ရိုဟင်ဂျာတွေ နေရပ်ပြန်နိုင်အောင် မြန်မာအစိုးရကို တိုက်တွန်းမယ်လို့ တရုတ်ဝန်ကြီးချုပ်ပြော

တရုတ်ဝန်ကြီးချုပ် Li Keqiang နဲ့ ဘင်္ဂလားဒေ့ရ်ှဝန်ကြီးချုပ် Sheikh Hasina တို့ တရုတ်နိုင်ငံ ဘေဂျင်းမြို့မှာ ၂၀၁၉ ဇူလိုင် ၄ ရက်နေ့ကတွေ့ဆုံစဉ် / Photo: Mark Schiefelbein / POOL / AFP
ရိုဟင်ဂျာဒုက္ခသည်တွေ နေရပ်ပြန်နိုင်အောင် လုံခြုံမှုရှိတဲ့ အခြေအနေတစ်ခု ဖန်တီးပေးဖို့ မြန်မာအစိုးရကို တိုက်တွန်းသွားမယ်လို့ တရုတ်ဝန်ကြီးချုပ် Li Keqiang က တရုပ်နိုင်ငံမှာရောက်ရှိနေတဲ့ ဘင်္ဂလားဒေ့ရှ် ဝန်ကြီးချုပ်နဲ့အဖွဲ့ကို ကတိပေးလိုက်ပါတယ်။

Li Keqiang ဟာ ဘင်္ဂလားဒေ့ရ်ှဝန်ကြီးချုပ် Sheikh Hasina ဦးဆောင်တဲ့အဖွဲ့နဲ့ ဇူလိုင်လ ၄ ရက်နေ့က ဘေဂျင်း မြို့မှာ တွေ့ဆုံဆွေးနွေးစဉ် အခုလို ပြောဆိုခဲ့တယ်လို့ ဘင်္ဂလားဒေ့ရ်ှဘက်က ထုတ်ပြန်တဲ့ သတင်းတွေအရ သိရပါတယ်။

ဒီတွေ့ဆုံဆွေးနွေးပွဲမှာ ဘင်္ဂလားဒေရှ့်ဝန်ကြီးချုပ်က ရိုဟင်ဂျာအရေးကိစ္စကြောင့် ဒေသတွင်း ငြိမ်းချမ်းရေးနဲ့ လုံခြုံရေးကို ထိခိုက်ပြီး ဒီပြဿနာဟာ အချိန်နဲ့ အမျှ ပိုပြီးကြီးထွားလာကြောင်းနဲ့ ဒုက္ခသည်တွေကို အလျှင်အမြန် ပြန်ပို့ချင်းဟာ တစ်ခုတည်းသော ဖြေရှင်းနည်းဖြစ်တယ်လို့ ပြောခဲ့ပါတယ်။

ဒါပေမဲ့လည်း လက်ရှိဒုက္ခသည်တွေအနေနဲ့ နေရပ်ကိုပြန်ဖို့ ကြောက်ရွံ့နေပြီး သူတို့အနေနဲ့ လုံလုံခြုံခြုံ၊ ဂုဏ်သိက္ခာနဲ့ ပြန်နိုင်တဲ့ အခြေအနေတစ်ရပ်ကို ဖန်တီးပေးဖို့ တရုတ်အစိုးရရဲ့ အခန်းကဏ္ဍဟာ အရေးပါကြောင်းလည်း ထောက်ပြခဲ့တယ်လို့ သတင်းမှာရေးသားထားပါတယ်။

တရုတ်ဝန်ကြီးချုပ် Li Keqiang က ရိုဟင်ဂျာအရေးကိစ္စဟာ ဘင်္ဂလားဒေ့ရ်ှအတွက် ကြီးမားတဲ့စိန်ခေါ်မှုဖြစ်တယ် ဆိုတာ လက်ခံပြီး၊ ပြဿနာကို မြန်မာနဲ့ ဘင်္ဂလားဒေရှ့်အစိုးရတို့ နှစ်ဦးနှစ်ဖက် ပူးပေါင်းဖြေရှင်း ရမှာဖြစ်ကြောင်းနဲ့ လိုအပ်ရင် တရုတ်နိုင်ငံခြားရေးဝန်ကြီးကို မြန်မာနိုင်ငံကို ထပ်မံစေလွှတ်ပြီး နှစ်နိုင်ငံအတူ ဆွေးနွေးအဖြေရှာဖို့ တိုက်တွန်းသွားမယ်လို့ ပြောခဲ့ပါတယ်။

ဆွေးနွေးပွဲအပြီး တရုတ်နဲ့ ဘင်္ဂလားဒေ့ရ်ှအစိုးရတို့ လက်မှတ်ရေးထိုးခဲ့တဲ့ သဘောတူညီချက်တွေထဲမှာ ရိုဟင်ဂျာဒုက္ခသည်တွေအတွက် တရုတ်က ဆန် တန်ချိန် ၂၅၀၀ ထောက်ပံ့ဖို့အချက်လည်း ပါဝင်ပါတယ်။

ဒီသတင်းနဲ့ ပတ်သက်ပြီး တရုတ်နိုင်ငံသံရုံးကိုရော ဘင်္ဂလားဒေ့ရ်ှနိုင်ငံခြားရေးဝန်ကြီးဌာနကို RFA က ဆက်သွယ်လို့မရခဲ့ပါဘူး။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ