ထီးချိုင့် ဇူလိုင် ၂၃
စစ်ကိုင်းတိုင်းဒေသကြီး၊ ကသာခရိုင်၊ ထီးချိုင့်မြို့၊ အမှတ်၂ ပိတောက်လှ ရပ်ကွက်တွင် စကားများရန်ဖြစ်ရာမှ လူသတ်မှုတစ်ခု ဖြစ်ပွားခဲ့ကြောင်း သိရသည်။
ဖြစ်စဉ်မှာ ဇူလိုင် ၂၂ ရက် ည ၈ နာရီ ခန့်တွင် ထီးချိုင့် မြို့မရဲစခန်းမှယာယီစခန်းမှူး ရဲအုပ်ဌေးဝင်း ဦးစီးသောရဲ တပ်ဖွဲ့ဝင်များသည်လူသတ်မှု ဖြစ်ပွားကြောင်းသတင်းအရ အခင်းဖြစ်နေရာသို့သက်သေများနှင့်အတူသွားရောက် ကြည့်ရှုစစ်ဆေးခဲ့ရာ ထီးချိုင့်မြို့၊ အမှတ်၂ ပိတောက်လှ ရပ်ကွက်နေဖြိုးဝေမောင်(ခ)ဖိုးဖက် နှင့်ခြံချင်းကပ်လျက်နေ အောင်ကျော်သူတို့နှစ်ဦးသည်အရက်သေစာသောက်စား မူးယစ် စကားများရန်ဖြစ်ကြရာ အောင်ကျော်သူ နှင့် ညီဖြစ်သူ ဟိန်းထက်အောင်တို့ နှစ်ဦးက ဖြိုးဝေမောင်(ခ)ဖိုးဖက်အားအရိုးအ သွား(၁၂)လက်မခန့်ရှိ ဓားဦးချွန်ဖြင့် ထိုးသွင်းခဲ့ရာ အခင်းဖြစ်နေရာတွင် သေဆုံးသွားကြောင်း စစ်ဆေး တွေ့ရှိရသည်။
အဆိုပါဖြစ်စဉ်နှင့်ပတ်သက်၍ ထီးချိုင့်မြို့၊ အမှတ်၂ ပိတောက်လှ ရပ်ကွက်နေ အောင်ကျော်သူ နှင့် ညီဖြစ်သူ ဟိန်းထက်အောင်တို့ နှစ်ဦးအား ထီးချိုင့်မြို့မရဲစခန်းက ဖမ်းဆီးအရေးယူဆောင်ရွက်ထားကြောင်း သိရသည်။
လူအောင်(ကသာ)
Myanmaalinn
https://www.facebook.com/MYANMAALINNNEWS
ထီးချိုင့်မြို့ပေါ်တွင် စကားများရန်ဖြစ်ရာမှ လူသတ်မှုဖြစ်ပွား
Reviewed by THITHTOOLWIN
on
23:49
Rating: