ဖမ်းဆီးခေါ်ဆောင်သွားခံရတဲ့ မွန်ပြည်နယ် ကျိုက်မရောမြို့နယ် ကျုံဘွယ်ကျေးရွာက NLD ရပ်ကျေးအလုပ်အမှုဆောင် တစ်ဦးဖြစ်တဲ့ ဦးစောကောင်းမြတ်ကို တွေ့ရစဉ် |
KNU မှာ တာဝန်ထမ်းဆောင်ခဲ့ချိန်က မြေယာသိမ်းတာတွေ၊ နှိပ်စက်တာတွေလုပ်ခဲ့တယ်ဆိုပြီး ဒေသခံတချို့က တိုင်ကြားတာကြောင့် KNU တပ်မဟာ ၆ က ဖမ်းဆီးခေါ်ဆောင်သွားတာလို့သိရကြောင်း ကျိုက်မရောမြို့နယ် NLD သတင်းနဲ့ ပြန်ကြားရေးတာဝန်ခံ ဦးထွန်းထွန်းဦးက RFA ကို ပြောကြားပါတယ်။
ဦးစောကောင်းမြတ်ဟာ မြေယာပိုင်ဆိုင်မှု အငြင်းပွားနေတဲ့ ကိစ္စတစ်ခုကို ဖြေရှင်းဖို့အတွက် ကျုံဘွယ်ကျေးရွာကို သွားရောက်ပြီး မြန်မာ့တပ်မတော်၊ မြိ့နယ်မြေစာရင်းဌာနတို့နဲ့ မြေယာကိစ္စတွေ ရှင်းလင်းပြောဆိုအပြီးမှာ KNU အဖွဲ့က ဖမ်းဆီးသွားတာဖြစ်ပါတယ်။
မြန်မာ့တပ်မတော်ဘက်က တာဝန်ရှိသူတွေမျက်မှောက်မှာ KNU အဖွဲ့က လာရောက်ဖမ်းဆီးသွားတာ ဖြစ်ကြောင်း ဒီအမှုကို မျက်မြင်တွေ့ရှိသူ ဒေသခံတစ်ဦးက ပြောပါတယ်။ မိသားစုကိုတော့ RFA က ဆက်သွယ်ပေမယ့် အဆက်အသွယ်မရရှိခဲ့ပါဘူး။
တပ်မတော်တာဝန်ရှိသူတွေရှိနေချိန်မှာ KNU အဖွဲ့က လာရောက်ဖမ်းဆီးသွာတယ်ဆိုတဲ့ ပြောဆိုချက်နဲ့ ပတ်သက်ပြီး တပ်မတော် ပြောရေးဆိုခွင့်ရှိသူတွေကို RFA က ဆက်သွယ်ခဲ့ပေမယ့် အဆက်အသွယ်မရရှိခဲ့ပါဘူး။
မွန်ပြည်နယ် အစိုးရအဖွဲ့ ကရင်တိုင်းရင်းသားရေးရာဝန်ကြီး စောအောင်မြင့်ခိုင်ကတော့ ဦးစောကောင်းမြတ် ဖမ်းဆီးခံရတဲ့ကိစ္စကို လုံခြုံရေးနဲ့ နယ်စပ်ရေးရာဝန်ကြီးကို အကြောင်းကြားထားတယ်လို့ ပြောပါတယ်။
အငြင်းပွားမှုဖြစ်နေတဲ့ မြေနေရာကို ဦးစောကောင်းမြတ်က ပြည်ထောင်စု အစိုးရကချပေးထားတဲ့ မြေယာ ပိုင်ဆိုင်မှု အထောက်အထား အပြည့်အစုံရှိပြီး သူနဲ့ ပြဿနာဖြစ်တဲ့ သူဆီမှာလည်း KNU က ထုတ်ပေးထားတဲ့ မြေယာ ပိုင်ဆိုင်မှု အထောက်အထားတွေရှိနေတာကြောင့် ပိုင်ဆိုင်မှု အငြင်းပွားမှု ဖြစ်နေတာလို့ သိရပါတယ်။
RFA Burmese
https://www.rfa.org
မြေယာအငြင်းပွားမှုဖြစ်နေတဲ့ ဒေသခံတစ်ဦးကို KNU ဖမ်းဆီး
Reviewed by THITHTOOLWIN
on
08:30
Rating: