ချင်းတွင်းမြစ်အတွင်း ကျောက်မီးသွေးတင်တွဲသဘောင်္တစ်စီး တိမ်းမှောက်

ဓာတ်ပုံ-ဇော်မိုး၊သက်နှင်းစိုး
ကလေး၊ဇူလိုင်-၁၅

ကလေးဝမြို့နယ် ဇီးဒေါင့်ကျေးရွာအနီး ချင်းတွင်းမြစ်တွင် ကျောက်မီးသွေးတင် တွဲသဘောင်္တစ်စီး ယနေ့နံနက်ပိုင်းက တိမ်းမှောက်ခဲ့ကြောင်း ကလေးဝမြို့မရဲစခန်းထံမှ သိရသည်။

ထူးဟန်သစ် ကုမ္ပဏီ(သစ်ချောက်)မှ ကျောက်မီးသွေးတန် ၁၇၅၁ ဒဿ မ ၉ တန်တင်ဆောင်လာသည့် ဇွဲမြင့်ထွန်း(၇) တွဲသဘောင်္သည် မြစ်သာမြစ်ကြောင်းမှ စုန်ဆင်းလာပြီး ချင်းတွင်းမြစ်အရောက် တိမ်းမှောက်ခဲ့ခြင်းဖြစ်သည်။

ဓာတ်ပုံ-ဇော်မိုး၊သက်နှင်းစိုး
"မနက် ၇ နာရီလောက်က ဖြစ်တာပါ။အခုလောလောဆယ်တော့ စစ်ဆေးနေတုန်းပါပဲ။ကနဦးသတင်းအရတော့ တက်မနဲ့သစ်တုံးညှပ်ပြီး ကျောက်ဆောင်နဲ့ဝင်တိုက်မိ တိမ်းမှောက်တာလို့ သိရတယ်"ဟု ကလေးဝမြို့မရဲစခန်းမှ တာဝန်ရှိသူကပြောပြသည်။

အဆိုပါတိမ်းမှောက်ခဲ့မှုနှင့်ပတ်သက်၍ ကလေးဝမြို့မရဲစခန်းမှ စစ်ဆေးအရေးယူဆောင်ရွက်လျက်ရှိပြီး တိမ်းမှောက်ရာတွင် လူထိခိုက်ဒဏ်ရာရခြင်း၊သေဆုံးခြင်းမရှိခဲ့ကြောင်း သိရသည်။

သူရိယထက်
Monywa Gazette
https://www.facebook.com/monywagazette

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ