 |
| ဝေဠုကျော် ဖောင်ဒေးရှင်း ကကယ်ဆယ်ရေးနဲ့ရှာဖွေရေးတွေ လုပ်နေ |
" အခု ၇ လောင်း မီး သင်္ဂြိုဟ် ပြီးပြီ။ နောက်ထပ် နှစ်လောင်းထပ်တွေ့ တယ်။ ဒီနေ့ တွေ့တာ အခုထိတော့ ကိုးလောင်းရှိပြီ"လို့လည်း ဖရဲကျွန်းက ရပ်ရွာ အကျိုးဆောင် ဦးမျိုးမင်းမြတ် က ဘီဘီစီကိုပြောပါတယ် ။
ဒါ့အပြင် အဲဒီနောက်ပိုင်း ၅ လောင်း ထပ်တွေ့တာကြောင့် ဇူလိုင် ၂၅ ရက်မှာ အလောင်း စုစုပေါင်း ၁၄ လောင်း တွေ့ခဲ့တာ ဖြစ်ပါတယ်လို့ဖရဲကျွန်းရွာက ဦးသန်းဌေး ကဘီဘီစီကိုအတည်ပြုပါတယ်။
ဒီနေ့တွေ့တဲ့ သေဆုံးသူတွေဟာ အမျိုးသား တွေဖြစ်ပြီး သေဆုံးသူတွေဟာ ဓားဒဏ်ရာတွေ၊ လေးခွဒဏ်ကြောင့် မျက်လုံးကျွတ်ထွက်တဲ့ရွာက ဒဏ်ရာတွေ တွေ့ရတယ်လို့ဖရဲကျွန်း ရွာသားတွေဘက်ကပြောပါတယ်။
" မနက် က အလောင်းတွေထဲမှာ လက်တစ်ဖတ်ပြတ်သူ ၃ လောင်းပါတယ် မျက်လုံးကျွတ်ထွက်တာ ၁ လောင်းပါတယ်" လို့ဖရဲကျွန်းရွာက ဦးသန်းဌေးကပြောပါတယ်။
ဝေဠုကျော် ဖောင်ဒေးရှင်း ကကယ်ဆယ်ရေးနဲ့ရှာဖွေရေးတွေ လုပ်နေတာရှိပြီးဒီနေ့အဖို့ရှာဖွေရေးလုပ်ငန်းတွေရပ်နားသွားပြီဖြစ်တယ်လို့လည်းဖရဲကျွန်းရွာက ဦးသန်းဌေး ကရှင်းပြပါတယ်။
 |
| ဖရဲကျွန်း ကသေဆုံးသူများကို မီး သင်္ဂြိုဟ် |
ဒီရွာနှစ်ရွာဟာ သူ့နယ် ငါ့နယ် လုရာကနေ အငြင်းပွားမှုဟာ ဇူလိုင်လဆန်းကစဖြစ်တယ်လို့ ရေနံချောင်းမြို့နယ် လွှတ်တော်ကိုယ်စားလှယ် ဦးတင့်လွင် ကဘီဘီစီကိုပြောပါတယ် ။
မနေ့ကတော့ စက်လှေမှောက်လို့သေတာလို့ သတင်းဖော်ပြမှုတွေရှိပေမယ့် ဒီရွာသားတွေ ဟာ ရေလယ် ကျွန်းသားတွေဖြစ်တာကြောင့်စက်လှေမှောက်ရုံလောက်တော့ အများစုက ရေနစ်သေမှာ မဟုတ်ဘူးလို့ ယူဆနေကြပါတယ်။
ဒီနေ့ ဒဏ်ရာတွေ နဲ့ အလောင်းတွေ တွေ့ရတော့ လုပ်ကြံသတ်ဖြတ်တာလို့လည်း ယူဆမှုတွေရှိနေပါတယ်။
သေသွားတဲ့လူတွေမှာ ဒဏ်ရာတွေကရှိနေတာကြောင့် သက်ဆိုင်ရာက ဒီအမှုဘယ်လိုရှင်းပေးမှာလဲဆိုတာလည်းသိချင်နေကြတယ်လို့ ဖရဲကျွန်းဘက် ရွာခံတွေကပြောပါတယ်။
ဒီဖြစ်ရပ်ကြောင့် လူ ၂၁ ဦး အလောင်းတွေ့ထားပြီး လူ ၂၀ ဝန်းကျင် ပျောက်ဆုံးနေဆဲဖြစ်ပါတယ်။
BBC Burmese
https://www.bbc.com
မြေနုကျွန်းရွာနှစ်ရွာ ရန်ပွဲ အလောင်း ၁၄ လောင်းထပ်တွေ့၊ သေဆုံးသူ ၂၄ဦးထိရှိလာ
Reviewed by THITHTOOLWIN
on
09:16
Rating:
Reviewed by THITHTOOLWIN
on
09:16
Rating:
