ရေသံကျောက်တူးဖော်စဉ် ကမ်းပါးပြိုကျ၊ ၃ ဦးမြေပိ သေဆုံး

ဓာတ်ပုံ-မြို့နယ်မီးသတ်ဦးစီးဌာန
ယင်းမာပင်၊ ဇူလိုင် - ၂၄

ယင်းမာပင်မြို့နယ်တွင် ဇူလိုင်လ၂၃ ရက် နံနက် ၉ နာရီခွဲခန့်က ကျောက်တူးဖော်နေစဉ် ကမ်းပါးပြိုကျ၍ အမျိုးသား ၃ ဦး မြေပိသေဆုံးသွားကြောင်း ယင်းမာပင်မြို့နယ် မီးသတ်ဦးစီးဌာနမှ သိရသည်။

ယင်းမာပင်မြို့နယ် လာပို့ကျးရွာအုပ်စု ကုန်းရွာကျေးရွာ၏ အနောက်ဘက် တောကျောင်းဘုရားရိုးချောင်းအတွင်း (ဒေသအခေါ် ရေသံကျောက်) ခေါ် ရေဇယံသံကျောက် တူးဖော်ရာတွင် အမြင့် ၁၅ ပေခန့်ရှိ အောက်ခြေတွင် မြေပိသွားခြင်းဖြစ်သည်ဟု ဆုိုသည်။

ယင်းဖြစ်စဉ်တွင် ကျောက်တူးနေသူများဖြစ်သည့် လာပို့ကျေးရွာမှ ကိုကျော်ဆွေ၊ ကိုမိုးယံ၊ အောင်ကိုဇော်၊ မောင်ဆိုင်နှင့်မောင်မြဌေး ၅ ဦးအပေါ် ကမ်းပါးပြိုကျခဲ့ရာ ကျော်ဆွေ၊ မိုးယံနှင့်အောင်ကိုဇော်တို့ ၃ ဦးမှာ နေရာတွင် မြေပိ သေဆုံးခဲ့ခြင်းဖြစ်သည်။

ကျန်နှစ်ဦးဖြစ်သည့် မောင်ဆိုင်နှင့်မောင်မြဌေးတို့မှာမူ ထိခိုက်ဒဏ်ရာများရရှိခြင်းမရှိခဲ့ကြောင်း သိရသည်။

"မနေ့က (ဇူလုိုင် ၂၃ ရက်) မနက်ပိုင်းလောက်မှာဖြစ်တာ။ကျွန်တော်တို့ သတင်းရရချင်း ရှာဖွေကယ်ဆယ်ရေးသွားတယ်။ အဲဆီရောက်တော့ ဒေသခံတွေနဲ့ အရံမီးသတ်တွေက အောက်ကနေ ကယ်ဆယ်ထုတ်ခဲ့ပါတယ်။ သေဆုံးသူကတော့ ၃ ဦးပါ" ဟု ယင်းမာပင်မြို့နယ် မီးသတ်ဦးစီးဌာန ဦးစီးမှူးဦးအောင်ဇေမိုးက မုံရွာဂေဇက်ကုို အတည်ပြုပြောသည်။

မြေပိသေဆုံးသူ ရုပ်အလောင်းများကုို ယင်းမာပင်မြို့နယ်ပြည်သူ့ဆေးရုံရှိ ရင်ခွဲရုံသို့ ပို့ဆောင်ပေးခဲ့ကြောင်း သိရသည်။

အဆိုပါ ဖြစ်စဉ်နှင့်ပတ်သက်၍ မြေပိသေဆုံးခဲ့သူအမျိုးသား ၃ ဦးအား ယင်းမာပင်မြို့မရဲစခန်းမှ သေမှုသေခင်းအမှတ်စဉ် ၇/၂၀၁၉ ဖြင့် အမှုရေးဖွင့် ဆောင်ရွက်လျက်ရှိသည်။

သူရိယထက်
Monywa Gazette
https://www.facebook.com/monywagazette

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ