မန္တလေး - ဇူလိုင် ၁၇
(၇၂)နှစ်မြောက် အာဇာနည်နေ့ အထ်ိမ်းအမှတ်အဖြစ် ရွှေကြယ်စင်လေအိတ်ခရီးသည်တင် အဝေပြေးေ မ်ာတော်ယာဉ်သင်းက ဇူလိုင် ၁၉ ရက်တွင် အခမဲ့ ပြေးဆွဲမည်ဖြစ်ကြောင်း အသင်း ဥက္ကဌ ဦးစိန်သောင်းက ပြောသည်။
ယခုလ ၁၉ ရက်တွင် ကျရောက်မည့် (၇၂)နှစ်မြောက် အာဇာနည်နေ့မှာ ခရီးသည်များအား အခမဲ့ လိုက်ပါစီးနင်းခွင့်ပြုမည်ဖြစ်ကြောင်း သိရသည် ။ အာဇာနည်နေ့ ရောက်တိုင်းယခုလို ယာဉ်လိုင်း အခမဲ့ပြေးဆွဲပေးသည်မှာ လေးနှစ်ရှိပြီဖြစ်ကြောင်း သိရသည် ။
"တိုင်းပြည်အတွက် စွန့်လွှတ်အနစ်နာခံပြီး သက်စတေးခဲ့ရတဲ့ ကျွန်တော်တို့ရဲ့အာဇာနည် ခေါင်းဆောင်ကြီးတွေ ကိုဂုဏ်ပြုတဲ့အနေနဲ့ဖြစ်သလို လုပ်သားပြည်သူကို နေ့ထူးနေ့မြတ်မှန်း သိရှိအောင် ခရီးသည်တွေကို အခမဲ့ပြေးဆွဲပေးမှာပါ"ဟု ဥက္ကဌ ဦးစိန်သောင်းကပြော သည်။
ဇူလိုင်လ ၁၉ ရက်တွင် ရွှေကြယ်စင်ကားအသင်း ၏ ပုံမှန်ပြေးဆွဲနေကြ ကားတွေဖြစ်တဲ့ မန္တလေး-ရွှေဘို-ကာဘိုး-ဇီးကုန်းခရီးစဉ်တွင် ယာဉ် ၄ စီး၊ ကန့်ဘလူ-ကျွန်းလှခရီးစဉ်တွင် ယာဉ် ၂ စီး၊ မန္တလေး-ရေဦး-တန်ဆည်ခရီးစဉ်တွင် ယာဉ်ကြီး ၂စီး နှင့်ယာဉ်ငယ် ၂ စီး ၊ကောလင်းခရီးစဉ် ၁စီး၊ ထန်းကုန်းခရီးစဉ် ၁ စီးစသည့် ခရီးစဉ်အသီးသီးတွင် ခရီးသွားပြည်သူများအား အခမဲ့ သယ်ယူပို့ဆောင်ပေးသွားမည် ဖြစ်သည်။
အခမဲ့ ပြေးဆွဲပေးမှုနှင့်ပတ်သက်ပြီး“အခမဲ့ပြေးဆွဲပေးရာမှာ တစ်နေ့တာ လိုအပ်သမျှ စက်သုံးဆီကို ရွှေကြယ်စင် စက်သုံးဆီရောင်းဝယ်ရေးက လှူဒါန်းပြီး ယာဉ်ပိုင်ရှင်၊ယာဉ်မောင်းနဲ့ ယာဉ်နောက်လိုက်တွေက လည်း သူတို့လုပ်အားကို လှူဒါန်းသွားမှာပါ ''ဟု ဦးစိန်သောင်းကဆက်လက်ပြောကြားသည်။
အခမဲ့ဖြစ်သည့်အတွက် ခုံလက်မှတ်များကို ဦးရာလူစနစ်ဖြင့် ပေးသွားမည်ဖြစ်ကြောင်း သိရသည် ။
အိမို့မို့ခိုင်
Myanmar Digital News
https://www.facebook.com/MyanmarDigitalNews
Reviewed by THITHTOOLWIN
on
20:44
Rating:
