ဖွဲ့စည်းပုံပြင်ဆင်ရေး ကော်မတီ အစီရင်ခံစာမှာ ပြည်ခိုင်ဖြိုး သဘောထားမပါ

ပြည်သူ့လွှတ်တော် ကိုယ်စားလှယ် ဦးသောင်းအေး ကို တွေ့ရစဉ်
ပြည်ထောင်စုလွှတ်တော်မှာ မကြာခင်ရက်ပိုင်းအတွင်း တင်သွင်းမယ့် အခြေခံဥပဒေပြင်ဆင်ရေး ပူးပေါင်းကော်မတီရဲ့ အစီရင်ခံစာမှာ ကြံ့ခိုင်ဖွံ့ဖြိုးရေးပါတီသဘောထား မပါဘူးလို့ ပါတီရဲ့ လွှတ်တော်အစုအဖွဲ့ခေါင်းဆောင် ဦးသောင်းအေးက ပြောပါတယ်။

မနေ့ကအပြီးသတ်လိုက်တဲ့ ၂၀၀၈ ဖွဲ့စည်းပုံပြင်ဆင်ရေးပူးပေါင်းကော်မတီအစီရင်ခံစာကို လွှတ်တော်လုပ်ထုံးလုပ်နည်းတွေကြောင့် လက်မှတ်ရေးထိုးခဲ့တာဖြစ်ပြီး အစီရင်ခံစာမှာပါတဲ့ ပြင်ဆင်မယ့်အချက်အလက်တွေမှာ ပြည်ခိုင်ဖြိုးပါတီက သဘောထားမှတ်ချက် ပေးမထားဘူးလို့ ဦးသောင်းအေး က ပြောပါတယ်။

ပြည်ထောင်စုကြံ့ခိုင်ဖွံ့ဖြိုးရေးပါတီအနေနဲ့ ဖွဲ့စည်းပုံပြင်ဆင်ရေးနဲ့ပတ်သက်ပြီး ပြင်ဆင်ဖို့ဆန္ဒရှိပြီး ၂၀၀၈ အခြေခံဥပဒေ အခန်း ၁၂ မှာပါတဲ့အတိုင်း ဆောင်ရွက်သွားမယ်လို့ ဦးသောင်းအေးကပြောပါတယ်။

ပြည်ထောင်စုလွှတ်တော်က ဖွဲ့စည်းပေးလိုက်တဲ့ ၂၀၀၈ ဖွဲ့စည်းပုံအခြေခံဥပဒေပြင်ဆင်ရေး ပူးပေါင်းကော်မတီဟာ မနေ့တုန်းက ၂၅ ကြိမ်မြောက် အစည်းအဝေး ကျင်းပပြုလုပ်ခဲ့ပြီး အစီရင်ခံစာကို အပြီးသတ်အတည်ပြုခဲ့ပြီး လာမယ့်ရက်ပိုင်းမှာပြုလုပ်မယ့် ပြည်ထောင်စုလွှတ်တော်မှာ ဖတ်ကြားသွားဖို့ရှိတယ်လို့ NLD ပါတီက ဦးအောင်ကြည်ညွှန့်ကပြောပါတယ်။

၂၀၀၈ ဖွဲ့စည်းပုံအခြေခံဥပဒေပြင်ဆင်ရေး ပူးပေါင်းကော်မတီကို စတင်ဖွဲ့စည်းဖို့ အဆိုတင်ကတည်းက ပြည်ထောင်စုကြံ့ခိုင်ဖွံ့ဖြိုးရေးပါတီနဲ့ တပ်မတော်သားတွေက အခြေခံဥပဒေနဲ့ မညီဘူးဆိုပြီး ကန့်ကွက်ခဲ့တာဖြစ်ပါတယ်။

ဒီလို့ကန့်ကွက်ခဲ့ပေမယ့် ပြည်ထောင်စုလွှတ်တော်မှာ မဲခွဲဆုံးဖြတ်ပြီး အတည်ပြုခဲ့ကာ ကော်မတီမှာ NLD ပါတီက ၁၈ ဦး၊ တပ်မတော်သားအစုအဖွဲ့က ရှစ်ဦး၊ ကြံ့ခိုင်ဖွံ့ဖြိုးရေးပါတီ၊ ရခိုင်အမျိုးသားပါတီနဲ့ SNLD ပါတီက နှစ်ဦးစီ၊ တစ်သီးပုဂ္ဂလကိုယ်စားလှယ် တစ်ဦး၊ လူနည်းစု တိုင်းရင်းသား ၁၀ ပါတီက တစ်ဦးစီပါဝင်ပြီး စုစုပေါင်း ၄၅ ဦး နဲ့ ဖွဲ့စည်းခဲ့တာဖြစ်ပါတယ်။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ