တရားမဝင် ပယင်းတူးသူ ၆၈ ဦးကို တပ်မတော်က ဇူလိုင်လ ၄ ရက်နေ့က ဖမ်းဆီးခဲ့တာဖြစ် |
အမျိုးသား ၅၈ ဦးနဲ့ အမျိုးသမီး ၁၀ ဦးကို တနိုင်းနယ်အတွင်း လုံခြုံရေးဆောင်ရွက်နေတဲ့ တပ်မတော်စစ်ကြောင်းတပ်ဖွဲ့ဝင်တွေက ဇူလိုင်လ ၄ ရက်နေ့က ဖမ်းဆီးခဲ့ပြီးတဲ့နောက် တနိုင်းမြို့နယ်ရဲစခန်းကို ပို့ဆောင်အမှုဖွင့်ထားခဲ့တာ ဖြစ်ပါတယ်။
တနိုင်းမြို့မရဲစခန်းကတော့ ပယင်းတူးသူတွေကို တပ်မတော်က ဖမ်းဆီးပို့ဆောင်ပြီး နောက်တစ်နေ့ ဇူလိုင်လ ၅ ရက်နေ့မှာပဲ အကုန်လုံးကို ပြန်လွှတ်ပေးခဲ့တာလို့ ပြောပါတယ်။
"သူတို့တွေနဲ့အတူ ပယင်းတွေ မဖမ်းမိဘူး၊ တူးနေတဲ့ မှတ်တမ်းဓာတ်ပုံတွေတော့ ရှိပါတယ်။ ဒါပေမဲ့ အရေးမယူပါဘူး၊ ဒီနယ်မြေက ပယင်းတူးခွင့်စည်းမျဉ်းစည်းကမ်းတွေကို ရှင်းပြပြီးတော့ နေရပ်ဒေသပြန်ဖို့ ပြန်လွှတ်ပေးလိုက်တာပါ" လို့ ယာယီမြို့နယ်မှူး ဦးအောင်ကျော်စိုးက ပြောပါတယ်။
တကယ်တော့ တနိုင်းက ပယင်းမှော်ထဲ တူးဖော်ခွင့်ကို အစိုးရက တရားဝင်ချပေးတာ မရှိသေးပါဘူး။
ကချင်ပြည်နယ်ထဲက ပယင်း |
ကာကွယ်ရေးဦးစီးချုပ်ရုံးရဲ့ ထုတ်ပြန်ချက်မှာတော့ ပယင်းတူးသူတွေကို တနိုင်းမြို့နယ်၊ မိုင်ခွန်ကျေးရွာအနောက်ဘက် ၄ မိုင်အကွာမှာ ပယင်းတူးဖော်ရာမှာ အသုံးပြုတဲ့ ပစ္စည်းတွေနဲ့အတူ ဖမ်းဆီးခဲ့တာဖြစ်တယ်လို့ ဖော်ပြပါတယ်။
တနိုင်းထဲက ပယင်းမှော်ဟာ နယ်မြေမအေးချမ်းတဲ့ အညိုရောင်နယ်မြေဖြစ်တာကြောင့် တပ်မတော် စစ်ကြောင်းတွေက လုံခြုံရေးယူ သွားလာနေတဲ့ နေရာဖြစ်ပြီး ဒေသခံတွေဝင်ရောက်တဲ့အခါ ဖမ်းဆီးစစ်ဆေးမှုတွေ ရှိနေတာဖြစ်ပါတယ်။
BBC Burmese
https://www.bbc.com
တပ်မတော်ဖမ်းဆီးခဲ့တဲ့ ပယင်းတူးသူ ၆၈ ဦးကို ခံဝန်နဲ့ ပြန်လွှတ်ပေး
Reviewed by THITHTOOLWIN
on
08:25
Rating: