စတိုးဆိုင် အလုပ်သမ ​​အခန်းပိတ် ရိုက်ခံရမှု စုံစမ်း​​ဖော်ထုတ်မည် ဟု လူမှု​​​​ရေးဝန်​ကြီး​ပြော

 ဓာတ်ပုံ- မူရင်းပိုင်ရှင်ပုံမဟုတ်ပါ၊ နမူနာဓါတ်ပုံသာဖြစ်ပါသည်။
မုံရွာ၊ ဇူလိုင် ၉

ဖောင်းပြင်မြို့ရှိ စတိုးဆိုင် တစ်ခု​တွင် အလုပ်သွားလုပ်​​သော မုံရွာမြို့ ထန်း​တောရပ်​ကွက်​မှ မိန်းက​လေးတစ်​ဦးအား ဆိုင်​ရှင်​မှ ပိတ်လှောင်ရိုက်နှက်မှုကို စုံစမ်း​​ဖော်ထုတ်သွားမည်ဟု စစ်ကိုင်းတိုင်း အစိုးရအဖွဲ့ လူမှု​​ရေးဝန်ကြီး ​ဒေါက်​တာ ​ဇော်​ဝင်း က​ပြောသည်။​​

အသက် ၁၇ နှစ်အရွယ် ဆိုင်​အကူ မိန်းက​​လေးသည် ရိုက်​နှက်ခံရစဉ်က ရရှိ​သော ​နောက်ကျောဘက်ဒဏ်ရာအား​ခွဲစိတ်ရန်အတွက် မုံရွာဆေးရုံကြီးတွင် ယခု တက်ရောက်ကုသနေသည်။

"ကလေးက စတိုးဆိုင်မှာလုပ်နေတာ ခြောက်နှစ်လောက်ရှိပါပြီ။ ဈေးအရောင်းအဝယ် စာရင်းလွဲတယ်ဆိုပြီး ဆံပင်တွေဆောင့်​ဆွဲတယ် ရိုက်တယ်လို့ပြောတယ်။ အဲဒီလိုလုပ်တော့ ကလေးက ကြောက်ပြီး ထွက်ပြေးတယ်။ သူတို့တွေက လူအုပ်စုလိုက် လိုက်ရှာတယ်။ အိမ်တစ်အိမ်မှာ ဝင်ပုန်းနေတုန်းရှာတွေ့သွားပြီး အခန်းပိတ်ရိုက်ခံရတယ်လို့ ကလေးကပြောတယ်" ဟု အဒေါ်တော်စပ်သူ မစန္ဒာဝင်းက ပြောသည်။

အခင်းဖြစ်ရာ ဖောင်းပြင်မြို့ပေါ်ရှိ စတိုးဆိုင်တွင် မစန္ဒာ၏ သမီးတစ်ဦးနှင့် တူမ ၆ ဦးတို့သည်​ လွန်ခဲ့သည့် ၇ နှစ်ခန့်ကတည်းက လစာငွေ နှစ်သောင်းဖြင့်စတင်လုပ်​ကိုင်​ခဲ့ပြီး ယခုလက်ရှိတွင် တစ်လလျင် သုံးသောင်းမှ ငါးသောင်းကျပ်ထိ လစာရ​နေသည်​ ဟုဆိုသည်​။

ရရှိခဲ့သည့်ဒဏ်ရာအား မုံရွာဆေးရုံကြီးတွင် ခွဲစိတ်ကုသပေးလျက်ရှိပြီး အမှုမှန်ပေါ်ပေါက်ရန်အတွက် စစ်ကိုင်းတိုင်းအမျိုးသမီးကော်မတီအဖွဲ့မှ စုံစမ်းစစ်ဆေးဖော်ထုတ်သွားမည်ဖြစ်ကြောင်း လူမှုရေးဝန်ကြီး ဒေါက်တာဇော်ဝင်းက ပြောသည်။

"စရောက်တုန်းကတော့ အနာက ကိုက်တော့မအိပ်ရဘူးတဲ့။ အခု ပြီ​တွေဖောက်ထုတ်ပေးလိုက်တော့ သက်သာသွားပါပြီ။ ကလးကုသစားရိတ်နဲ့ ပက်သက်ပြီး ဘာမှ မကုန်ရအောင် စီစဉ်ပေးထားပါတယ်"ဟု ဒေါက်တာဇော်ဝင်းက ပြောသည်။

အိမ်အကူအား ရိုက်နှက်သည့်ဖြစ်စဉ်နှင့်ပက်သက်ပြီး စခန်းတွင်လာရောက် အမှုဖွင့်လှစ်ထားကြောင်း ရာဇသတ်ကြီးပုဒ်မ ၃၂၅/၃၄၁ အရ အပြင်းထန်နာကျင်စေမှု ၊မတရားပိတ်လှောင်ထားရှိမှုတို့ဖြင့် ယ​နေ့ အမှုဖွင့်​ထားပြီး ဒုရဲအုပ်စောညီညီထွန်းအား အခင်းဖြစ်ပွားရာ ဖောင်းပြင်မြို့ရှိ စတိုးဆိုင်အား သွားရောက်စုံစမ်းခိုင်းထားကြောင်း မုံရွာမြို့မရဲစခန်းမှူး ဒုရဲမှူး ဝင်းနိုင်က ပြောသည်။

မောင်လေးငယ်ငယ်
Monywa Gazette
https://www.facebook.com/monywagazette

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ