ခေါင်းဆောင်တွေကိုတရားစွဲတာ ငြိမ်းချမ်းရေးကို ထိခိုက်နိုင်လို့ အေအေပြော

 အေအေ စစ်ဦးစီးချုပ် ဗိုလ်ချုပ်ထွန်းမြတ်နိုင်
ရက္ခိုင့်တပ်မတော် (အေအေ)ခေါင်းဆောင်တွေကို တရားခံပြေးမှုနဲ့ အမှုဖွင့် တရား စွဲထားတာက ငြိမ်းချမ်းရေးကို ထိခိုက်နိုင်တယ်လို့ အေအေဘက်က တုံ့ပြန်ပါ တယ်။

အေအေရဲ့ စစ်ဦးစီးချုပ် ဗိုလ်ချုပ် ထွန်းမြတ်နိုင် အပါအဝင် အေအေထိပ်ပိုင်းခေါင်း ဆောင်ဖြစ်တဲ့ ဒု-စစ်ဦးစီးချုပ် ဒေါက်တာညိုထွန်းအောင်၊ ဗိုလ်မှူးကြီးကျော်ဟန်နဲ့ အေအေပြောရေး ဆိုခွင့်ရှိသူ ခိုင်သုခ တို့ကို တရားခံပြေးမှုနဲ့ ဒုရဲမှူး အောင်သူရက စစ်တွေခရိုင်တရားရုံးမှာ ဇူလိုင် ၄ ရက်နေ့မှာ အမှုဖွင့်ထားတယ်လို့ ရှေ့နေ ဒေါ်အေးနုစိန်က ပြောပါတယ်။

မတ်လက မြောက်ဦးမြို့နယ်မှာ လူနာတဦး အပါအဝင် လူ ၁၃ ဦးကို စစ်တပ်က ဖမ်းဆီးခဲ့ပြီး အကြမ်းဖက်ဥပဒေပုဒ်မ ၅၂ (က)နဲ့ တရားစွဲခဲ့ပါတယ်။

ဒီလိုတရားစွဲတဲ့ တိုင်ချက်မှာ ဒီလူ ၁၃ ဦးကို အကြမ်းဖက်ဖို့ စေခိုင်းတာဟာ အေအေ အဖွဲ့ ဖြစ်တယ်ဆိုပြီး အေအေအဖွဲ့ကိုပါ ရဲတပ်ဖွဲ့က တရားစွဲခဲ့တာလို့ တရားစွဲခံရတဲ့ ကျောင်းတောင် ရွာသား ၆ ဦး ဘက်ကနေ ရှေ့နေ့လိုက်ဖို့ ကိုယ်စားလှယ် လွှဲစာ တင်ထားတဲ့ ဒေါ်အေးနုစိန်က ပြောပါ တယ်။

'ဒီထွန်းမြင့်နိုင် ၊ ညိုထွန်းအောင်၊ ကျော်ဟန်၊ ခိုင်သုခကျတော့ စိစစ်ဆဲဆိုပြီးတော့ သူတို့မှာ တရားခံပြေးအဖြစ်နဲ့ ရာဇဝတ် အထွေထွေအမှုဖွင့်ထား လိုက်တာ'လို့ သူက ပြောပါတယ်။

အေအေအဖွဲ့အပေါ်စွဲဆိုမှုနဲ့ ပတ်သက်ပြီး တပ်မတော် သတင်းမှန်ပြန်ကြားရေး အတွင်းရေးမှူး ဗိုလ်မှူးချုပ် ဇော်မင်းထွန်းကို ဆက်သွယ်ပေမယ့် ဆက်သွယ်မရ ဖြစ်ခဲ့ပါတယ်။
ရက္ခိုင့်တပ်မတော် အေအေ စစ်ဦးစီးချုပ် နဲ့ ဘီဘီစီ တွေ့ဆုံမေးမြန်းခန်း

အေအေ အကြီးအကဲတွေကို တရားခံပြေးအဖြစ်သတ်မှတ်လိုက်တာကြောင့် အစိုးရရဲ့ အာဏာသက်ရောက်တဲ့ နယ်မြေတွေကို သွားလို့မရဘူးလို့ အေအေပြောခွင့်ရ ခိုင်သုခက ပြောပါတယ်။

    အေအေ ပြောခွင့်ရ ခိုင်သုခရဲ့ ယောက်ဖတော်သူအပါအဝင် လူသုံးဦးကို တပ်မတော်ဖမ်း
    ရခိုင်နဲ့ ချင်းက မြို့နယ် ကိုးခုမှာ အင်တာနက်ပိတ်

'အခုအနာဂတ် ငြိမ်းချမ်းရေး ဆွေးနွေးရေး လုပ်ငန်းစဉ်တွေမှာ တဘက်နဲ့တဘက် ယုံကြည်မှုက ပိုပြီးတော့ ပျက်ပြားသွားနိုင်တာပေါ့၊ တဘက်မှာလည်း ငြိမ်းချမ်းရေး လုပ်ငန်းစဉ်ကို ပျက်စီးအောင် အစိုးရဘက်က လုပ်နေသလားဆိုတဲ့ သံသယလည်း ကျွန်တော်တို့ဘက်က ရှိမိတယ်'လို့ ခိုင်သုခက ပြောပါတယ်။

ဒါပေမဲ့ လုံခြုံရေးကောင်းတဲ့ နေရာတွေမှာ ငြိမ်းချမ်းရေး ဆွေးနွေးပွဲကျင်းပရင် အေအေအနေနဲ့ တက်သွားမယ်လို့ သူက ဆိုပါတယ်။

အစိုးရရဲ့ အုပ်ချုပ်မှု၊ ဥပဒေတွေကို မကြိုက်လို့ တော်လှန်ရေး လုပ်နေတာ ဖြစ်တာ ကြောင့် အစိုးရဘက်က ဘာလုပ်သလဲဆိုတဲ့ အပေါ်ကို မူတည်ပြီး တုံ့ပြန်သွားမယ်လို့လည်း ခိုင်သုခက ပြောပါတယ်။

ပြီးခဲ့တဲ့ ဇူလိုင်လကလည်း ခိုင်သုခရဲ့ ယောက်ဖတော်စပ်သူ တစ်ဦးနဲ့ နောက်ထပ် လူနှစ်ဦးကို စစ်တပ်က ခေါ်ဆောင်သွားပြီး အမ်းမြို့နယ် ရဲစခန်းမှာ ဖမ်းဆီး ထိန်းသိမ်းထားပါတယ်။

BBC Burmese
https://www.bbc.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ