ဓါတ်ပုံ-ဇင်လတ်(ရွှေတြိဂံ) |
တာချီလိတ်မြို့၊ ဝိန်းကျောင်ရပ်ကွက်၊ တော်ကော့အတွင်းပိုင်းရှိ အောင်ပင်လယ်လမ်းဆုံမှာ ယနေ့ ဇူလိုင်လ(၉)ရက်နေ့ ညပိုင်းက ရှောင်တခင် ပိတ်ဆို့ရှာဖွေစဉ် Ruger အမျိုးအစား 380 Auto သေနတ်နဲ့ ကျည် (၁၄)တောင့်တို့ကို ဖမ်းဆီး ရမိခဲ့ကြောင်း သိရပါတယ်။
ဓါတ်ပုံ-ဇင်လတ်(ရွှေတြိဂံ) |
ယခုလက်နက်နဲ့ခဲယမ်းများနဲ့အတူဖမ်းဆီးရမိခဲ့တဲ့ အိုင်လာ (၃၀)နှစ်၊ မိုင်းခတ်မြို့နေသူကို တာချီလိတ်မြို့မရဲစခန်းမှာ အမှုဖွင့်အရေး ယူဆောင်ရွက်ထားကြောင်း သိရပါတယ်။
ဓါတ်ပုံ-ဇင်လတ်(ရွှေတြိဂံ) |
တာချီလိတ်မြို့မှာ ၂၀၁၉ ခုနှစ်အတွင်း သေနတ်ပစ်မှု (၃)ကြိမ်ဖြစ်ပွားကာ ၂ ကြိမ်မှာ လူ ၂ဦး သေဆုံးခဲ့ပါတယ်။ သေဆုံးသူ ၂ဦးထဲမှာ တာချီလိတ်မြို့ရဲ့ မြို့မျက်နှာဖုံး သူဌေးကြီး တပင်ရွှေထီး ဦးအာဖာလည်း ပါဝင်ခဲ့ပါတယ်။ ဒီအမှုတွေအတွက် တရားခံကို ဖမ်းဆီးရမိခြင်း မရှိသေးပါဘူး။
ရွှေဆိုင်ဓားပြတိုက် လုယက်မှုတွေမှာလည်း ပထမဆုံးအကြိမ် နန်းနန်းဘွန်းကျောက် ရွှေဆိုင်ကို ဝင်ရောက် ဓားပြတိုက်ခဲ့သူ ၆ ဦးထဲက ၂ဦးကို သာ ဖမ်းဆီးရမိသေးပြီး ကျန်ကွင်းဆက်တရားခံတွေကို ဖမ်းဆီးရမိခြင်း မရှိသေးသလို အခြား ရွှေဆိုင် လုယက်မှု ၂မှု နဲ့ ပတ်သက်တဲ့ တရားခံတွေကိုလည်း ဖမ်းဆီးရမိတာ မရှိသေးဘူးလို့ သိရပါတယ်။
ရွှေတြိဂံဒေသသတင်းလွှာ
https://www.facebook.com/GoldenTriangleRegionalNews
တာချီလိတ်မြို့မှာ ပိတ်ဆို့စစ်ဆေးရှာဖွေရာမှ သေနတ်ပါလာတဲ့ တရားခံကို ဖမ်းဆီးရမိ
Reviewed by THITHTOOLWIN
on
02:16
Rating: