ဖားကန့်ဒေသက လုပ်ကွက် ၉၈၁ ခုကို သုံးလကြာ တူးဖော်ခွင့် တားမြစ်

ဓါတ်ပုံ - အောင်သိင်္ခ/ RFA
 ကချင်ပြည်နယ် ဖားကန့်ဒေသမှာ မိုးတွင်းကာလ သုံးလအတွင်း ကုမ္ပဏီပေါင်း ၂၇၈၊ လုပ်ကွက်ပေါင်း ၉၈၁ ခုကို ပြည်နယ် အစိုးရက ကျောက်စိမ်းတူးဖော်ခွင့် ယာယီတားမြစ်လိုက်ပါတယ်။

လုံးခင်းဖားကန့်ရတနာနယ်မြေအတွင်းက အကျိုးတူကုမ္ပဏီ ၇၈ ခုရဲ့ လုပ်ကွက် ၉၁ ခုနဲ့ ပုဂ္ဂလိကကုမ္ပဏီ၂၀၀ ရဲ့ လုပ်ကွက် ၈၉၀ ကို ဇူလိုင် ၁ ရက်နေ့ကနေ စက်တင်ဘာ ၃၀ ရက်နေ့အထိ တူးဖော်ခွင့် တားမြစ်လိုက်တာဖြစ်ပါတယ်။

ဒီတားမြစ်မှုဟာ သဘာဝပတ်ဝန်းကျင်ထိခိုက်မှု သက်သာအောင်နဲ့ နွံကန်တွေ မကြာခဏပြိုကျမှုတွေ မဖြစ်အောင်ဆိုပြီး ချမှတ်လိုက်တာဖြစ်တယ်လို့ ပြည်နယ်သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီး ဦးဒါရှီလဆိုင်းက RFA ကို ပြောပါတယ်။

ဒါ့အပြင်တားမြစ်ထားတဲ့ကာလအတွင်း ချိုးဖောက်ပြီး ကုမ္ပဏီတွေအနေနဲ့ ကျောက်စိမ်းတူးဖော်နေတာတွေကို တွေ့ရှိရင် ကျောက်မျက်ဥပဒေအရ အရေးယူသွားမှာဖြစ်သလို ဒီအတွက်လည်း စောင့်ကြည့်ရေးအဖွဲ့ ဖွဲ့စည်းထားတယ်လို့လည်း ဝန်ကြီးက ပြောပါတယ်။
ဖားကန့်ဒေသမှာ ဇွန်လအတွင်း သက်တမ်းကုန်ဆုံးသွားတဲ့ ကုမ္ပဏီပေါင်း ၂၀၁၅ ခုရှိနေပြီး အဲဒီကုမ္ပဏီတွေဟာ ကရင်ချောင်၊ ဖားပြင်၊ ဗလခ၊ ဘဇံချောက်၊ မော်မောင်း၊ မော်လကင်၊ မော်ဝမ်းကြီး၊ ရှရောင်ခမှော်တွေက လုပ်ကွက်တွေဖြစ်တယ်လို့ အစိုးရစာရင်းတွေအရ သိရပါတယ်။

သက်တမ်းကုန်ဆုံးသွားတဲ့ကုမ္ပဏီတွေကို အကြီးစားလုပ်ငန်းအနေနဲ့ သက်တမ်းထပ်မတိုးပေးတော့ဘဲ အလတ်စားလုပ်ငန်းအနေနဲ့သာ ချပေးတော့မှာဖြစ်တယ်လို့ ဝန်ကြီးကပြောပါတယ်။

အဲဒီကုမ္ပဏီတွေဟာ ၁၀ နှစ်ကြာလုပ်ကိုင်ခဲ့ပြီး သက်တမ်းကုန်ဆုံးသွားတာဖြစ်တယ်လို့ သိရပါတယ်။

ဓါတ်ပုံ - အောင်သိင်္ခ/ RFA
RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ