ ကလေးအများအပြားကို သတ်ဖြတ်စတေးထားတဲ့ နေရာတခုကို ရှေးဟောင်းသုတေသနပညာရှင်တွေက ပီရူးနိုင်ငံမှာ ရှာတွေ့ခဲ့ပါတယ်။

အသက် ငါးနှစ်ကနေ ၁၄ နှစ်ကြား ကလေး ၂၂၇ ယောက်ရဲ့ အရိုးစုတွေကို ပီရူးမြို့တော် လီမာမြို့မြောက်ဘက်က ဟွမ်ချာကိုဆိုတဲ့ ကမ်းခြေမြို့နားမှာ တွေ့ခဲ့တာ ဖြစ်ပါတယ်။

ဒီကလေးတွေကို လွန်ခဲ့တဲ့ နှစ် ၅ဝဝ ကျော်က သတ်ဖြတ်ပြီး စတေးထားတာလို့ ယူဆနေ ကြပါတယ်။

ပီရူးက တခြားနေရာနှစ်ခုမှာလည်း ဒီလို သတ်ဖြတ်ပူဇော်ထားတဲ့ ကလေးရုပ်ကြွင်း ၂ဝဝ ကို မနှစ်က တွေ့ခဲ့ပါသေးတယ်။

တူးဖော်ရရှိတဲ့အချိန်က ဒီထဲက တချို့ကလေးအလောင်းတွေမှာ ဆံပင်နဲ့ အရေပြားတွေ ကျန်နေတာကို တွေ့ရတယ်လို့ ရှေးဟောင်းပညာရှင်တွေက အေအက်ဖ်ပီ သတင်းဌာနကို ပြောပါတယ်။

ဒီကလေးတွေကို ရာသီဥတု စိုစွတ်တဲ့အချိန်မျိုးမှာ သတ်ဖြတ်ပြီး ပင်လယ်ဘက်ကို မျက်နှာမူ မြှုပ်နှံထားတာ တွေ့ရပါတယ်။ ဒါက ချီမူလူမျိုးတွေ ပူဇော်ပသကြတဲ့ နတ်တွေကျေနပ်အောင် ယဇ်ပူဇော်တဲ့ပုံ ရှိတယ်လို့လည်း ဆိုပါတယ်။

ဘယ်နှစ်က သတ်ဖြတ်ခဲ့တယ် ဆိုတာတော့ မသိရသေးပါဘူး။

ချီမူတွေဟာ တခါက ပီရူး မြောက်ပိုင်းကမ်းရိုးတန်းမှာ နေခဲ့တဲ့ အင်အားကြီး လူမျိုးစု တခု ဖြစ်ပါတယ်။ အင်ကာတွေ သူတို့ကို အနိုင်ယူစိုးမိုးခဲ့ချိန်ထိ ခရစ်နှစ် ၁၂ဝဝ နဲ့ ၁၄ဝဝ ကြားမှာ သူတို့ ကောင်းစား ခဲ့ကြပါတယ်။ အင်ကာတွေရဲ့ နိုင်ငံကိုတော့ စပိန်တွေက သိမ်းပိုက်ခဲ့ကြပါတယ်။

 နောက်ထပ် ဒီလိုရုပ်ကြွင်းတွေ ထွက်လာနိုင်တယ်လို့ ရှေးဟောင်းသုတေသီတွေ ယူဆ
သူတို့က ရှီဆိုတဲ့ လနတ်ဘုရားကို ကိုးကွယ်ကြပြီး လက နေထက်ပိုပြီး အင်အားကြီးတယ်လို့ ယူဆကြပါတယ်။ အင်ကာတွေက နေကို ကိုးကွယ်တာပါ။ သူတို့နတ်ပူဇော်ပွဲတွေမှာ ဒီလို စတေးသတ်ဖြတ်မှု တွေ လုပ်လေ့ရှိပါတယ်။

ဒီလို အစုလိုက် မြှုပ်ထားတာကို တွေ့တဲ့နေရာမှာ ဆက်ပြီး တူးဖော်မှုတွေ လုပ်နေကြပါတယ်။ နောက်ထပ်ရုပ်ကြွင်းတွေ ထပ်ထွက်လာနိုင်တယ်လို့လည်း ရှေးဟောင်းပညာရှင်တွေက ပြောဆိုပါတယ်။

ဘယ်နေရာတူးတူး၊ တူးလိုက်တိုင်း နောက်ထပ်ကလေး ရုပ်ကြွင်းတခုကတော့ တွေ့ရတာပဲလို့ ရှေးဟောင်းသုတေသနမှူး ဖရန်ကက်စတီလိုက အေအက်ဖ်ပီကို ပြောပါတယ်။

 မနှစ်ကလည်း ကလေး ၂ဝဝ ကျော်ရဲ့ ရုပ်ကြွင်းတွေ တူးဖော်ရခဲ့ဖူး 

BBC Burmese
https://www.bbc.com

ပင်လယ်ပြင်ကို ရေလုပ်သားတွေ မပိုင်ဘဲ ဦးရှင်ကြီးပိုင်ဟု လွှတ်တော်မှာဆွေးနွေး

 လက်ရှိငါးလုပ်ငန်းဥပေဒကြောင့် ရေလုပ်သားတွေဟာ မကြာခဏ ဖမ်းဆီးထောင်ချခံနေရ
အမျိုးသားလွှတ်တော်မှာ သြဂုတ်လ ၂၉ ရက်နေ့က ကျင်းပခဲ့တဲ့ အစည်းအဝေးမှာ မြန်မာ့ပင်လယ်ပြင်ကြီးကို ရေလုပ်သားတွေ မပိုင်ဘဲ ရေငံပိုင်ဦးရှင်ကြီးကသာ ပိုင်နေပါတယ် လို့ တနင်္သာရီတိုင်း အမျိုးသားလွှတ်တော်ကိုယ်စားလှယ် ဦးဥက္ကာမင်း ကပြောဆိုဆွေးနွေးခဲ့ပါတယ်။

၁၉၉၀ ခုနှစ်က ရေးဆွဲခဲ့တဲ့ ငါးလုပ်ငန်းဥပဒေဟာ လက်တွေ့ ပင်လယ်ပြင်ရေလုပ်သားတွေဘဝ နဲ့ ကင်းကွာနေပြီးတော့ ဒီဥပဒေပြင်ဆင်ဖို့ ကြိုးပမ်းတဲ့ လွှတ်တော်ကိုယ်စားလှယ်တွေကို ဥပဒေကြမ်းဟာ ဥပဒေချုပ်ရုံးရောက်နေတယ်လို့ သက်ဆိုင်ရာကပြောထားတယ်လို့သူကဆိုပါတယ်။

အစိုးရ သက်တမ်း ၃နှစ်ကျော်လာပြီဖြစ်ပြီး ဥပဒေ ဘယ်အခြေနေ ရောက်နေပြီလဲ ဆိုတာကို ဦးဥက္ကာမင်းက မေးခွန်းမေးရင်း မြန်မာပင်လယ်ပြင်ဟာ ပင်လယ်ငါးဖမ်းရေလုပ်သားတွေမပိုင် ဘဲ ပင်လယ်ပြင်ကိုဦးရှင်ကြီးပိုင် နေပါပြီ လို့ အခုလိုထည့်သွင်းပြောသွားတာပါ။

အမျိုးသားလွှတ်တော်ဥက္ကဋ္ဌကတော့ အခုလို ပြောဆိုမှုကို မဖွယ်မရာပြောဆိုမှုလို့ သတ်မှတ်ပြီး၊ နောက်ပိုင်းမှာ အခုလိုပြောဆို ဆွေးနွေးသွားတဲ့ ဦးဥက္ကာမင်းကို သတိပေးခဲ့ပါတယ် ။

 မြန်မာနိုင်ငံရဲ့ငါးလုပ်ငန်း ဥပဒေဟာ နှစ်ပေါင်း ၃၀ ခန့်သက်တမ်းရှိနေ

လွှတ်တော်မှာ ဥပဒေကြမ်း ပြင်ဆင်ဖို့ဆိုတာဟာ လွှတ်တော်ကိုယ်စားလှယ်နဲ့ အစိုးရဝန်ကြီးဌာန တွေက သာပြင်ဆင်ကြပြီး တော့ တနင်္သာရီတိုင်းက လွှတ်တော်ကိုယ်စားလှယ်တွေဟာ လွှတ်တော်သက်တမ်းအတွင်း ပြင်ဆင်ဖို့ ကြိုးပမ်းခဲ့ပါတယ်။

ဝန်ကြီးဌာနက ကြီးကြပ်မှုအားနည်းနေလို့ ဒီဥပဒေဟာ ကြန့်ကြာနေတာလို့ လည်း ဦးဥက္ကာမင်းက မေးခွန်း မေးမြန်းဆွေးနွေးမှုမှာ ပြောဆိုဆွေးနွေးသွားခဲ့ပါတယ်။

ဒါ့အပြင် ဒီဥပဒေဟာ တနင်္သာရီတိုင်း တစ်ခုတည်း အတွက်မဟုတ် မွန်၊ ဧရာဝတီ၊ရခိုင် စတဲ့ကမ်းရိုးတန်းနဲ့ ဆက်စပ်ဒေသတွေ အတွက်လည်း အရေးပါတယ်လို့ သူက ပြောပါတယ် ။

အမျိုးသားလွှတ်တော် ဥက္ကဋ္ဌဟာ ဒီအဆို ဆွေးနွေးသွားတဲ့ ဦးဥက္ကာမင်းကို စိုက်ပျိုး၊မွေးမြူရေးနဲ့ဆည်မြောင်း ဝန်ကြီးဌာနက ပြန်လည်ဖြေ ကြားမှုအပြီးမှာ၂၀၀၈ အခြေခံ ဥပဒေ ပုဒ်မ ၅ အရ နိုင်ငံရဲ့လေထု၊မြေထု၊ရေထု ကို အခြေခံ ဥပဒေ တည်ရှိသည့်နေ့တွင် ပါရှိသည့်အတိုင်းအတည်ဖြစ်သည်လို့ပါရှိတဲ့ အတွက် မေးခွန်းပါ ပြောဆိုချက်ကို မှတ်တမ်းက ပယ်ဖျက်ကြောင်းကြေညာခဲ့ပါတယ်။

ပင်လယ်ပြင် ငါးဖမ်းခြင်းလုပ်ငန်းကို ဥပဒေနဲ့အညီ လုပ်ကိုနိုင်ဖို့ အရေးကြီး
မြန်မာနိုင်ငံရဲ့လက်ရှိ ငါးလုပ်ငန်း ဥပဒေဟာ ၁၉၉၀ ပြည့်နှစ် တပ်မတော် အစိုးရ လက်ထက်က ဥပဒေ ဖြစ်ပြီးတော့ နှစ်ပေါင်း ၃၀ ခန့်သက်တမ်းရှိနေပြီ ဖြစ်ပါတယ်။

ဒါကြောင့် ဦးဥက္ကာမင်းက ခေတ်ကာလ အခြေအနေ၊ လုပ်ငန်းအမျိုးအစား၊ ရာသီဥတု၊ နည်းစနစ်တွေနဲ့သင့်တော်မှုမရှိတော့ကြောင်း လက်ရှိတည်ဆဲဥပဒေတွေ အရ ရေလုပ်သားတွေဟာ မကြာခဏ ဖမ်းဆီးထောင်ချခံနေရတာတွေရှိကြောင်း ကိုလည်း ထောက်ပြပြောဆို ဆွေးနွေးသွားပါတယ်။

ဒါကြောင့် ပင်လယ်ပြင်မှာ လုပ်ကိုင်နေတဲ့ ရေလုပ်သားတွေဟာ မိမိဒေသမှာ ပင်လယ်ပြင် ငါးဖမ်းခြင်းလုပ်ငန်းကို ဥပဒေနဲ့အညီ လုပ်ကိုနိုင်ဖို့ အရေးကြီးတဲ့ အတွက် ဦးဥက္ကာမင်းကို စိုက်ပျိုး၊ မွေးမြူရေး နဲ့ဆည်မြောင်း ဝန်ကြီးဌာနကို ငါးလုပ်ငန်း ဥပဒေ ဘယ်အခြေအနေ ရောက်နေပြီလဲ၊ဘယ် အချိန်မှာ လွှတ်တော်တင်နိုင်မလဲဆိုတာကို မေးမြန်းတာ ဖြစ်ပါတယ်။

ဝန်ကြီးဌာနဘက်ကတော့ ဒီဥပဒေဟာ အရင်အစိုးရလက်ထက်က ဒီဥပဒေကို ဖြည့်စွက် ပြင်ဆင်ပြဌာန်းဖို့ လိုတာကြောင့် ပြန်လည်ရေးဆွဲပြီး ပြည်ထောင်စု လွှတ်တော်ကို တင်ခဲ့ပါတယ်။ ၂၀၁၆ ခုနှစ်ထဲအစိုးရသစ် လက်ထက်မှာ ပြန်လည် ပြင်ဆင်ညွှန်ကြားခဲ့ပါတယ်။

ဥပဒေကြမ်းအပေါ်ဟိုဘဏ် သဘောထားတောင်းထားဆဲ
ပြန်လည်ပြင်ဆင်ပြီး ပြည်ထောင်စုဥပဒေချုပ်ရုံးသဘောထားရယူပြီးတော့၂၀၁၇ ခုနှစ်မှာ အစိုးရအဖွဲ့ကို တင်ပြရာမှာလည်း ကျစ်လစ်စွာ ပြန်လည်ရေးဆွဲဖို့ ဖြစ်လာပြီး ပြန်လည်ရေးဆွဲ နေတာပါလို့လည်း စိုက်ပျိုးရေး မွေးမြူရေး ဆည်မြောင်း နဲ့ ငါးလုပ်ငန်းဝန်ကြီးဌာန ဒုတိယ ဝန်ကြီးဦးလှကျော် ကပြန်လည်ရှင်းလင်းပြောဆို သွားခဲ့ပါတယ် ။

ဒီဥပဒေ ဟာ ပညာရှင်တွေ အကြံညဏ် ယူပြီးရေးဆွဲခဲ့တဲ့ အကြိမ်အရေအတွက် ဟာ ၁၁ကြိမ် ရှိပြီလို့လည်း ဒုဝန်ကြီးကပြောပါတယ်။

၂၀၁၉ ခုနှစ် ဇွန်လထဲမှာတော့ ပြည်ထောင်စု အစိုးရအဖွဲ့အစည်းဝေးကို တင်ပြခဲ့ပြီး တော့ စီမံ၊ဘဏ္ဍာ ဝန်ကြီးဌာန သဘောထားမှတ်ချက်တောင်းဖို့ အကြံပေးခဲ့ပါတယ်။ အဲဒီနောက် စီမံ၊ဘဏ္ဍာ က ဗဟိုဘဏ် သဘောထားတောင်းဖို့ ထပ်မံ ပြောခဲ့ပြီး အခု လက်ရှိ ဗဟိုဘဏ် သဘောထားတောင်းထားဆဲ ဖြစ်ပါတယ်လို့ လည်း ဒုဝန်ကြီးကပြောပါတယ်။

ဗဟိုဘဏ်က သဘောထားရရင် ပြည်ထောင်စု အစိုးရအဖွဲ့ထံတင်ပြီး လွှတ်တော်ကို တင်ပြမှာ ဖြစ်တယ်လို့လည်း စိုက်ပျိုးရေး မွေးမြူရေး ဆည်မြောင်း နဲ့ ငါးလုပ်ငန်းဝန်ကြီးဌာန ဒုတိယ ဝန်ကြီးဦးလှကျော် ကပြန်လည်ရှင်းလင်းပြောဆို သွားခဲ့ပါတယ် ။

အမျိုးသားလွှတ်တော်ဥက္ကဌကတော့ မြန်မာပင်လယ်ပြင်ကြီးကို ရေငံပိုင်ဦးရှင်ကြီးကသာပိုင်နေပါတယ် လို့ တနင်္သာရီတိုင်း အမျိုးသားလွှတ်တော်ကိုယ်စားလှယ် ဦးဥက္ကာမင်း ပြောဆို တာကို မဖွယ်မရာ ပြောဆို ဆွေးနွေးတာလို့ပြောဆိုခဲ့ပြီးတော့ နောက်နောင်လွှတ်တော်အစည်းဝေးများ ပြုလုပ်ရာမှာ နဲ့ မေးခွန်းမေးမြန်းရာမှာ မဖွယ်မရာ ပြောဆိုဆွေးနွေးမှုတွေ မလုပ်ဖို့လည်း သတိပေးသွားခဲ့ပါတယ်။

BBC Burmese
https://www.bbc.com

သဘာဝပတ်ဝန်းကျင်ထိန်းသိမ်းရေး ကျွမ်းကျင်သူတွေ မွေးထုတ်ဖို့ NLD အမတ် တိုက်တွန်းကြောင်းအဆိုတင်

ပြည်သူ့လွှတ်တော် အစည်းအဝေး ကျင်းပနေစဉ်
မြန်မာနိုင်ငံအ၀န်း သဘာဝ ၀န်းကျင်ထိန်းသိမ်းရေးလုပ်ငန်းတွေ အဆက်မပြတ် ဆောင်ရွက်သွားနိုင်ဖို့အတွက် သဘာဝ ပတ်ဝန်းကျင်ထိန်းသိမ်းရေး ကျွမ်းကျင်သူတွေကို မွေးထုတ်ပေးဖို့နဲ့ ပတ်ဝန်းကျင် ထိန်းသိမ်းရေးဦးစီး ဌာနတွေကို မြို့နယ်၊ ခရိုင်အဆင့်အထိ တိုးချဲ့ဖွဲ့စည်းပေးဖို့ အစိုးရကို တိုက်တွန်းကြောင်း အဆိုကို အမျိုးသား ဒီမိုကရေစီအဖွဲ့ချုပ် ကိုယ်စားလှယ်တစ်ဦးက ပြည်သူ့လွှတ်တော်မှာ ဒီနေ့ တင်သွင်းလိုက်ပါတယ်။

ပတ်ဝန်းကျင်ထိန်းသိမ်းရေးဆိုင်ရာ အဆိုကို အမျိုးသားဒီမိုကရေစီအဖွဲ့ချုပ် ဆင်ပေါင်ဝဲမြို့နယ် ပြည်သူ့လွှတ်တော် ကိုယ်စားလှယ် ဦးနေထက်ဝင်းက ဒီနေ့ ကျင်းပတဲ့ ပြည်သူ့လွှတ်တော် အစည်းအဝေးမှာ တင်သွင်းခဲ့တာဖြစ်ပါတယ်။

မြန်မာနိုင်ငံမှာ ကြုံတွေ့နေရတဲ့ သဘာဝဘေးအန္တရာယ်တွေကို ကာကွယ်ဖြေရှင်းနိုင်ဖို့အတွက် သဘာဝပတ်ဝန်းကျင် ထိန်းသိမ်းရေး ပညာရပ်ကျွမ်းကျင်သူတွေ အများအပြားလိုအပ်နေပြီး၊ မြို့နယ်အဆင့်အထိ ပတ်ဝန်းကျင်ထိန်း သိမ်းရေးလုပ်ငန်းတွေ ဆောင်ရွက်လာနိုင်ဖို့အတွက် ရည်ရွယ်တင်သွင်းခဲ့တာဖြစ်ကြောင်း ဦးနေထက်ဝင်းက ရှင်းပြပါတယ်။

မြန်မာနိုင်ငံမှာ ပတ်ဝန်းကျင်ထိန်းသိမ်းရေးဦးစီးဌာနကို ၂၀၁၂ ခုနှစ်က စတင်ဖွင့်လှစ်ခဲ့တာဖြစ်ပြီး အခုလက်ရှိမှာ အရာထမ်းဝန်ထမ်း စုစုပေါင်း ၁၀၂၈ ဦးသာရှိတယ်လို့ သူက ဆိုပါတယ်။ ဒီဦးစီးဌာနဟာ တိုင်းနဲ့ ပြည်နယ်တွေမှာ ရှိထားပေမယ့် လောလောဆယ် ခရိုင်နဲ့ မြို့နယ်တွေမှာ မရှိသေးပါဘူး။ ဒါ့ကြောင့် တိုးချဲ့ဖွင့်လှစ်ပေးဖို့၊ အဲဒီလို တိုးချဲ့လိုက်ရင် မြို့နယ်အဆင့်ထိ သဘာဝ ပတ်ဝန်းကျင်ဆိုင်ရာပြဿနာတွေ ဖြေရှင်းဆောင်ရွက်နိုင်မှာဖြစ်သလို ပြည်သူတွေကိုလည်း သဘာဝပတ်ဝန်း ကျင်ထိန်းသိမ်းစောင့်ရှောက်တဲ့ စိတ်တွေဖြစ်လာအာင် အသိပညာပေးနိုင်မှာ ဖြစ်တယ်လို့ ဦးနေထက်ဝင်းက ဆက်လက်ရှင်းပြပါတယ်။

ဝန်းသိုမဲဆန္ဒနယ်က ပြည်သူ့လွှတ်တော် ကိုယ်စားလှယ် ဦးနေစိုးအောင်ကလည်း  ဦးနေထက်ဝင်းရဲ့ အဆိုကို ထောက်ခံဆွေးနွေးခဲ့ပါတယ်။

ဦးနေထက်ဝင်းရဲ့ အဆိုကို ပြည်သူ့လွှတ်တော်မှာ လက်ခံဆွေးနွေးဖို့ သင့်၊ မသင့် မဲခွဲဆုံးဖြတ်ရာမှာတော့ ကန့်ကွက် သူမရှိတဲ့အတွက် လွှတ်တော်မှာ လက်ခံဆွေးနွေးဖို့ အတည်ပြုလိုက်တာပါ။ အဆိုကို အခုလို အတည်ပြုပြီး မြို့နယ် အဆင့် လက်တွေ့ဆောင်ရွက်သွားမယ်ဆိုရင် သဘာဝ ၀န်းကျင်ထိန်းသိမ်းရေးနဲ့ ပတ်သက်ပြီး အနာဂါတ်မှာ ပိုကောင်းလာနိုင်တယ်လို့လည်း ဦးနေထက်ဝင်းက လွှတ်တော်အပြီးမှာ ပြောကြားသွားပါတယ်။

မြန်မာနိုင်ငံမှာ ၂၀၀၈ ခုနှစ် နာဂစ်မုန်တိုင်းကစလို့ မုန်တိုင်းအန္တရာယ်တွေ၊ ငလျင်ဘေး အန္တရာယ်တွေအပြင် အပူရှိန်မြင့်တက်တာတွေ၊ ရေကြီးရေလျှံတာတွေ နှစ်စဉ်လိုလို ကြုံတွေ့လာနေရပါတယ်။  ဒီလထဲမှာပဲ မွန်၊ ကရင်၊ ပဲခူး၊ တနင်္သာရီ စတဲ့ဒေသတွေမှာ ရေကြီးရေလျှံမှုနဲ့ နောက်ဆက်တွဲ မြေပြိုမှုတွေကြောင့် အသက်အိုးအိမ်ဆုံးရှုံး မှုတွေ ဖြစ်ပွားခဲ့ပါတယ်။

မြန်မာနိုင်ငံမှာ ၁၉၉၀ ကနေ ၂၀၁၅ ခုနှစ်အထိ နှစ်ပေါင်း ၂၅ နှစ်အတွင်းမှာ သဘာဝဘေးအန္တရာယ် ၃၈ ခုကို ကြုံတွေ့ခဲ့ရပြီး၊ လူပေါင်း တစ်သိန်း သုံးသောင်းကျော် သေဆုံးခဲ့ကာ လူဦးရေ ၁၃ သန်းကျော် ဘေးအန္တရာယ် ခံစားခဲ့ရ ကြောင်းလည်း အဆိုကို ထောက်ခံဆွေးနွေးတဲ့ ဦးနေစိုးအောင်ရဲ့ ဆွေးနွေးချက်တွေမှာ ဖော်ပြထားပါတယ်။

RFA Burmese
https://www.rfa.org

မူးယစ်ဆေးပြား ၂၆ သိန်းကျော် ဖမ်းဆီးရမိမှု AA နဲ့ ပတ်သက်တယ်လို့ ရဲတပ်ဖွဲ့ထုတ်ပြန်

မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့ရဲ့ ဖမ်းဆီးရမိသူတွေထဲက မခိုင်ခိုင် ကို တွေ့ရစဉ်
Photo: CCDAC Myanmar
ရန်ကုန်ကနေ စစ်တွေမြို့ကို တင်ပို့မယ့် စိတ်ကြွရူးသွပ်ဆေးပြားပေါင်း ၂၆ သိန်းကျော်ကို ရန်ကုန်၊ အမ်းနဲ့ မင်းပြားမြို့နယ်တွေမှာ ဖမ်းဆီးရမိခဲ့တယ်လို့ မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့က မနေ့က သတင်းထုတ်ပြန်ပါတယ်။

အဲဒီမူးယစ်ဆေးတွေနဲ့အတူ ဖမ်းဆီးရမိသူတွေထဲမှာ တစ်ဦးဖြစ်တဲ့ မခိုင်ခိုင် ဆိုသူရဲ့ ထွက်ဆိုချက်အရ သူမဟာ ၂၀၁၅ ခုနှစ်မှာ ထိုင်းနိုင်ငံကို တရားမဝင်သွားရောက် အလုပ်လုပ်ကိုင်စဉ် AA အဖွဲ့ဝင်အဖြစ် တာဝန်ထမ်းဆောင်ကာ AA အဖွဲ့အတွက် စည်းရုံးလူသစ်စုဆောင်းတာ၊ ရန်ပုံငွေရရှိရေးအတွက် မူးယစ်ဆေးဝါး တရားမဝင်သယ်ဆောင်ရောင်းဝယ် ဖြန့်ဖြူးတာတွေကို လုပ်ကိုင်ခဲ့ကြောင်း၊ အရင်ကလည်း ရန်ကုန်-စစ်တွေ ခရီးသည်တင်ယာဉ်တွေကို အသုံးပြုပြီး မူးယစ်ဆေးဝါး တွေ ငါးကြိမ်လောက် ပို့ပေးခဲ့ပြီးဖြစ်ကြောင်းလည်း ရဲတပ်ဖွဲ့က စွပ်စွဲထားပါတယ်။

သူဟာ ရန်ကုန်မြို့ ဒဂုံမြို့သစ် ဆိပ်ကမ်းမြို့နယ်မှာ အိမ်ငှားနေထိုင်သူဖြစ်ပြီး ကွင်းဆက် တရားခံတွေရဲ့ ဖော်ထုတ်ချက်တွေအရ အခုလို ဖမ်းဆီးရမိခဲ့တာလို့ ဆိုပါတယ်။

သူမရဲ့နေအိမ်မှာဆိုလည်း ဆေးပြား ခြောက်ထောင်ကျော်၊ ရန်ကုန် အောင်မင်္ဂလာအဝေးပြေးဝင်းက လေးဝတီနဲ့ မင်းထက်သာ ယာဉ်လိုင်းဂိတ်တွေမှာ ဆာလာအိတ်ထဲ အဝတ်အစားတွေနဲ့အတူဝှက်ပြီး စစ်တွေမြို့ကိုပို့ဆောင်မယ့် အိတ်တွေထဲက စိတ်ကြွရူးသွပ်ဆေးပြား ၁၀ သိန်းကျော်၊ အမ်းမြို့ ပူးပေါင်းစစ်ဆေးရေးဂိတ်မှာ မင်းထက်သာ ခရီးသည်တင်ယာဉ်ပေါ်ကနေ စိတ်ကြွရူးသွပ်ဆေးပြား ၇.၅ သိန်း မင်းပြားမြို့၊ ရာမောင် တံတားကူးနေရာမှာ လေးဝတီ ခရီးသည်တင်ယာဉ်ပေါ်ကနေ စိတ်ကြွရူးသွပ်ဆေး ပြား ခုနှစ်သိန်းခွဲနီးပါးတို့ကို ရှာဖွေတွေ့ရှိခဲ့ပြီး စုစုပေါင်း စိတ်ကြွရူးသွပ်ဆေးပြား ၂၆ သိန်းကျော်ကို သိမ်းဆည်းရမိခဲ့တယ်လို့ မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့က သတင်းထုတ်ပြန်ထားပါတယ်။

AA နဲ့ပတ်သက်မှုရှိတယ်ဆိုတဲ့ အချက်နဲ့ပတ်သက်ပြီး RFA က ခိုင်သုခကို ဆက်သွယ်မေးမြန်းရာမှာ မခိုင်ခိုင်ဟာ အရင်က AA တပ်ဖွဲ့ဝင်ဖြစ်ခဲ့ပြီး AA ကနေ တရားဝင်နုတ်ထွက်ထားတာ သုံးနှစ်လောက်ရှိနေပြီဖြစ်ကြောင်း AA နဲ့ ပတ်သက်ဖူးတယ်ဆိုတာနဲ့ ခုလိုမျိုး ခုတုံးလုပ် စွပ်စွဲတာသာဖြစ်ကြောင်း ပြောပါတယ်။

RFA Burmese
https://www.rfa.org

ဒုက္ခသည်တွေ မပြန်နိုင်တဲ့အကြောင်း တာဝန်ရှိသူရှင်းလင်း

မောင်တောရှိ လက်ခံရေးစခန်း
ရခိုင်မြောက်ပိုင်းမှာ တဖက်နိုင်ငံက ဒုက္ခသည်တွေကို ပြန်ခေါ်မယ့်အစီအစဉ်အတွက် ပြင်ဆင် ဆောင်ရွက်မှုတွေ၊ ဖြစ်ထွန်းနဲ့ပတ်သက်ပြီး ဗွီအိုအေ သတင်းထောက်အပါအ၀င် သတင်းသမား အဖွဲ့တွေ အခု ရခိုင်မြောက်ပိုင်း မောင်းတောမြို့နယ်ထဲကို ရောက်ရှိနေပါတယ်။

ဒီကနေ့မှာတော့ ဒုက္ခသည်တွေကို ယာယီထားဖို့ ပြင်ဆင်ထားတဲ့ လှဖိုးခေါင်ကြားစခန်းကို ရောက်ရှိလေ့လာခဲ့ကြသလို၊ မောင်တောမြို့မှာတော့ ဒု မြိ့နယ်အုပ်ချုပ်ရေးမှုး ဦးရဲထူးက အခြေအနေတွေနဲ့ပတ်သက်လို့ သတင်းသမားတွေကို ရှင်းလင်းပြောကြားမှုလုပ်ပါတယ်။ ဒီ ခရီးစဉ်မှာပါသွားတဲ့ ဗွီအိုအေသတင်းောထက် ကိုမိုးဇော်ကို - ကိုသားညွန့်ဦး ဆက်သွယ်မေးမြန်းစဉ် သူက အခုလိုစဖြေပါတယ်။

ကိုမိုးဇော်။ ။ ကျနော်တို့ ရောက်တဲ့အခါမှာ မောင်တောမြို့က ဒုခရိုင်အုပ်ချုပ်ရေးမှူး ဦးရဲထူးကနေမှ ကျနော်တို့ကို ပြန်လည်လက်ခံရေးအခြေအနေနဲ့ ပတ်သက်ပြီးတော့ ရှင်းလင်းပါတယ်။ တဖက်နိုင်ငံမှာ ရောက်ရှိနေတဲ့ ဒုက္ခသည်တွေနဲ့ တွေ့တဲ့အခါ အုပ်စု ၃ ခုရှိတယ်ဆိုပြီးတော့ သူတို့သုံးသပ်တယ်။ ပထမအုပ်စုကတော့ မြန်မာနိုင်ငံကို ပြန်မလာချင်ဘူး ၊ တတိယနိုင်ငံကို သွားဖို့အတွက် ကြိုးစားနေတဲ့ သွားချင်တဲ့ အုပ်စု ဆိုပြီးတော့ ရှိတယ်လို့ သူတို့သုံးသပ်တယ်။ နောက်တစုက ARSA အကြမ်းဖက်မှုတွေမှာ ပါဝင်ပတ်သက်ပြီးတော့ ပြစ်မှုကျူးလွန်ထားတဲ့ သူတွေ ရှိမယ်။ အဲဒီလူတွေက ပြန်မလာလိုတဲ့ သဘောလို့ သုံးသပ်တယ်။ နောက်တစုကတော့ မြန်မာပြည်ကို ပြန်လာချင်တယ်။ အဲဒီအစုကတော့ သူတို့ဆွေမျိုးတွေလည်း မြန်မာပြည်မှာရှိတယ်။ နောက်လယ်ယာတွေ၊ ပုဇွန်ကန်တွေ စတဲ့ သူတို့ရဲ့ စီးပွားရေးလုပ်ငန်းတွေ ရှိတယ် ၊ ရှိတဲ့အတွက် သူတို့က ပြန်လာချင်ကြတယ်။ ဒါပေမယ့် သူတို့က ပြန်လာဖို့ ကြိုးစားတဲ့အချိန်မှာ တဖက်မှာ အခြားလွှမ်းမိုးမှုတွေ ရှိတာကြောင်း ပြန်မလာနိုင်ဘူးဆိုပြီးတော့ သူတို့ပြောပါတယ်။

ကိုသားညွှန့်ဦး။ ။ ပြန်လာဖို့ဆိုပြီးတော့ ကုလအပါအ၀င် နိုင်ငံတကာ တော်တော်များများက ပြောပါတယ်။ မြန်မာဘက်မှာ အဆင်သင့်မရှိသေးဘူး လုံခြုံရေးအရရော စီးပွားရေးအရရော စီမံဆောင်ရွက်ထားတဲ့အနေအထားမရှိသေးဘူးလို့ပြောပါတယ်။ အဲဒီတော့ ကြိုဆိုလက်ခံရေးအစီအစဉ်နဲ့ ပတ်သက်လို့ သူတို့ဆောင်ရွက်ထားတာနဲ့ ပတ်သက်လို့ ဘာများပြောပါသေးသလဲ။

ကိုမိုးဇော်။ ။ လှဖိုးခေါင် စခန်းမှာဆိုရင် လူ ၃ သောင်းလောက် နေထိုင်ဖို့အတွက်ကို စီစဉ်ဆောင်ရွက်ထားတယ်။ လက်တလောမှာ လူ ၃ထောင်လောက် စားဖို့အတွက် စားနပ်ရိက္ခာတွေ လုပ်ထားတယ်။ နောက်ကျန်းမာရေးကိစ္စတွေ တခြား နေရေးထိုင်ရေးကိစ္စတွေ အားလုံးအတွက်ကို သူတို့စီစဉ်ထားတယ်ဆိုပြီးတော့မှ ပြောပါတယ်။

ကိုသားညွှန့်ဦး။ ။ လုံခြုံရေးအပိုင်းနဲ့ ပတ်သက်လို့ရော ရခိုင်မြောက်ပိုင်းမှာက AA လက်နက်ကိုင်အဖွဲ့နဲ့ တိုက်ပွဲတွေ ပြန်ဖြစ်နေတဲ့အခါကျတော့ လုံခြုံရေးအပိုင်းနဲ့ ပတ်သက်လို့ရော ဘယ်လိုပြင်ဆင်ဆောင်ရွက်တာရှိလဲ။ လုံခြုံရေးက စိုးရိမ်နိုင်တဲ့အနေအထားရော ရှိပါသလား။

ကိုမိုးဇော်။ ။ ကျနော်တို့ လှဖိုးခေါင်စခန်းကို ရောက်တဲ့အခါမှာတော့ အဲဒီမှာရှိတဲ့ လုံခြုံရေး အဖွဲ့ဝင်တွေနဲ့ တွေ့ဆုံပါတယ်။ လှဖိုးခေါင်စခန်းက အာဏာပိုင်တွေကိုလည်းမေးမြန်းပါတယ်။ မေးတော့ လှဖိုးခေါင်စခန်းပတ်ပတ်လည်မှာဆိုရင် လုံခြုံရေး အဖွဲ့ဝင်တွေနေရာချထားတာ တပ်တွေနေရာချထားတာ ရှိတယ်ပေါ့ အဲဒီအလယ်မှာမှ လှဖိုးခေါင်စခန်းကိုထားတဲ့အတွက် လုံခြုံရေးအရကတော့ သူတို့ဘက်က ပြဿနာမရှိဘူးပေါ့။ ဦးရဲထူးက ဖြေကြားတာကတော့ မောင်တောခရိုင်မှာ မောင်တောမြို့နယ်နဲ့ ဘူးသီးတောင်မြို့နယ်ဆိုပြီးတော့ ၂ ခုခွဲထားတယ်။ အဲဒီ ၂ ခုမှာ မောင်တောမှာတော့ တိုက်ပွဲဖြစ်ပွားတာမရှိဘူး။ ဘူးသီးတောင်မြို့နယ်ထဲက တချို့နယ်စပ်ဒေသတွေမှာတော့ ဘူးသီးတောင်အနီးတ၀ိုက်ဒေသမှာတော့ တိုက်ပွဲဖြစ်ပွားတာရှိတယ်လို့ ပြောပါတယ်။

ကိုသားညွှန့်ဦး။ ။ အခု ၂၂ သြဂုတ်လတုန်းက ဒုတိယအကြိမ်ပေါ့နော် မြန်မာအစိုးရ ကနေကြိုးပမ်းတယ် မအောင်မြင်ဘူး။ အဲဒီတော့ ဘင်္ဂလားဒေ့ရ်ှဘက်ရောက်နေတဲ့ ရိုဟင်ဂျာဒုက္ခသည်တွေ ပြန်လာနိုင်တဲ့အနေအထားနဲ့ ပတ်သက်လို့ ဘာများပြောတာတွေ့သလဲခင်ဗျ။

ကိုမိုးဇော်။ ။ ကျနော်တို့ ဦးရဲထူးနဲ့ မေးမြန်းတဲ့အခါမှာ ဒီလိုပြန်လာဖို့ လူတွေရှိ မရှိဆိုတဲ့ မေးမြန်းတဲ့အခါ သူပြောတာကတော့ ပြန်လာဖို့ဆိုပြီး သူ့ကို ဆက်သွယ်လာတဲ့လူ ၈၀ ကျော်လောက်ရှိတယ်ဆိုပြီးမှ ပြောတယ်။ အဲဒီလူတွေက အမှန်တကယ် မြန်မာနိုင်ငံမှာ နေထိုင်ခဲ့ဖူးတယ်။ မြန်မာနိုင်ငံမှာ နေထိုင်ခဲ့ဖူးကြောင်း အထောက်အထားတွေ ရှိတယ်ဆိုပြီး အဲဒါမျိုးတွေကို သူတို့ ပြန်လည်လက်ခံဖို့အတွက် ပြောပါတယ်။ လောလောဆည်မှာတော့ စုစုပေါင်း ၂၆၅ ယောက်ပေါ့ အိမ်ထောင်စု ၁၃၉ ဦးပြန်ထားတာရှိတယ်ပေါ့။

ကိုသားညွှန့်ဦး။ ။ ဟုတ်ကဲ့အဲဒီတော့ သူ့အစီအစဉ်နဲ့ သူ ပြန်လာတာပဲရှိတယ် ၂ နိုင်ငံ ပူးပေါင်း ဆောင်ရွက်နေတဲ့ နေရပ်ပြန်ရေးဆိုတဲ့ အစီအစဉ်နဲ့ ပတ်သက်လို့ ပြန်လာတာ တယောက်မှ မရှိသေးဘူးပေါ့။

ကိုမိုးဇော်။ ။ မရှိသေးဘူးခင်ဗျ။ ပြန်လာတဲ့သူတွေကို သူတို့တွေက ဒီမှာလည်း မိသားစုတွေရှိတယ် ဆွေမျိုးသားချင်းတွေရှိတယ်။ သူတို့ရဲ့ နေအိမ်တွေလည်းရှိတယ် ဒီမှာလည်း အရင်က နေထိုင်ခဲ့ဖူးတဲ့ သူတွေဖြစ်တယ်ဆိုတော့ ကြားစခန်းပေါ့လေ ငါးခူရတို့ တောင်ပြိုလက်ဝဲတို့ စခန်းတွေမှာ စိစစ်လက်ခံလိုက်တယ်။ လက်ခံပြီးတဲ့အချိန် လှဖိုးခေါင်ကြားစခန်းမှာ ခေတ္တထားပြီးတော့ သူတို့ နေရပ်ရင်းတွေကိုလည်း ပြန်ပို့တယ်လို့ လှဖိုးခေါင်စခန်းတာဝန်ခံက ပြောပါတယ်ခင်ဗျ။

မောင်တောမြိုကို ရောက်ရှိနေတဲ့ ဗွီအိုအေ သတင်းထောက် ကိုမိုးဇော်ကို - ကိုသားညွန့်ဦး ဆက်သွယ်မေးမြန်းခဲ့တာပါ။

ကိုမိုးဇော်
သားညွန့်ဦး/ ဗွီအိုအေ (မြန်မာပိုင်း)
https://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ