လမ်းမပေါ်တွင် ပြတ်ကျနေသည့်ဓာတ်ကြိုးအား တိုက်မိပြီး လူသေဆုံးမှုတစ်ခု မန္တလေးမြို့တွင်ဖြစ်ပွား

Photo - နန်းတော်ရှေ့ လူမှုကယ်ဆယ်ရေး အဖွဲ့
မန္တလေး- ဇူလိုင် ၂၇

မန္တလေးမြို့ ၊ အောင်မြေသာစံမြို့နယ် ၊ အနှိပ်တော်ရပ်ကွက် ရေစစ်ကန်ဘေးတွင် ပြတ်ကျနေသည့် လျှပ်စစ်ဓာတ်ကြိုးအားတိုက်မိပြီး ဓာတ်လိုက်ကာလူသေဆုံးမှု အခုလ ၂၆ ရက် ညပိုင်းက ဖြစ်ပွားခဲ့ကြောင်း နန်းတော်ရှေ့လူမှုကယ်ဆယ်ရေးအဖွဲ့ထံမှ သိရသည်။

ဇူလိုင်လ ၂၆ ရက် ည ၈ နာရီခန့်က အောင်မြေသာစံမြို့နယ် ရေစစ်ကန်ဘေးတွင် ပြတ်ကျနေသည့် ဓာတ်ကြိုးကို ဆိုင်ကယ်နှင့်တိုက်မိပြီး ဆိုင်ကယ်စီးလာသူ၏ ညဘက်လက်ကို ဓာတ်ကြိုးထိမိကာ ဓာတ်လိုက်မှုဖြစ်ပွားခဲ့သည်။

‘ဓာတ်ကြိုးပြတ်ကျနေတာ အဲနေရာက လူသွားလူလာနည်းတယ်။မှောင်လည်းမှောင်တယ်။ အဲလမ်းကဖြတ်မောင်းတော့ လီဘာကိုင်ထားတဲ့လက်နဲ့ ဓာတ်ကြိုးနဲ့ထိမိပြီး ဓာတ်လိုက်ပြီးလဲတာ။ ဓာတ်လိုက်ပြီး အဲဒီနေရာမှာ ဆိုင်ကယ်ခွလျက်ကြီး လဲနေတာ။ ကျတော်တို့ရောက်တော့ အသက်က မမီတော့ဘူး’ဟု နန်းတော်ရှေ့လူမှုကယ်ဆယ်ရေးအဖွဲ့ ဥက္ကဦး ဦးသိန်းထွန်းအောင် ကပြောပါတယ်။

အဆိုပါဖြစ်စဉ်ကြောင့်သေဆုံးသူမှာ ဒေါနဘွားရပ်ကွက် အကွက် ၁၄ တွင်နေထိုင်သူ အသက် ၂၃ နှစ်အရွယ် မောင်စိုးသူအောင်ဖြစ်ကြောင်းသိရသည်။

မန္တလေးမြို့နေပြည်သူများအနေဖြင့် ထူးခြားဖြစ်စဉ်များရှိပါက နန်းတော်ရှေ့ လူမှုကယ်ဆယ်ရေးအဖွဲ့၏ ဖုန်းနံပါတ် ၀၉-၂၀၃၉၁၅၂ ကိုဆက်သွယ်နိုင်ကြောင်းသိရသည်။

အိမို့မို့ခိုင်
Myanmar Digital News
https://www.facebook.com/MyanmarDigitalNews/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ