H1N1 ကြောင့် သေဆုံးသူ ပဲခူးတိုင်းအတွင်းမှာပါရှိလာ

ရန်ကုန်တိုင်းဟာ h1N1 ဖြစ်ပွားသူအများဆုံးနဲ့ သေဆုံးမှုအများဆုံးတိုင်းဒေသကြီးဖြစ်
ပဲခူးတိုင်းဒေသကြီး ပဲခူးမြို့ သူဌေးကုန်းကျေးရွာမှာ H1N1 ကြောင့် သေဆုံးသူလူနာ တစ်ဦးရှိခဲ့ကြောင်း ကျန်းမာရေးနဲ့အားကစားဝန်ကြီးဌာနက ဇူလိုင် ၂ရက်နေ့ ကသတင်းထုတ်ပြန်ထားပါတယ်။

H1N1 ကြောင့် သေဆုံးသူလူနာရဲ့ မိသားစုဝင်တွေနဲ့ အနီးပတ်ဝန်းကျင်မှာနေထိုင်သူတွေကိုရာသီတုပ်ကွေး ရောဂါလက္ခဏာများ ရှိ ၊ မရှိကို ပဲခူးမြို့နယ် ပြည်သူ့ကျန်းမာရေးဦးစီးဌာနကသွားရောက်စစ်ဆေးပေးခဲ့ပြီး ကျန်းမာရေး ပညာပေးခြင်း လုပ်ငန်းတွေကိုလည်း ဆောင်ရွက်ခဲ့တယ်လို့ ကျန်းမာရေးဝန်ကြီးဌာန ကနေထုတ်ပြန်ထားပါတယ်။

H1N1ကြောင့် သေဆုံးသူ ဦးရေဟာ ရန်ကုန်တိုင်းအတွင်းမှာ ၁၈ဦး၊ စစ်ကိုင်းတိုင်းဒေသကြီးမှာ ၂ဦးနဲ့ ဧရာဝတီတိုင်းဒေသကြီးတို့မှာ ၁ဦးရှိခဲ့တယ်လို့ ပြည်သူ့ကျန်းမာရေးဦးစီးဌာနကနေသိရပါတယ်။

ဗိုင်းရပ်စ်ပိုး ကူးစက်မှုဟာ ရန်ကုန်မှာ အဖြစ်အများဆုံးဖြစ်ပြီး ပြည်၊ မန္တလေး၊ မုံရွာ စစ်တွေ စတဲ့ မြို့တွေမှာ ရောဂါပိုးတွေ့တဲ့ လူနာက ၇၆ ဦးထဲမှာ လူနာ ၃၉ ဦး ကတော့ ဆေးရုံတွေပေါ်မှာ ကုသမှု ခံယူနေဆဲ ဖြစ်ပါတယ်။

ရာသီတုပ်ကွေး ကုသဖို့ ဆေးရုံကြီးတွေ တိုးချဲ့တဲ့အပြင် ရပ်ကွက်ထဲက ဆေးခန်းတွေမှာလည်း စောင့်ကြည့်တဲ့စနစ်ကို တစ်ဆင့်ချင်းတိုးချဲ့ ဆောင်ရွက်ဖို့ ညှိနှိုင်းပြင်ဆင်နေတယ်လို့ ရောဂါ ထိန်းချုပ်နိုင်ဖို့ ဆောင်ရွက်နေတဲ့အခြေအနေနဲ့ပတ်သက်ပြီး ကျန်းမာရေးနဲ့အားကစား ဝန်ကြီးဌာန ကျန်းမာရေးနှင့်အသိပညာ မြှင့်တင်ရေး ဌာနခွဲ၊ အတွင်းရေးမှူး ဒေါ်ဖြူဖြူအေးက ဘီဘီစီကို ပြောထားပါတယ်။

ဒါ့အပြင် တုပ်ကွေးဆန်တဲ့ရောဂါကို စောင့်ကြည့်ကုသတဲ့ဆေးရုံ ၂၀၁၇ ခုနှစ်မှာ ဆေးရုံ ခုနစ်ရုံရှိပြီး အခု ၁၅ ရုံ ရှိပြီလို့ ကျန်းမာရေး ဝန်ကြီးဌာနက ထုတ်ပြန်ထားပါတယ်။

မြန်မာနိုင်ငံမှာ H1N1ရောဂါကြောင့် ၂၀၁၇ ခုနှစ်မှာ သေဆုံးသူ ၃၈ ဦးရှိခဲ့ပြီး၂၀၁၈ခုနှစ်မှာ ရောဂါ ဖြစ်ပွားသူ ၁၀၀ ကျော်ရှိခဲ့ပေမဲ့ လူသေဆုံးမှု မရှိခဲ့ဘူးလို့ ကျန်းမာရေး ဝန်ကြီးဌာနက ထုတ်ပြန်ထားတဲ့ စာရင်းတွေမှာ ဖော်ပြထားပါတယ်။

BBC Burmese
https://www.bbc.com
H1N1 ကြောင့် သေဆုံးသူ ပဲခူးတိုင်းအတွင်းမှာပါရှိလာ H1N1 ကြောင့် သေဆုံးသူ ပဲခူးတိုင်းအတွင်းမှာပါရှိလာ Reviewed by THITHTOOLWIN on 03:17 Rating: 5
Powered by Blogger.