ဖွဲ့စည်းပုံပြင်ဆင်ဖို့ ကြိုးပမ်းတာ တိုင်းပြည်အတွက် အန္တရာယ်ရှိနိုင်တယ် လို့ တပ်မတော်ပြော

ဗိုလ်မှူးချုပ် မောင်မောင် ၂၀၁၉၊ ဇူလိုင် ၁၇ ရက်နေ့က တွေ့ရစဉ်/ ဓါတ်ပုံ - ဝင်းကိုကိုလတ်/ RFA
ဖွဲ့စည်းပုံအခြေခံဥပဒေပြင်ဆင်ရေး ပူးပေါင်းကော်မတီရဲ့ အစီရင်ခံစာနဲ့ပတ်သက်လို့ အဆိုပြုချက်တင်သွင်းတာ၊ သဘောထားမှတ်ချက်ပေးတာတွေ ဆောင်ရွက်ခဲ့ခြင်းမရှိတဲ့ တပ်မတော်သားလွှတ်တော် ကိုယ်စားလှယ် အစုအဖွဲ့ ခေါင်းဆောင် ဗိုလ်မှူးချုပ် မောင်မောင်က ဒီလိုဖွဲ့စည်းပုံပြင်ဆင်ဖို့ ကြိုးပမ်းတာဟာ တိုင်းပြည်အတွက် အန္တရာယ်ရှိနိုင်တယ်လို့ ပြောလိုက်ပါတယ်။

ဒါပေမဲ့ ဘယ်လိုအန္တရာယ်မျိုးလဲဆိုတဲ့ သတင်းထောက်တစ်ဦးက ပြန်လည်မေးမြန်းတဲ့အခါမှာတော့ ပြန်လည်မဖြေကြားခဲ့ပါဘူး။

အဖွဲ့ဝင် ၄၅ ဦးပါ ဖွဲ့စည်းပုံအခြေခံဥပဒေပြင်ဆင်ရေး ပူးပေါင်းကော်မတီက ပြင်ဆင်၊ ဖြည့်စွက်၊ ပယ်ဖျက်ဖို့ အချက်ပေါင်း ၃၇၆၅ ချက်ကို ပြီးခဲ့တဲ့ ၁၅ ရက် က ပြည်ထောင်စုလွှတ်တော်ထံ တင်ပြခဲ့တာပါ။

တိုင်းရင်းသားပါတီတွေထဲက ရခိုင်အမျိုးသားပါတီဟာ လွှတ်တော်ထဲမှာ တပ်မတော်ရဲ့ အခန်းကဏ္ဍပယ်ဖျက်ဖို့ အပါအ၀င် အချက်ပေါင်း ၈၅၈ ချက်ကို အကြံပြုတင်ပြထားတာပါ။

အင်န်အယ်လ်ဒီပါတီကတော့ လွှတ်တော်ထဲက တပ်မတော်ကိုယ်စားလှယ် ပါဝင်မှုကို တဖြည်းဖြည်းချင်း လျှော့ချဖို့ အဆိုပြုထားတာပါ။

NLD ပါတီက ဖွဲ့စည်းပုံအခြေခံဥပဒေမှာ နိုင်ငံတော်ဖွဲ့စည်းတည်ဆောက်ပုံ အခန်းကလွဲလို့ ကျန်တဲ့ ကဏ္ဍအကုန်လုံးမှာ ပြင်ဆင်၊ ဖြည့်စွက်၊ ပယ်ဖျက်ဖို့ တင်သွင်းထားတာဖြစ်ပါတယ်။

ကြံ့ခိုင်ဖံွ့ဖြိုးရေးပါတီက တပ်မတော်သားလွှတ်တော် ကိုယ်စားလှယ်တွေလိုပဲ ၄၅ ဦးပါ ပူးပေါင်းကော်မတီဖွဲ့စည်းတဲ့အပေါ် ဝေဖန်ကန့်ကွက်ခဲ့ပြီး ဒီအစီရင်ခံစာမှာတော့ အုပ်ချုပ်ရေး၊ တရားစီရင်ရေးနဲ့ ရွေးကောက်တင်မြှောက်ခြင်း ကဏ္ဍတွေအတွက် ပြင်ဆင်၊ ဖြည့်စွက်၊ ပယ်ဖျက်ဖို့ အချက် ၁၀ ချက် တင်သွင်းထားတာပါ။

အဲဒီ အချက် ၁၀ ချက်ကလွဲပြီး ကျန်တာတွေကို ကန့်ကွက်သွားမယ်လို့ ကြံ့ခိုင်ရေးပါတီ ပြည်သူ့လွှတ်တော် ကိုယ်စားလှယ် ဦးသိန်းထွန်းက မနေ့က RFA ကို ပြောထားပါတယ်။

ကြံ့ခိုင်ဖွံ့ဖြိုးရေးပါတီ ကိုယ်စားလှယ် ဦးသောင်းအေး က သူတို့ လက်မခံတဲ့ အချက်တွေထဲက ပုဒ်မ ၅၉(စ) ကို ပြင်ဆင်ဖို့ မသင့်ဘူးလို့ ပြောခဲ့ပါတယ်။

၄၅ ဦးပါ ကော်မတီက တင်သွင်းထားတဲ့ အစီရင်ခံစာထဲမှာ အခန်း ၅ ဖြစ်တဲ့ အုပ်ချုပ်ရေးကဏ္ဍ က ပြင်ဆင်၊ ပယ်ဖျက်၊ ဖြည့်စွက်ဖို့ အချက် ၁၂၀၀ ကျော်နဲ့ အကြံပြုချက်အများဆုံး တင်သွင်းခံထားရတာဖြစ်ပါတယ်။

ဒီအစီရင်ခံစာနဲ့ ပတ်သက်ပြီး ပါဝင်ဆွေးနွေးမယ့် ကိုယ်စားလှယ်တွေဟာ လာမယ့် ဇူလိုင် ၂၄ ရက်နေ့မှာ ဆွေးနွေးဖို့ အမည်စာရင်းပေးရမှာ ဖြစ်ပါတယ်။

(RFA သတင်းထောက် ကိုဝင်းကိုကိုလတ် ပေးပို့သည်)

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ