ရဲတပ်ဖွဲ့က တရားစွဲထားတဲ့ မနီလာသိန်းကို တရားရုံးက အာမခံပေး

တရားစွဲခံရတဲ့ မနီလာသိန်း တို့ကို ဗိုလ်တထောင်တရားရုံးရှေ့မှာ ၂၀၁၉ ဇူလိုင် ၂၃ ရက်နေ့ကတွေ့ရစဉ် / Photo: Thant Zin Oo/RFA
မေလ ၂၀ ရက်နေ့က ဒေါင်းတို့မျိုးဆက်သံချပ်အဖွဲ့တွေရဲ့ ရုံးချိန်းမှာ ရုန်းရင်းဆန်ခတ်ဖြစ်ပွားမှုနဲ့ ရဲတပ်ဖွဲ့က တရားစွဲဆိုထားတဲ့ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မနီလာသိန်း အပါအ၀င် လေးဦးကို ဗိုလ်တထောင်မြို့နယ် တရားရုံးမှာ ဒီကနေ့ စွဲချက်တင်လိုက်ပြီး တရားရုံးက တရားစွဲခံရသူတွေကို ငွေကျပ်သိန်း ၂၀ စီနဲ့ အာမခံပေးလိုက်ပါတယ်။

မနီလာသိန်း၊ မရှားယမုံ၊ ကိုနန်းလင်းနဲ့ ကိုနိုင်ကိုသူတို့ လေးယောက်အပြင် အင်းစိန်အကျဉ်းထောင်မှာ ဖမ်းဆီး ခံထားရတဲ့ ကိုမင်းဟန်ထက်တို့ဟာ ရဲတပ်ဖွဲ့ဝင်တွေကို ကိုယ်ထိလက်ရောက်နာကျင်စေမှု ပုဒ်မ ၃၃၂၊ တာဝန် ထမ်းဆောင်နေတဲ့ ပြည်သူ့ဝန်ထမ်းကို ဟန့်တားနှောင့်ယှက်မှု ပုဒ်မ ၃၅၃ တို့နဲ့ ဗိုလ်တထောင်မြို့နယ် ရဲတပ်ဖွဲ့က တရားလိုလုပ်ပြီး တရားစွဲထားတာ ဖြစ်ပါတယ်။

ဒီနေ့ရုံးချိန်းမှာ မနီလာသိန်းက တရားဥပဒေ စိုးမိုးမှုကိုလိုလားလို့ ဥပဒေကြောင်းအရ လာရောက်ရင်ဆိုင် တာဖြစ်တယ်လို့ သတင်းမီဒီယာတွေကို ပြောဆိုပါတယ်။

ဒီကနေ့တရားစွဲဆိုတဲ့အချိန်မှာ တရားရုံးကို အရပ်ဝတ်ရဲတပ်ဖွဲ့ဝင်တွေ လာရောက်ပြီး တရားစွဲခံရသူတွေရဲ့ အမှုတွဲဖိုင်တွေကို ဓာတ်ပုံရိုက်ယူတာတွေဖြစ်ခဲ့ပါတယ်။

ဒီအပေါ် နောက်ထပ်တစ်ကြိမ်ရုံးချိန်းမှာ ရဲတပ်ဖွဲ့ဝင်တွေ အရပ်ဝတ်နဲ့လာရောက်တာ ထပ်မဖြစ်အောင် လုပ်ဆောင်သွားမယ်လို့ ဗိုလ်တထောင်မြို့နယ်စခန်းမှူးက တရားစွဲခံထားရသူတွေကို ပြန်လည်ပြောဆိုခဲ့ပါတယ်။

တရားစွဲခံထားရသူ ၅ ယောက်လုံးကို လာမယ့် ဇူလိုင်လ ၃၀ ရက်နေ့ရုံးချိန်းမှာ ပထမဆုံးအကြိမ် စတင်စစ်ဆေးမှာဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ