ကိုဇော်ဝင်းလှိုင်ရဲ့ ရုပ်အလောင်းကို ၂၀၁၉ ဇူလိုင် ၂ ရက်နေ့က စစ်တွေဆေးရုံထဲက ရင်ခွဲရုံကနေ သယ်ထုတ်လာစဉ် |
သူ့ကို AA အဖွဲ့ဝင်လို့ စွပ်စွဲချက်နဲ့ တပ်မတော်က ဇွန် ၁၉ ရက်နေ့က ဖမ်းဆီးစစ်ဆေးခဲ့တာဖြစ်ပြီး ဇွန်လ ၂၄ ရက်နေ့မှာ ကျောက်တော်မြို့မရဲစခန်းကို လွှဲပြောင်းပေးခဲ့တာလို့ သိရပါတယ်။
ကိုဇော်ဝင်းလှိုင်ကို အကြမ်းဖက်မှုတိုက်ဖျက်ရေးဥပဒေနဲ့ ဇွန်လ ၂၅ ရက်နေ့က ကျောက်တော်မြို့နယ် တရားရုံးမှာ ရုံးထုတ်ခဲ့ပြီး ကျောက်တော်ဆေးရုံမှာ အပြင်လူနာအဖြစ် ဆေးကုသမှုခံယူခဲ့ရသလို စစ်တွေဆေးရုံကြီးကို ဇွန်လ ၃၀ ရက်နေ့က ဆက်လက်ပို့ဆောင်ခဲ့ရတာလည်းဖြစ်ပါတယ်။
တပ်မတော်က စစ်ကြောရေးလုပ်ဆောင်စဉ် ညှဉ်းပမ်းနှိပ်စက်ခံခဲ့ရတဲ့ အတွင်းဒဏ်ရာတွေကြောင့် သေဆုံးတာဖြစ်တယ်လို့ မိသားစုကပြောပါတယ်။
ကိုဇော်ဝင်းလှိုင်ဟာ အသက်ရှုမဝတာ၊ သွေးအန်တာ၊ တံတွေးထွေးတိုင်း သွေးပါတာတွေ ရှိခဲ့ပါတယ်။
တပ်မတော်က စစ်ဆေးရာမှာ ညှဉ်းပမ်းနှိပ်စက်ခဲ့တယ်လို့ ပြောဆိုချက်နဲ့ပတ်သက်လို့ တပ်မတော်သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းကို RFA က ဆက်သွယ်နေဆဲဖြစ်ပါတယ်။
ရခိုင်ပြည်နယ်မှာ AA နဲ့ တပ်မတော်တို့ တိုက်ပွဲကာလအတွင်း AA အဖွဲ့ဝင်ဆိုတဲ့ သံသယနဲ့ တပ်က ဖမ်းဆီးစစ်ဆေးခဲ့သူတွေထဲမှာ သေဆုံးသူ အရင်က ၁၃ ဦး အထိရှိခဲ့ရာကနေ အခုနောက်ထပ်တစ်ဦး တိုးလာတာလည်းဖြစ်ပါတယ်။
RFA Burmese
https://www.rfa.org
AA အဖွဲ့ဝင်ဆိုတဲ့ သံသယနဲ့ ဖမ်းဆီးစစ်ဆေးခံရသူတစ်ဦး ထပ်မံသေဆုံး
Reviewed by THITHTOOLWIN
on
01:13
Rating: