တရားမဝင် လာရောက်သူတွေ ဌာနေပြန်ပို့ဖို့ ကန်စတင်ဖမ်းဆီး


အမေရိကန် ပြည်ထောင်စု အတွင်းက ဌာနေပြန်ပို့ခံရမယ့် အရေး ရင်ဆိုင်နေရတဲ့ ရွှေ့ပြောင်း ၀င်ရောက်သူတွေကို ဖမ်းဆီးနိုင်ရေး ရည်ရွယ်ပြီး နိုင်ငံတ၀န်း ရှာဖွေ ဖမ်းဆီးမှုကို လူဝင်မှုကြီးကြပ်ရေးနဲ့ အကောက်ခွန် ဌာန ICE က တာဝန်ရှိသူတွေက တနင်္ဂနွေနေ့မှာ စတင်လိုက်ပါတယ်။ ဖမ်းဆီးခံရသူတွေ အနေနဲ့ နိုင်ငံရင်း ပြန်ပို့ခံရနိုင်ပါတယ်။

အမေရိကန် သမ္မတ Donald Trump က သောကြာနေ့က အတည်ပြုလိုက်တဲ့ ဒီအရေးယူ ဆောင်ရွက်မှုက Chicago ၊ Los Angeles နဲ့ New York အပါအ၀င် အဓိက ကျတဲ့ မြို့ကြီး ၉ ခုက ရာနဲ့ချီတဲ့ မိသားစုတွေကို ပစ်မှတ်ထား ဆောင်ရွက်မယ်လို့ ယူဆထားကြပါတယ်။ ဒီနိုင်ငံကို တရားမ၀င် ၀င်ရောက် လာသူတွေကို တရားဝင် ပြန်ပို့မှာ ဖြစ်တယ်လို့ သမ္မတ Trump က ပြောပါတယ်။ အန္တရာယ် ရှိတယ်လို့ ယူဆရတဲ့ ရွှေ့ပြောင်းအခြေချသူတွေကို လူဝင်မှုနဲ့ အကောက်ခွန် ဌာန တာဝန်ရှိသူတွေက အများစု ပစ်မှတ်ထားမှာ ဖြစ်ပါတယ်။

လူဝင်မှု ကြီးကြပ်ရေးဆိုင်ရာ တရားရုံး အမှုတင်ထားဆဲ ရွှေ့ပြောင်းတွေကို အများစု ပစ်မှတ်ထားမယ်လို့လည်း လူဝင်မှု ကြီးကြပ်ရေးနဲ့ အကောက်ခွန် ဌာနရဲ့ ယာယီ ညွှန်ကြားရေးမှူး Matthew Albence က ပြောပါတယ်။ အမေရိကန် ပြည်ထောင်စု အတွင်းက တရားမ၀င် ရွှေ့ပြောင်းတွေကို ဖြိုခွင်းမယ်ဆိုတဲ့ ရွေးကောက်ပွဲ ကတိက၀တ်ကြောင့် သမ္မတ Trump ကို မဲထည့်ခဲ့ကြသူတွေကတော့ အခု ရှာဖွေ ဖမ်းဆီးမှုတွေကို အားရ ကျေနပ်ကြမယ်လို့ ခန့်မှန်းရပါတယ်။

ဒါပေမယ့်လည်း အတိုက်အခံ ဒီမိုကရက်တွေကတော့ ဒီဆောင်ရွက်ချက်ကို ရှုတ်ချထားပါတယ်။ အမေရိကန် ပြည်ထောင်စုမှာ ပိုပြီး သာယာတဲ့ ဘ၀ တခုရဖို့ ကြိုးစားနေကြတဲ့ အများစု ဗဟို အမေရိက နိုင်ငံတွေက အများအပြား ပါဝင်တဲ့ မိသားစုတွေကို ပစ်မှတ်ထားတာဟာဆိုရင် လူမဆန်ဘူးလို့လည်း ဒီမိုကရက်တွေက ကြေညာထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ