စက္ေလွတိမ္းေမွာက္မႈေၾကာင့္ ၁၀ ဦးေသ၊ ၃၀ ေက်ာ္ ေပ်ာက္ဆံုးေန

နစ္ျမဳပ္ေနတဲ့စက္ေလွကို ၂၀၁၉ ဇူလိုင္ ၂၄ ရက္ေန႔က ရွာေဖြကယ္ဆယ္ေရးလုပ္ေနၾကစဥ္
မေကြးတုိင္း ေရနံေခ်ာင္းၿမိဳ႕နယ္ ဖရဲကၽြန္းေက်းရြာအုပ္စုက ေဒသခံ စက္ေလွတစ္စီး မေန႔ညေနက နစ္ျမဳပ္ၿပီး ၁၀ ဦး ေသဆုံးကာ လူ ၃၀ ေက်ာ္ ေပ်ာက္ဆုံးေနပါတယ္။

ေျမနုကၽြန္း ခြဲေဝသတ္မွတ္မႈနဲ႔ ပတ္သက္ၿပီး ကံသာေက်းရြာသားေတြနဲ႔ ပဋိပကၡျဖစ္ပြားၿပီးေနာက္ ဖရဲကၽြန္းေက်းရြာက ေဒသခံေတြဟာ စက္ေလွေပၚ အစုလုိက္ အျပံဳလုိက္ လိုက္ပါစီးနင္းလာရာကေန စက္ေလွနစ္ျမႇဳပ္သြားၿပီး လူေသဆုံး တာေတြ ရွိခဲ့တာျဖစ္တယ္လို႔ ဖရဲကြၽန္းတပ္ပိုးရြာက ကိုသက္ႏိုင္ဦးက ေျပာပါတယ္။

ေျမႏုကြၽန္းခြဲေဝ သတ္မွတ္ထားတဲ့ ေျမေနရာနဲ႔ထိစပ္ေနတဲ့ ဖရဲကၽြန္းေက်းရြာ မူလတန္းေက်ာင္း ဖြံ႔ၿဖိဳးေရးေျမေပၚမွာ ကံသာေက်းရြာအုပ္စုက ဝင္ေရာက္အိမ္ေဆာက္တယ္ဆုိၿပီး သြားေရာက္ေျဖ႐ွင္းရာမွာ ေက်းရြာ ႏွစ္ခုၾကား ပဋိပကၡ ျဖစ္ပြားခဲ့တာျဖစ္ပါတယ္။

အခုျပႆနာျဖစ္ပြားတဲ့ ေျမေနရာကို ၂၀၀၃ ခုႏွစ္ကစၿပီး ေျမစာရင္းဌာနနဲ႔ တာဝန္ရိွသူေတြက ပိုင္းျခားသတ္မွတ္ေပး ထားတယ္လုိ႔ ဖရဲကၽြန္းေက်းရြာသားေတြက ေျပာပါတယ္။

ကံသာေက်းရြာဘက္က က်မ္းကိုင္ကြၽန္အုပ္စု အုပ္ခ်ဳပ္ေရးမႉးကေတာ့ သူတို႔ပိုင္နက္နယ္ေျမျဖစ္လို႔သာ ဝင္ေရာက္ေဆာက္လုပ္တာျဖစ္တယ္လို႔ RFA ကို ဖုုန္းနဲ႔ေျဖၾကားခဲ့ပါတယ္။

RFA Burmese
https://www.rfa.org

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ