တရားခံေျပးကို က်ပ္သိန္း (၁၈၀)ခန္႔ရယူကာ လက္ခံထားသူ အုပ္ခ်ဳပ္ေရးမွဴးေဟာင္းကို အမႈဖြင့္


တာခ်ီလိတ္၊ ဇူလိုင္ ၂၄

(၆)ႏွစ္ေက်ာ္ၾကာ မူးယစ္ေဆးဝါးမႈနဲ႔ ထြက္ေျပးတိမ္းေရွာင္ေနတဲ့ တရားခံေျပးကို ဖမ္းဆီးရမိၿပီး စစ္ေဆးရာကေန အဲဒီတရားခံေျပးကို ေငြေၾကးရယူကာ လက္ခံေနထုိင္ခြင့္ေပးခဲ့တဲ့ က်ိဳင္းလတ္ၿမိဳ႕၊ ဝမ္လံု (၁)ရပ္ကြက္အုပ္ခ်ဳပ္ေရမွဴးေဟာင္းကို က်ိဳင္းလပ္နယ္ေျမရဲစခန္းမွာ ဇူလိုင္လ ၂၃ရက္ မနက္ပုိင္းက အမႈဖြင့္ အေရးယူလိုက္တယ္လုိ႔ သိရပါတယ္။

၂၀၁၃ ခုႏွစ္အတြင္းက မူးယစ္ေဆးဝါးမႈနဲ႔ ထြက္ေျပးတိမ္းေရွာင္ေနတဲ့ တရားခံ ေအာင္ကိုလတ္ကို ဇူလိုင္လ ၂ရက္က က်ိဳင္းလတ္ၿမိဳ႕၊ မဲေခါင္ျမစ္ကူးတံတား မွာ ဖမ္းဆီးရမိခဲ့ၿပီး စစ္ေဆးရာမွာ က်ိဳင္းလတ္ၿမိဳ႕၊ ဝမ္လံု(၁)ရပ္ကြက္ အုပ္ခ်ဳပ္ေရးမွဴးေဟာင္း ေအာင္ၾကည္လင္း(ခ)ၾကည္လင္းဟာ ၂၀၁၇ ခုႏွစ္အတြင္းက တရာခံေျပး ေအာင္ကိုလတ္ကို ၂၀၁၇ ခုႏွစ္အတြင္းက သူ႔ရဲ႕ ညီမျဖစ္သူပိုင္ဆုိင္တဲ့ ျခံအတြင္းမွာ တဲထုိးကာ ေနထုိင္ခိုင္းၿပီး ဌာနဆုိင္ရာတာဝန္ရွိသူေတြကို ေပးကမ္းရန္အတြက္ ထုိင္းဘတ္ေငြ (၃၆၀၀၀၀)(ျမန္မာေငြ က်ပ္သိန္း ၁၈၀)ခန္႔ကို ေတာင္းခံ ရယူခဲ့ေၾကာင္း စစ္ေဆးေပၚေပါက္ခဲ့ပါတယ္။

ဒါေၾကာင့္ တရားခံေျပးကို သိလွ်က္နဲ႔ လက္သင့္ခံၿပီး ျပစ္ဒဏ္စီရင္ခံရျခင္းမွ ကာကြယ္ဖုိ႔ ေငြေၾကာင္းေတာင္းခံ ရယူခဲ့တဲ့ ေအာင္ၾကည္လင္း(ခ)ၾကည္လင္းကို တာခ်ီလိတ္ၿမိဳ႕၊ မကာဟုိခမ္းရပ္ကြက္မွာ ဖမ္းဆီးရမိတယ္လို႔ တာေလနယ္ေျမရဲစခန္းက တာဝန္က်ရဲအရာရွိတစ္ဦးက ေျပာပါတယ္။

“ဖမ္းမိတာကေတာ့ တာခ်ီလိတ္က သူ႔မိန္းမ ေစ်းေရာင္းတဲ့ေနရာမွာ ဖမ္းမိတာျဖစ္ပါတယ္” လို႔ သူက ေျပာပါတယ္။

ေအာင္ၾကည္လင္း (ခ) ၾကည္လင္းကို ရာဇသတ္ႀကီး ဥပေဒပုဒ္မ ၂၁၃နဲ႔ ဇူလိုင္လ ၂၃ရက္ မနက္ ၁၁နာရီခန္႔က တာေလနယ္ေျမရဲစခန္းမွာ အမႈဖြင့္ အေရးယူထားတယ္လို႔ သိရပါတယ္။

ေရႊႀတိဂံေဒသသတင္းလႊာ
https://www.facebook.com/GoldenTriangleRegionalNews

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ