ဧရာဝတီျမစ္ေရ ဝင္ေရာက္မႈေၾကာင့္ မတၱရာၿမိဳ႕နယ္အတြင္းရွိ အေျခခံပညာေက်ာင္း(၅၈)ေက်ာင္း ယာယီပိတ္



Share/Bookmark
ျမစ္ေရမ်ား စာသင္ေက်ာင္းမ်ားအတြင္းသို႔ ၀င္ေရာက္ေနမႈအားေတြ႔ရစဥ္(MOI)
ရန္ကုန္၊ ဇူလိုင္ ၂၃ ရက္ (ဆင္ဟြာ)

မႏၲေလးတိုင္းေဒသႀကီး ျပင္ဦးလြင္ခ႐ိုင္ မတၱရာၿမိဳ႕နယ္အတြင္း ဧရာဝတီျမစ္ေရဝင္ ေရာက္လာမႈေၾကာင့္ အေျခခံပညာေက်ာင္း(၅၈)ေက်ာင္း ယာယီပိတ္ထားေၾကာင္း ျပန္ၾကားေရး၀နႀကီးဌာနက ထုတ္ျပန္ေသာ သတင္းအရ သိရသည္။

အေျခခံပညာ ေက်ာင္းေပါင္း ၁၃ ေက်ာင္းသည္ ယာယီပိတ္ထားရာမွ ဇူလိုင္လ ၂၀ရက္ေန႔မွစ၍ ၄၅ ေက်ာင္း ထပ္မံပိတ္ခဲ့ရသျဖင့္ စုစုေပါင္း ၅၈ ေက်ာင္း ယာယီပိတ္ထားရေၾကာင္း ၿမိဳ႕နယ္ပညာေရး မွဴး႐ုံးမွ သိရသည္။

အလားတူ စဥ့္ကူးၿမိဳ႕နယ္အတြင္းရွိ အေျခခံပညာေက်ာင္း (၄၅)ေက်ာင္းကို ဧရာဝတီ ျမစ္ေရ ျမင့္တက္လာမႈေၾကာင့္ ယာယီပိတ္ထားရေၾကာင္း သိရသည္။

အဆိုပါ ဧရာ၀တီျဖစ္ေရျမင့္တက္လာမႈေၾကာင့္ မႏၱေလးတိုင္းေဒသႀကီးအတြင္း စာသင္ေက်ာင္းမ်ား ယာယီပိတ္ထားရၿပီး လူမ်ားသည္ ေရလြတ္ရာ ကုန္းျမင့္မ်ားျဖစ္သည့္ နီးစပ္ရာ ေဆြမ်ိဳးသားခ်င္းအိမ္မ်ား၊ ေစတီပုထိုးမ်ား ၊ဘုန္းေတာ္ႀကီး မ်ားသို႔ ေျပာင္းေရႊ႕ ေနထိုင္ၾကရေၾကာင္း ျပန္ၾကားေရးဝန္ႀကီးဌာန ၏ သတင္းထုတ္ျပန္ခ်က္အရသိရသည္။

(Xinhua)
http://www.xinhuamyanmar.com

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ