ဖွဲ့စည်းပုံပြင်ဆင်ရေး ဗိုလ်မှူးချုပ်မောင်မောင်ရဲ့ ပြောကြားချက်အပေါ် NLD အမတ် မေးခွန်းထုတ်

NLD ပါတီ ကိုယ်စားလှယ် ဦးအောင်သိန်း ကို ၂၀၁၉ ဇူလိုင် ၁၈ ရက်နေ့ကတွေ့ရစဉ်
ဖွဲ့စည်းပုံအခြေခံဥပဒေပြင်ဆင်ရေးမှာ ပြင်ဆင်ချက်တွေများလို့ တိုင်းပြည်အတွက် အန္တရာယ်ရှိလာနိုင်တယ်ဆိုတဲ့ တပ်မတော်သားလွှတ်တော်ကိုယ်စားလှယ် အစုအဖွဲ့ခေါင်းဆောင် ဗိုလ်မှူးချုပ်မောင်မောင်ရဲ့ စကားဟာ ပြည်သူက ရွေးချယ်တဲ့ ကိုယ်စားလှယ်တွေကို ခြိမ်းခြောက်တဲ့ သဘောလားလို့ အင်န်အယ်လ်ဒီပါတီကိုယ်စားလှယ် ဦးအောင်သိန်း က မေးခွန်းထုတ်လိုက်ပါတယ်။

တပ်မတော်သားကိုယ်စားလှယ်အစုအဖွဲ့ ခေါင်းဆောင် ဗိုလ်မှူးချုပ်မောင်မောင်က ဖွဲ့စည်းပုံပြင်ဆင်ရေး ပူးပေါင်းကော်မတီရဲ့အစီရင်ခံစာမှာ အချက်ပေါင်း ၃၇၆၅ ချက်ပါဝင်တာကြောင့် များပြားလွန်းတဲ့အတွက် တိုင်းပြည်အတွက် အန္တရာယ်ရှိနိုင်တယ်လို့ မနေ့က သတင်းမီဒီယာတွေကို ပြောကြားခဲ့တာပါ။

ဒါနဲ့ပတ်သက်လို့ အင်န်အယ်လ်ဒီပါတီ အမျိုးသားလွှတ်တော်ကိုယ်စားလှယ် ဦးအောင်သိန်းက အဲဒီစကားအတွက် တာဝန်ယူရမယ်လို့လည်း ဒီနေ့ တုံ့ပြန်ပြောလိုက်ပါတယ်။

အဖွဲ့ဝင် ၄၅ ဦးပါ ဖွဲ့စည်းပုံအခြေခံဥပဒေပြင်ဆင်ရေးပူးပေါင်းကော်မတီက ပြင်ဆင်၊ ဖြည့်စွက်၊ ပယ်ဖျက်ဖို့ အချက်ပေါင်း ၃၇၆၅ ချက်ကို ပြီးခဲ့တဲ့ ဇူလိုင် ၁၅ ရက် က ပြည်ထောင်စုလွှတ်တော်ထံ တင်ပြခဲ့တာပါ။

အဲဒီထဲမှာ SNLD ပါတီက အချက်ပေါင်း ၁၁၁၂ ချက်၊ ရခိုင်အမျိုးသားပါတီက ၈၅၈ ချက်၊ အာဏာရ အင်န်အယ်လ်ဒီပါတီက အချက် ၁၀၀ ကျော်နဲ့ ကြံ့ခိုင်ဖွံ့ဖြိုးရေးပါတီက ၁၀ ချက် တင်သွင်းထားတာပါ။

တပ်မတော်သားကိုယ်စားလှယ်အစုအဖွဲ့ကတော့ ဖွဲ့စည်းပုံပြင်ဆင်ရေးစတင်ကတည်းက အခန်း ၁၂ ပါပြဌာန်းချက်တွေနဲ့ မညီညွတ်လို့ဆိုပြီး ကန့်ကွက်ခဲ့သလို ဒီအစီရင်ခံစာမှာ အဆိုပြုချက်တင်သွင်းတာလည်း မရှိခဲ့ပါဘူး။

အဖွဲ့ဝင် ၄၅ ဦးပါ ဖွဲ့စည်းပုံပြင်ဆင်ရေးကော်မတီရဲ့ ပြင်ဆင်၊ ဖြည့်စွက်၊ ပယ်ဖျက်ချက်အစီရင်ခံစာနဲ့ ပတ်သက်ပြီး မကြာခင် လွှတ်တော်မှာ ဆွေးနွေးကြမှာဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ