ပုဂံဒေသရှိ ရှေးဟောင်းစေတီပုထိုးများ (မတ်၊ ၁၄၊ ၂၀၁၇) |
ပုဂံယဉ်ကျေးမှု အမွေအနှစ်ဒေသကို ကမ္ဘာ့အမွေအနှစ်စာရင်းသို့ ထည့်သွင်းလိုက်တဲ့အပေါ် ကမ္ဘာ့အမွေအနှစ်ကော်မတီ အဖွဲ့ဝင်နိုင်ငံများက လှိုက်လှိုက်လှဲလှဲ ထောက်ခံခဲ့ကြပါသည်။ အခုလို ကမ္ဘာ့အမွေအနှစ်အဖြစ် ထည့်သွင်း သတ်မှတ်လိုက်တဲ့အပေါ်မှာ မြန်မာအစိုးရနဲ့ ပြည်သူတွေကိုယ်စား အထူးပဲ ကျေးဇူးတင်တယ်လို့ ယူနက်စကိုဆိုင်ရာ မြန်မာအမြဲတမ်းကိုယ်စားလှယ်/ သံအမတ်ကြီး ဦးကျော်ဇေယျက ဒီကနေ့ အခမ်းအနားအတွင်း ပြောကြားလိုက်ပါတယ်။
ပုဂံဒေသကို ကမ္ဘာ့အမွေအနှစ် စာရင်းဝင်ဖို့အတွက် နိုင်ငံတကာ အထိမ်းအမှတ်အဆောက်အအုံနှင့် နေရာဒေသများ ကောင်စီ (ICOMOS) အဖွဲ့မှ ပညာရှင် တဦးက ၂၀၁၈ စက်တင်ဘာ တွင် ၁၀ ရက်ကြာ လာရောက် စစ်ဆေးခဲ့ပြီးတဲ့နောက် ICOMOS အဖွဲ့က ပုဂံဒေသကို ယူနက်စကို စာရင်းဝင်ဖို့အတွက် ထောက်ခံပေးခဲ့တာ ဖြစ်ပါတယ်။
ပုဂံဒေသရှိ ရှေးဟောင်းစေတီပုထိုးများ (မတ်၊ ၁၄၊ ၂၀၁၇) |
အခုနှစ်မှာတော့ ကမ္ဘာ့အမွေအနှစ်အဖြစ် သတ်မှတ်ဖို့ အဆိုပြုထားတဲ့ နေရာ ၃၅ နေရာ ရှိခဲ့ပြီး အဲဒီထဲက မြန်မာနိုင်ငံက ပုဂံဒေသ အပါအဝင် ၂၁ နေရာကို ဒီနှစ်မှာ ကမ္ဘာ့အမွေအနှစ်အဖြစ်သတ်မှတ်တယ်လို့ UNESCO က ကြေငြာလိုက်တာ ဖြစ်ပါတယ် ခင်ဗျာ။
ဗွီအိုအေ (မြန်မာပိုင်း)
https://burmese.voanews.com
ပုဂံဒေသ UNESCO ကမ္ဘာ့အမွေအနှစ်စာရင်းဝင်အဖြစ် ကြေညာ
Reviewed by THITHTOOLWIN
on
07:30
Rating: