၅တန်းကျောင်းသူလေးကိုမဖွယ်မရာပြုသူအားမိခင်ကိုယ်တိုင် အမှုဖွင့်တိုင်ကြား


ပေါင် ဇူလိုင် ၁၇

ပေါင်မြို့နယ် ဇင်းကျိုက်မြို့ ဖလပ်ရပ်ကွက် တွင် အသက်၁၄နှစ်အရွယ်ရှိသူမိန်းကလေးတစ်ဦးကို မဖွယ်မရာ ပြုလုပ်ခဲ့သူအား အရေးယူပေးပါရန် ပေါင်မြို့မရဲစခန်းသို့မိခင်ဖြစ်သူမှလာရောက်တိုင်တန်းခဲ့ကြောင်း သိရသည်။

ဇူလိုင် ၁၆ ရက် ည ၁၀း၃၀ အချိန်ခန့်တွင် မိခင်ဖြစ်သူ ဒေါ်ခင်ဝင်းမှာ နေအိမ်၌အိပ်ပျော်နေစဉ် သမီးဖြစ်သူ မ×××× သည် ၎င်း၏နေအိမ်သို့အပြင်မှ ရောက်ရှိလာပြီး ငိုနေ၍ သမီးကိုမေးမြန်းခဲ့ရာ

ဇင်းကျိုက်ကျောက်သင်္ဘောရေတံခွန် သန့်စင်ခန်းအနီး ထမင်းဆိုင်ရှေ့စားပွဲခုံတွင် ဖုန်းဖြင့်ဂိမ်းထိုင်ကစားနေချိန် နေလင်း ဆိုသောသူမှ အနီးသို့ရောက်ရှိလာပြီး သမီး၏ ဘယ်ဘက်ပါးနှင့် နို့သီးအားလက်ဖြင့် ဆုပ်ကိုင်ခဲ့၍ ကြောက်လန့်ပြီး အိမ်သို့ပြန်လာရခြင်းဖြစ်ကြောင်းမိခင်ကိုပြောပြခဲ့သည်ဟုဆိုသည်။

"ကျမသမီးက အခုအသက်က ၁၄ နှစ်ပါ။(၅) တန်းပဲရှိပါသေးတယ်။ သူ့အမကြီးနဲ့ ဒီဆိုင်မှာအိပ်မယ်ပြောလို့ ကျမကတောင် အပြင်မထွက်နဲ့လို့မှာသေးတယ်။ ဟိုကိုင်ဒီကိုင်နဲ့ ဓါးနဲ့ခြိမ်းခြောက်တော့ ကျမသမီးကကြောက်ပြီး သူလည်းထွက်ပြေးခဲ့တယ်လို့ ကျမကိုပြန်ပြောတယ်"ဟု မိခင်ဒေါ်ခင်ဝင်းကပြောသည်။

မိန်းကလေးအနီးတွင် လူရှိနေ၍သာ သက်သာရာရခဲ့ခြင်းဖြစ်သည်။

"ကျနော်တို့ကအိပ်နေရင်း ဆူသံကြားလို့ထွက်ကြည့်တော့ အသားညိုညိုနဲ့ ကောင်မလေးရဲ့အမကို ဆွဲလို့မရလို့ အငယ်မကိုဆွဲခေါ်တယ်။ သူကလည်း ကလေးဆိုတော့ဘာမှနားမလည်ဘူးလေ။ အဲ့ဒီဘေးနားမှာမှောင်နေတော့ သိပ်ပြီးမတွေ့ရဘူး။သူ့ကိုဘာလုပ်လဲလို့ မေးတော့ သူ့နို့ကိုကိုင်တယ်၊ပါးလည်းနမ်းတယ် တခါပဲကိုင်တယ်လို့တော့ ကောင်မလေးပြောတယ်။ သူကဓါးကိုင်ပြီးတော့ ကျနော်တို့ကိုတောင် ခြိမ်းခြောက်သေးတယ်။ဒီနေရာကနေ ၁၅ မိနစ်အတွင်းထွက်သွား။ တကယ်လို့ မင်းက မထွက်သွားရင်ငါ့အကြောင်းသိရမယ်"ဟုအချင်းဖြစ်စဉ်ကမိန်းကလေးဘက်မှကူညီပေးခဲ့သူ မောင်ရဲနိုင်ဦးကဆိုသည်။

အမှုဖြစ်စဉ်နှင့်ပတ်သက်၍အမျိုးသမီးငယ်၏ရင်သားကို ကိုယ်ထိလက်ရောက်ကျူးလွန်ပြီး မိန်းမကာအိနြေ္ဒ ပျက်ပြားအောင်ပြုလုပ်ခဲ့သူ နေလင်း၊ ၂၅ နှစ်၊ (ဘ) ဦးမြင့်ဦး ဖလပ်ရပ်ကွက်၊ ဇင်းကျိုက်မြို့ နေသူအား ပေါင်မြို့မ ရဲစခန်းမှ (ပ)၂၀၈၇/၂၀၁၉ ၊ ရာဇသတ်ကြီးပုဒ်မ-၃၅၄ ဖြင့် အမှုဖွင့်အရေးယူ ဆောင်ရွက်ထားကြောင်း သိရသည်။

နတ်သား
Paung Daily
https://www.facebook.com/paungdaily/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ